د لقمان حکيم ۵۰ نصيحتونه و خپل بچي ته دمحب الله دانش راټولونه
۱- ای بچوړيه! هيڅوک او يا هيڅ شی له الله(ﷻ) سره مه شريکوه.
۲- له مور او پلار سره نېک چلند کوه.
۳- پوه شه چې هيڅ شی له الله (ﷻ) نه پټ نه دی.
۴- لمونځ هغه قسم چې ښايي اداء کړه.
۵- د نورو نصيحتونه او مشورې مه هېروه.
۶- له بدکارو نه هيڅ وخت د نېکۍ او ځوانۍ تمه مه کوه.
۷- له نورو سره په کبر او غرور رفتار مه کوه.
۸- په لاره تللو کې درميانه اوسېږه.
۹- په نورو باندې مه په غصه کېږه او ورسره په نرمۍ خبري کوه.
۱۰- په هغه څه چې نورو ته يې نصيحت کوې خپله پرې زر عمل کوه.
۱۱- لږ خبري کوه.
۱۲- خپل رازونه دې فقط له ځانه سره وساته.
۱۳- هغه دوست ته دوست ووايه چې په سختۍ کې در په کار شوی وي.
۱۴- له بدانو او جاهلو سره بنډار مه کوه.
۱۵- له عالمانو او هوښيارو خلکو سره تعلقات وساته.
۱۶- په کار و بار او نېک کار کې جدي اوسه.
۱۷- د ځلميتوب ورځې دي غنيمت وشمېره.
۱۸- د دوستانو احترام کوه.
۱۹- د مور او پلار وجود غنيمت وشمېره.
۲۰- ښوونکي د مور او پلار په څېر وگڼه.
۲۱-په ټولو کارونو کې ميانه حاله و اوسه.
۲۲-اولاد ته دې اسلام او دينداري ور وښايه.
۲۳- په لږ ويلو، لږ خوړلو او لږ ويده کېدلو ځان عادت کړه.
۲۴- د نورو کومک او ياری ته مه منتظرېږه.
۲۵-هيڅ کار مخکې له مکمل پلان لرلو نه مه کوه.
۲۶-د نن کار سبا ته مه پرېږده.
۲۷- له مشرانو سره اوږدې خبري مه کوه.
۲۸- محتاجان له خپل مال او دارايی نه مه محروموه.
۲۹- تېره شوې دعوه او دښمني مه تازه کوه.
۳۰- د نورو نېک کار په خپل ځان مه تپه.
۳۱- له خپلوانو سره خپلوي مه پرې کوه.
۳۲- د ولاړو خلکو په حضور کې مه کېنه.
۳۳- هيڅوک د چا په مخکې مه رسوا کوه.
۳۴- ويل شوې خبره بار بار مه تکراروه.
۳۵- (که له نارينه و څخه يې) د ښځينه خوی او لباس نه ډډه وکړه.
۳۶- په بدکارۍ کې له چاسره لاس مه يو کوه.
۳۷-په هيڅ کار کې عجله مه کوه.
۳۸- د خبرو په وخت کی د نورو خبری مه پری کوه.
۳۹-د خلکو په اصلاح کې يوه ذره سستی هم مه کوه.
۴۰- ادب او عاجزي هيڅکله هم مه هېروه.
۴۱- له الله (ﷻ ) سره په صداقت او له خلکو سره په انصاف چلېږه.
۴۲-د مشرانو احترام او په کشرانو نرمی کوه.
۴۳- د نورو مال او مقام ته طمعه مه کوه.
۴۴-عمر او روزي په حساب او کتاب ده، نو له هېچانه مه ډارېږه او مه ترې تمه کوه.
۴۵-عمر د عبادت او بنده گۍ له پاره غنيمت وشماره.
۴۶-هغه څه چې الله (ﷻ) درکړي پرې خوښ اوسه.
۴۷- له نېکو او ايماندارو خلکو سره مشوره کوه.
۴۸-مصرف دې له پېداوار نه کم ساته.
۴۹- هر څومره چې کولای شې مېلمه سره مهربانه اوسه.
۵۰- د ښځی او اولادو د بې ځايه غوښتنو پېروي مه کوه.
