د ولسی جرګې لومړي مرستيال حاجي ظاهر قدير نن د ولسي جرګې په عمومي غونډه کې پر حکومت تور ولګاوه، چې د طالبانو او داعش تر منځ نښتو کې حکومت تل د داعش ملاتړ کړی دی. د ده په وينا چې د وسله والو مخالفينو په خپلمنځي جګړو کې حکومتی ځواکونه پر طالب ځواکونو بمباري کوي، خو داعش ته څه نه وايي. ده همداراز تور پورې کړ، چې حکومت د لشکر اسلام د ډلې غړو ته، چې له داعش سره مرسته کوي، ځانګړي کارتونه ورکړي دي. ده ټينګار وکړ چې د هغو چورلکو پوښتنه هم بايد وشي، چې تېره اونۍ يې په سرخرود ولسوالۍ کې مخ پټي وسله وال کښته کړي وو.  

د يادونې وړ ده چې يو شمېر کورنۍ ډلې او روسيه ادعا کوي، چې په د افغانستان حکومت د ننه يو شمېر چارواکي او ادارې له داعش سره مرسته کوي او موخه يې دا ده چې د داعش ځواکونه د افغانستان  شمال او بيا منځنۍ آسيا ته انتقال کړي.

دنښترویبلاګ یادښت:

دنښترپه ویبلاګ کې د ټولو درنولیکوالانولیکني بی له تبعیض اوسانسوره نشریږي، هره لیکنه د لیکوال خپل شخصي نظر څرګندوي، د نښترادارې توافق ورسره حتمي نه دی.نښتر یو خپلواک او بې طرف ویبلاګ او ددرنو هیوادوالوپه همکاري پر مخ ځي، که هرڅوک وغواړي موږ ته خپله لیکنه، خبر، انځور، ویډیو یا بل مطلب را لېږلی شي.