وړاندیزونه:

 دلوګر ولایت دپولیسو شمیر د لوګر اوسني حالت ته په کتو سره ډیر لږ دی.ان داچې دوی دامنیت په راوستو کې پاتې راغلي دي. ځکه دوی د لرغونو اثارو دساتنې او ژغورنې په برخه کې څه نه شي کولی.نو پر دې بنسټ د اطلاعاتو او فرهنګ وزارت مکلف دی،چې دلوګر ټولو لرغونو سیمو ته چې هلته دلرغونو اثارو نښې لیدل شوي (۰۱۲)امنیتي قطعه ولیږي.او یا دې ددغه ولایت له چارواکو سره په مشورې ددغو سیمو دساتنې مسولیت پر غاړه واخلي.

دلوګر دلرغونو سیمو،لرغونو اثارو او پیاوړي علمي او مبارزو څټو لپاره دې داطلاعاتو او کولتور ریاست او یونسوکو په ګډون ګډ سیمه ییز درې ورځینی کانفرانس جوړ شي.

ددغه ولایت لپاره دې یو موزیم جوړ شي،څو ددغې سیمې ټول لرغوني توکي چې کیندل شوي او یا وروسته کیندل کیږي په کې خوندي کړای شي.

 لیکوال: عبدالرحمان حبیب زوی

۲۱/۱۰/۱۳۸۷