زړه درکــــــــوم زړه درنه غـــواړم درځم
نورمې له خپـــــــــله ځانه لاړم در ځـــــــم

چې دتلو غم ته اوښکــــې پاتي نه شي
نن په راتلو در ســـــــــره ژاړم در ځــــــــم

څوک دې ښکلا یاره لوستلــــی نه شي
دمینې ژبــــــــــه کې دې ژباړم در ځــــــم

ډیر مې دهــــــجر په یخنۍ وخــــــــوړې
تودو مچـــــــکو کې دې نغاړم در ځــــم

نوم د(حسن) دې شي مسکا په شونډو
په پښــــــتنه حیا دې ویــــــــــاړم در ځم

 

ډاکټر حسن ــــ لندن