پم ټاپ کمپيوټرPalmtop Computer
هغه کمپيوټر ته وايي چې هغه د لاس په ورغوي (Palm ) کې ايښودلی او استعمالولی شو نو ځکه ورته Palmtop Computer اصطلاح کارول کيږي. او بيلابيل ډولونه لري چې څو مشهور يې دادي :
١. جيبي کمپيوټر Pocket PC :
د لنډيز نښه يې کله P/PC او کله هم PPC په بڼه وي .دا يو وړوکی کمپيوټر دی چې په هغې کې مونږ معلوما ت او پروګرامونه ذخيره کولی شو، د مختلفو کارونو له پاره وخت ټااکلی شو، د مختلفو معلوماتو لکه متن ، تصويراو غږ (Multimedia ) لرونکي فايلونه چلولی شو، مختلفې کمپيوټري لوبې په کې کولی شو، له انټرنيټ سره يې تړلی شو او په انټرنيټ کې د MSN Messenger له لارې چاټ Chat او يا پيغام ليږدولی شو. داډول کمپيوټر ونه هم په مختلفو شکلونو باندې بازار ته وړاندې شوي دي .
ددې ډول کمپيوټرونو لپاره دوينډوز ځانګړې نسخه ( Version ) جوړه شوی چې د2005 کال د مۍ د مياشتې په ١٠ نيټه بازار ته وړاندې شوه اود ( 5.0 Microsoft Windows Mobile ) په نامه بلل کيده . په داسې حال کې چې د٢٠٠٣ کال په پای کې هم يوه وينډوز د( Microsoft Windows Mobile 2003 For Pocket PC ) په نامه د همدې کمپيوټرونو له پاره بازار ته وړاندې شوې وه .
١¬ ¬_ Palm- Size PC : ددې کمپيوټر زياتې ځانګړتياوې دجيبي کمپيوټر په څير دي ، کوم پروګرامونه چې په هغوکې استعماليږي ، په دې کمپيوټر کې هم د استعمال وړ دي . په نويو موبايلونو کې ځای په ځای شوي وړوکي کمپيوټر هم د همدې کمپيوټرونو له ډلې څخه دي
٣. Tablet PC: سکرين يې د Touch Screen په بڼه جوړ شوی دی او په په دری ډوله دی :
١_ Slots : هغه کمپيوټرونه دي چې يوازې سکرين لري خوکله چې څوک کيبورډ استعمالوي نو د USB له لارې يې ورسره تړلی شي او يا ورسره Wireless (بي کيبل نه) کيبورډ هم استعمالولی شو. مشهور ډولونه يې د Hp, Gateway او Compaq کمپنيوجوړشوي ، کمپيوټرونه دی.
٢_ Convertible : دا هغه کمپيوټر دي چې له ځان سره کيبورډ هم لري . دا ډول کمپيوټرونه له دوو برخو نه جوړ وي : لومړۍ برخه يې سکرين او دسيستم برخه ده چې د سيستم برخه کې مادر بورډ ، پراسسر ، حافظه او نورې پرزې شتون لري . دوهمه برخه يې کيبورډ وي .
٣_ Hybrid : ترکيبي کمپيوټر هم ورته ويلی شو .دا داسې کمپيوټر دي چې هم ورسره کيبورډ تړلی ا و هم يې ورنه جلا کولی شو . که څوک وغواړې کيبور ډ ورنه جلا کړي نود Slot کمپيوټر په څير به يې استعمالوي او که کيبورډ ورسره وتړل شي نوبيا د Convertible کمپيوټرپه څير استعماليږي .
Tablet PC کمپيوټر په لومړي پړاو کې له Grid Pad PC نه پيل شوی ، هغه چې د Grid Systems له لوری په 1989کال د سپټمبر په مياشت کې وړاندې شوی و . د Dos پروګرام له مخې يې کار کاوه او د اوسنيوکمپيوټرونو په څير يې اسانتياوې نه لرلې .
