سلامونه
ګرانو که ماته د سفر د لمانځه په هکله مالومات راکړئ دا به ډېر ښه وي
اګر چه زه مالومات لرم خو بیا هم راسره بعضي مشکلات پیدا کیږي
سلیمي
حامدا و مصلیاً
مسافر چي د خپل کلي یا ښار له ودانیو څخه ووزي نو د لمانځه قصر ورباندي واجب دی(د څلورو رکعتو څخه دوه رکعته کول پر واجب دي)
عالم ګیري مخ ۱۳۱ لومړی ټوک
که یو مسافر څلور رکعته پوره وکړي ګناه کار دی،ځکه دوه واجب یې پرېښول
۱:قصر(دوه رکعته کول)
۲:په ورستنۍ ناسته کي سلام ګرځول ځکه د مسافر لپاره لومړنۍ قعده(ناسته) وروستنۍ ناسته ده او ده په دې ناسته کي واجب سلام نه وګرځاوه
فتوی دارلعلوم دیوبند ۳۹۲ ،د سفر مسئلې مخ ۲۱ او عالم ګیری مخ ۱۳۹ لومړی ټوک
قصر په کمو لمنځونو کي؟
قصر په څلور رکعتیزو فرضو لمنځونو (ماپښین ،ماځیګر،او ماخوستن)کي کیږي.
په دوه رکعتیزه او درې رکعتیزه فرضو لمنځو (سهار ،ماښام)کي قصر نسته .
او په ټولو سنتو او وتروکي هم قصر نسته.
د سفر مسئلې ۴۶ بحواله علم الفقه مخ ۱۳۰ ټوک ۲ او په حواله د معارف القرآن مخ ۵۳۴ټوک ۲
ومن الله توفیق
مولوي حاجي محمد اواب
