ماشوم د قرآن په سیوري کې: ۲۵ عملي لارې

لاندینۍ لارښوونې باید له خپل ماشوم سره په منظمه توگه پلې کړو ، چې د قرآن په سیوري کې را لوی شي:
1.    میندې دې د حمل په موده کې قرآن ته غوږ شي.
پدې کار سره جنین له نفسي او روحي پلوه اغېزمن کیږي. کله، چې د ماشوم مور تلاوت کوي یا ورته غوږ نیسي، نو د هغې د راحت سبب کیږي. دغه احساس په جنین هم اغېز کوي. له همدې لامله کوښښ وکړﺉ  چې دحمل په موده کې په ورځنۍ توگه تلاوت وکړئ که څه هم لږ وي.
2.    کله، چې ماشوم د تي رودلو په موده کې وي، هم د قرآن تلاوت کوئ او یا یې اورﺉ.
په ورځ کې لس یا پنځلس دقیقې تلاوت کول د ماشوم ذهن له قرآن سره روږدی کوي او په راتلونکې کې له ماشوم سره د قرآن په حفظولو کې مرسته کوي.
3.     د ماشوم په حضور کې تلاوت کوﺉ
4.     ماشوم ته مو یو ځانگړی قرآن هدیه کړﺉ
او دا قرآن د هغه په نامه کړﺉ.
5.    د قرآن د ختم په ورځ یو محفل جوړ کړﺉ
کله، چې ماشوم قرآن کریم ختم کړ، نو تاسې پدې ورځ یو محفل جوړ کړﺉ او خپل ماشوم ته په کې یوه ډالۍ هم ورکړﺉ. پدې کار سره له قرآن سره د ماشوم شوق او علاقه ډېریږي او هر کله پدې فکر کې وي، چې کله به بیا قرآن ختموي.
6.    ماشوم ته مو د قرآن کیسې واورﺉ 
د ماشومانو دا خاصیت دی، چې کیسې ډېرې خوښوي، نو تاسې مو ماشوم ته د قرآن کیسې ډېرې اوروﺉ او د کیسو په منځ کې ورته هماغه مربوط آیت هم تلاوت کوﺉ ،چې د ماشوم اړیکې له قرآن سره ډېرې شي.
7.    ماشوم ته قرآني‎ مسابقې جوړې کړﺉ
که ممکنه وي مور دې خپل ماشومان په خپلو منځو کې په قرآني مسابقو سره بوخت کړي او یا دې ترینه داسې پوښتنې وکړي ،چې د ماشوم له سویې سره برابرې وي. مثلا: د قریش په سورت کې سفر په کوم نامه یاد شوی؟ ځواب یې رحله دی او یا د قریش په سورت کې د کال د کومو فصلونو یادونه شوې؟  چې ځواب یې الشتا؛ والصیف دى....
8.     محیطي عناصر له قرآن سره وتړﺉ
لکه د ځمکې، آسمان، ستورو، سپوږمۍ او داسې نورو ارتباط له قرآن سره وښیئ.
9.    قرآني مسابقې جوړې کړﺉ
له ماشوم څخه پوښتنه وکړﺉ، چې فلانۍ کلمه په کوم ځای کې ده، نو هغه مجبوریږي له قرآني قاموس څخه استفاده وکړي چې پدې وخت کې له ډېرو آیتونو سره آشنا کیږي او د دې پوښتنو طریقه باید د ماشوم له سویې سره برابره وي.‎
10.    قرآن مو له ماشوم سره ملگرى کړﺉ
په هر ځای کې باید له ماشوم سره قرآن وي. مثلا: د عم سپاره باید ورسره وي.
 دا مو د ماشوم روح آرام ساتي او د ډار او وېرې پر وخت مطمئن وي. البته ماشوم مو لومړی باید د قرآن په آدابو پوهولی وي.
11.    ماشوم مو په ځانگړیو وسایلو له قرآن سره نږدې وساتئ
مثلا: د قرآن د تلاوت سي ډیانې او کیسټې ورته واخلئ یا هغه قرآني تلویزیوني چینلونه ډېر ونیسئ، چې تلاوتونه په ښه غږ ږدي .دا ډېر مهم دي ،ځکه ماشوم مو هم غواړي د هغو په څېر شي ،چې له دی لارې ډیر هڅیږي.
12.    ماشوم ته مو تعلیمي سی ډیانې واخلئ
که ممکنه وي ماشوم مو په داسې سي ډیانو عادت کړﺉ، چې ماشومانو ته په کې د قرآني یا د تجوید یا داسې نورو علمي شیانو ښوونه کیږي، چې لدې لاری مو د ماشوم تلاوت سمیږي.
13.     ماشوم مو په سیاليو کې ګډون ته وهڅوﺉ
په جومات، ښوونځي او یا کور کې په مسابقاتو کې برخه اخیستو ته خپل ماشوم وهڅوﺉ، ځکه ماشوم هر وخت غواړي جایزه وگټي او دا هم د قرآن سره د علاقې او د حفظ ښه لاره ده.
14.    کله، چې مو ماشوم تلاوت کوي غږ یې ثبت کړﺉ
د ماشوم غږ ثبتول ماشوم د قرآن حفظ ډېر خوښوي په ځانگړې توگه کله، چې بېرته خپل غږ واوري، نو احساس کوي، چې دی هم کولای شي قرآن یاد کړي.
15.    د مکتب په پروگرامونو کې پرې تلاوت وکړﺉ 
د مکتب له مدیر او یا له استاذ سره اړیکه ونیسئ او ورته ووایئ، چې کله ماشوم تلاوت کوي غلطیانې یې اصلاح کړي، چې پدې سره ماشوم د قرآن حفظ ته ډېر هڅیږي. په ځانگړي ډول کله، چې د استاذانو لخوا وهڅیږي.
16.    له ماشوم څخه مو قرآني کیسې واورﺉ 
کله مو،چې ماشوم قرآني کیسې کوي تاسې ورته چپ کښینئ او داسې وښیئ لکه چې هېڅ مو دا کیسې نه وي اوریدلي . کله، چې مو ماشوم غلطیږي تاسې یې غلطي ورښیئ.
17.     کله نا کله ماشوم د امامت لپاره مخکې کوﺉ
18.    په کورنۍ حلقه کې مو ماشوم در سره گډ کړﺉ
په کورنۍ کې مو د تلاوت یوه حلقه جوړه کړئ او که ممکنه وي هره ورځ دا حلقه د 5 دقیقو لپاره تر سره کوﺉ.
19.     ماشوم مو د جومات حلقې ته لیږﺉ
دا د ماشوم لپاره ډېره ښه ده او د تجوید په ښه کولو کې یې ورسره مرسته کوي.
20.    که مو ماشوم د قرآن په اړه در څخه وپوښتل ښه ځواب ورکړﺉ 
که مو ماشوم د قرآن په اړه  در څخه کومه پوښتنه وکړه تاسې يې  ښه په دقت او په ښې طریقې ځواب ورکړﺉ.
21.     ماشوم ته مو قرآني قاموسونه واخلئ
ماشوم ته مو د هغه له سویې سره برابر د ماشومانو قاموسونه واخلئ ،چې د معنا په پوهیدو کې خپله خپل مشکل حل کړي.
22.     ماشوم ته مو د قرآن د تفسیر آسانتیاوې برابرې کړﺉ.
د دې لپاره، چې ماشوم مو په تفسیر څه نا څه وپوهیږي، د تفسیر سي ډیانې، کیسټې او کتابونه ورته واخلئ، خو هغه تفاسیر مه اخلئ، چې د علماوو اختلاف په کې بیان شوی وي.
23.    ماشوم مو له اهل علومو سره په ارتباط کې وساتئ.
ماشوم مو تل علماو ته ورولئ، له هغو سره یې ناسته پاسته ډېره کړﺉ؛ ځکه دا مو ماشوم ته دا جرات ورکوي ،چې له علماو سره د یوې موضوع په اړه بحث وکړي.
24.     د ماشوم تعلیمي نصاب له قرآن سره وتړﺉ.
کوم کتابونه، چې مو ماشومان په ښووځي کې وایي، تاسې له قرآن سره هغو مسایلو ته ارتباط ورکوﺉ.
25.    ورځنېو احادیثو ته له قرآن سره ربط ورکوﺉ
مثلا: ځینې احادیث د اسراف په اړه راغلي دي؛ نو دا  له قرآني ایاتو سره تړﺉ.

لدې لارښوونو څخه پرې توگه گټه واخلئ:
لومړی دا پاڼه چاپ کړﺉ
بیا دا لارښوونې په څو برخو ووېشئ. آسانه او د تطبیق وړ ترې بېلې کړﺉ او پرې عمل وکړﺉ
او هر کار مو د ماشوم له سویې سره برابر سرته ورسوﺉ.