په كندهار كي يو يهودى مذهبه كس د اسلام په مقدس دين مشرف شو او نن يي كلمه طيبه شريفه وويل .
هغه مراسم چي نن جمعه 31/12/2010غرمه مهال په همدي موخه د خرقي مطهري په مسجد جامع كي جوړ شوي وه په ترڅ كي يي ګڼ شمير ديني عالمانو ګډون كړى وو .
د خرقي مطهري ملا امام مسعود اخندازه بينوا ته وويل چي نوموړي د اسلام د مبارك دين په هكله زياته مطالعه كړي وه او وروسته يي پريكړه وكړه چي مسلمان شي .
نوموړى سورين نوميدى چي اوس عبدالله نوم پري كېښودل شو .
مخكنى يهودي سورين او اوسنى مسلمان عبدالله د رومانيي هيواد اوسيدونكى دى چي په كندهار كي د يوي بهرني خصوصي امنتي كمپنۍ قوماندان وه .
د عبدالله مور عيسوي ده او پلار يي يهودي دى .
خپله مسلمان شوى عبدالله وايي د اسلام مقدس دين يي ځكه غوره وبالى او په مسلمانۍ مشرف شو چي ددي مقدس دين په هكله يي زياته مطالعه كړي او سپيڅلى كتاب قران الكريم يي لوستى او د هغه په ژباړه يي ځان پوه كړى دى .
عبدالله وويل خپله كورنۍ او ملګري به هم د اسلام مقدس دين ته دعوت كړي او د اسلام د مبارك دين په ارزښت او اهميت به يي پوه كړي .
له بينوا څخه په منني
