دسپیڅلي کتاب انجیل هغه پټه نسخه، چې حضرت عیسی علیه السلام په کې د محمد صلی الله علیه وسلم دپیغمبرۍ وړاندوینه کړې وه، د واتیکان د بېساري اهتمام او پاملرنې وړ ګرځیدلې ده، د انجیل دا نسخه نږدې ۱۴ ملیونه پونډه ارزښت لري.

خبرونه وايي: پخواني پاپ شپاړلسم بندیکتوس دهغې نسخې دلیدو غوښتنه کړې وه، چې ۱۵۰۰ کاله عمر لري، ډیری څیړونکي وايي: دا برنابا انجیل دی، چې په تېرو کلونو کې ترکانو پټ کړی و.

دانجیل دا نسخه د سرو زرو پر اوبو په لاس  لیکل شوې ده، جوړښت یې کټ مټ  د ارامي ژبې له لیکدود سره ورته دی. ویل کیږي، چې په دې نسخه کې د عیسی علیه السلام دلومړیو لارښوونو منځپانګه راغونډه شوې ده.

عیسی علیه السلام دخپلې پیغمبرۍ په پیل کې دمحمد صلی الله علیه وسلم د نبوت او پیغمبرۍ وړاندوینه او زیری کړې و.

دا متن یا نسخه، چې دحیواناتو پر پوستکي لیکل شوې ده، په ۲۰۰۰ ز کې ترکي پولیسو د قاچاقبرانو پر ضد دعملیاتو پرمهال له یوه کوره تر لاسه کړې وه.

ډیلي میل ورځپاڼه لیکي:

ترکي دا لاسي نسخه تر ۲۰۱۰ ز پورې ساتلې وه، وروسته یې بیا دانقرې   دلرغونپوهنې موزیم  ته وسپارله، له سرسري ترمیم څخه وروسته  بیا یو ځل بیا دنندارې لپاره کېښودل شي.

د ترکې دکلتور او ګرځندوی پخواني وزیر ارتوجرول ګونای وايي: دا نسخه کېدای شي دانجیل اصلي نسخه وي، چې مسیحي کلیسا پټه کړې وه ، دا نسخه  دحضرت عیسی علیه السلام په اړه  ډیر داسې څه لري، چې له اسلامي عقیدې سره اړخ لګوي. نوموړی وايي:  واتیکان په رسمي توګه غوښتي و، چې دا نسخه وګوري، داسې ویل کیږي، چې دا د اصلي انجیلونو مرقص، متی، لوقا او یوحنا تکمیلونکې نسخه ده.

د انجیل له اسلامي ګروهې/ عقیدې  سره موافق  دی او حضرت عیسی علیه السلام ته دانسان په سترګه ګوري نه د الله ج او معبود، پردې سربېره ثالوثي افکار، دمیسح علیه السلام په دارځړول نه مني، بلکې ردوي یې .

دا انجیل وايي: عیسی علیه السلام دمحمد صلی الله علیه وسلم د راتګ وړاندوینه هم کړې ده.