زړه ورتيا او ډار

راټولوونکى: منظوراحمد رودوال
زړه ورتوب په درواغو سره ځان پورې نه شي تپل کېداى ځکه زړورتوب داسې صفت دى چې غولول او درواغ نه مني . ( ناپېليون )
بې له هوښيارۍ زړه ورتوب وروسته له پېښې تصميم نيول د ځان غولول دي ( فردريک کبير)
زړه ورتوب د خطر سره ډغرې وهل دي . ( پى پروبر)
لږ سرښنتوب او لږ ظلم چې د زياتې بېباکۍ او ناپوهۍ سره يو ځاى شي داسې شى ترې جوړ شي چې نوم يې زړه ورتوب دى . (من اکسوپري)
يوغښتلې او زړور،زړه هرڅه کولاى شي. ( ديروزک )
زړه ورتوب په دې کې نه دى چې سړى د خطر سره مخامخ نه شي ، بلکې زړه ورتوب په دې کې دى چې خطر باندې بريالى شي . ( ديرواک )
ډار د مرګ بېلګه ده ، ډارن هغه لړزنده انسان دى چې هيڅ کار يې د لاسه نه کېږي او د چټل وجدان ملګرى دى .( اخلاق روحي)
ډېر حق تر پښو لاندې کول ،رسوايې منځ ته راوړي ،ډار د ژوند بنسټ ورانوي اود بنيادم ستر دښمن دى . (اخلاق روحي) .