علماء بايد خپله جهاد وکړي او نور هم وروبلي.

د اخوان المسلمين اوسني مشر استاد عبدالبديع  د اسلامي امت له علماؤ وغوښتل چې خپل دين ته په دنيا ارزښت ورکړي، امت ته په حکامو ارزښت ورکړي او د هغه څه په فکر کې نشي او له هغه څه څخه ناراضي نشي چې د خداى له لوري ورته مقرر شوى او هغه څه يې ونه ځوروري چې د خداى د دين لپاره ورته پيښيږي، ښاغلي دوکتور عبدالبديع وويل: د اسلامي امت علماء بايد خلک د جهادلپاره تحريک کړى ترڅو د نورو لپاره قدوه وګرځي. استاد عبدالبديع د اخوان المسلمين په اونيزي خپرونې کې چې د رسالة الاخوان په نامه ده، په تيره اونۍ کې د "علماء الأمة والأمل المنشود" ترنامه لاندې يوه مقاله کې ليکې چې د اسلامي امت علماء د امت په ويښولو کې او صهيوني او امريکايې دښمن په مقابل کې د مجاهدينو د صفونو په جوړولو کې مهم رول اداء کړي، علماء بايد د فلسطين او دقدس قضيه له خپلو اساسي مسايلو څخه وګرځوي.  ده وويل چې د علماؤ حيثيت په جهاد کې داسې دى لکه په انسان کې چې زړه دى. استاد عبدالبديع وويل: موږ  د فرانسي استعمار په مقابل کې د ازهريانو مقاومت او ولاړينه نه ده هيره کړي، هغوى نه يواځې داچې د فرانسي استعمار په مقابل کې دريدلي و او مقاومت يې کړي و، مګر د
انګليسي، ايټالوي او نورو مستعمرينو په مقابل کې د مقاومت د قيادت په لومړي صف کې دريدلي و، هغوى په ٤٨ کال کې داوطلبانه جهاد ته لاړل او د صهيوني دولت د اعلانيدو په مهال بياهم غلي کينناستل او د يهودي دښمن مقابله يې په ډيره زړه ورتيا وکوله، دغه جګړه کې چې د اخوان المسلمين غړي يې لومړي صف کې جنګيدل، ډيرو لويو علماو لکه شهيد شيخ محمد فرغلي، استاد دوکتور مصطفي سباعي، شيخ محمد محمود الصواف او داسې نورو لويو علماو پکې برخه لرله.
استاد عبدالبديع ليکي: د ازهر علماء د خلکو رهبران و، دفاعي ژبې يې وي چې ظلم به يې هيڅ کله هم نه مانه، په لويو غونډو کې به يې د حق خبره کوله، حق او عدل کلمه به يې د مشر او کشر تر غوږونو رساوه، ترهغې به غلې نه کيناستل چې حق يې نه وي ښکاره کړي او باطل يې له منځه نه وي وړى، او تر دي به يې زړه نه مطمئن کيده چې خپل مسوليت يې نه و سرته رسولي.
ښاغلي استاد عبدالبديع په خپل پيغام کې علماو ته ليکي: د اخوان المسلمين د علماو حق ويل او د ظلم په مقابل کې دريدل زموږ او ستاسو څخه ليري نه دي، هغوى به حکاموته ترهغې حق ويلي او د سمې لارې بلنه به يې ورکوله
چې يابه يې دعوت منل کيده يا به د شهادت جام څښلو، د داسې خلکو په سلګونو مثالونه شته، مثلا شهيد سيد قطب، عبدالقادر عوده، شيخ محمد فرغلي او... چې د عسکري محکمو لخوا په ډير ظلم سره په شهادت رسيدلي او د خداى جل جلاله هغه قول يې پرځان ښه عملي کړي چي وايي: ﴿مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلاً﴾ (الأحزاب: 23).
ژباړه: ځيني له مومنانو څخه (داسې) سړي دي چې رښتيا کړي يې ده هغه خبره چې عهد کړى و دوى له الله سره په هغه باندې ( چې ثبات ، استقامت في القتال دي) پس ځينې له دوى هغه دى چې تر سره يې کړ نذر خپل ((چې مړ شو يا شهيد)) او ځينې له دوى هغه دي چې انتظار کوي (دغه مرګ يا شهادت ته) او بدل يې نه کړ (عهدخپل يوه ذره هم) په بدلولو سره. د دې په ادامه کې ښاغلي عبدالبديع ليکي: الله علماء د دې لپاره انتخاب کړي
چې خلکو ته د ژوند لاره ور وښيي، دوى يې د خلکو امامان ټاکلي، دوى يې له خدايه ويريدونکي مشران کړي، ترڅو دين او شريعت پري وساتي، همدا ده چې علماؤ ته يې د انبياؤ د وارثانو خطاب کړي، دوى هم بايد ځان د الله دغه قول ته برابر کړي: ﴿إِنَّ اللَّهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالْإِنْجِيلِ وَالْقُرْآَنِ وَمَنْ أَوْفَى
بِعَهْدِهِ مِنَ اللَّهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ﴾ (التوبة: 111).
ژباړه: بيشکه چې پيرودلي دي له مؤمنانو څخه نفسونه د دوى او مالونه د دوى ( چې خپل ځان او مال په جهاد کې قربانوي په عوض د دي چې بيشکه شته دوي ته جنت ، جنګونه کوي دوى په لاره د الله کې نو وژني مؤمنان دا (کفار) او وژل کيږي وعده ده په دغه (الله) باندې وعده حقه په تورات کې او په انجيل کې او په قرآن کې او څوک دي ښه وفا کوونکي په وعدې خپلې سره له الله څخه، نو خوشاله شي تاسې(اى مؤمنانو) په بيعه ستاسې باندې هغه چې معامله کړي ده تاسې له الله سره په هغې (بيعه او شرا سره)، او دغه (بيعه چې ده) هم دغه بري دي ډير لوي. بيا ښاغلي استاد عبدالبديع خپله رساله د ازهر شريف شيخ احمد محمد احمد طيب ته په توفيق غوښتلو پاي ته رسولي او دعاء يې ورته کړي چي د ازهر شيخ وکولي شي يوځل بيا ازهر خپل پخوانې حالت ته ورسوي او هماغه عزت ترلاسه  کړي، او د ازهر علماو ته يې دعا کړي چي يوځل بيا مسلمانانو ته قدوه وګرځي.