ارګ ته نیږدې سرچینې وایي چې ولسمشرۍ ته کاندید اشرف غني احمدزي نن سهار، له ولسمشر کرزي سره دوه ساعته لیدنه کتنه کړې، چې تر کتنې وروسته یې د ولسمشر کرزي د برخلیک په اړه غیر عادي مثبتې څرګندونې کړي دي. 

له بله اړخه، ځینې باوري سرچینو دا یادونه هم کړې چې د ولسمشر حامد کرزي ورور قیوم خان کرزي هم د ډاکټر اشرف غني احمدزي د ملاتړ پرېکړه کړې، خو دا چې د دې کمپاینونه منع دي، او د دې پرېکړې اعلان کمپاین ګڼل کېږي، نو هغه د دې پرېکړې رسنیز اعلان نه دی کړی.