د نړۍ تر ټولو اوږد يا زيات سفر په درياب كې ريډ سټوو كړى دى. دغه كس چې په نيويارك ښار كې اوسېږي، تقريباً اته پنځوس كاله عمر لري. نوموړي كس ۱۱۵۲ ورځې چې تر درې كلونو زيات وخت دى، د درياب پر سر باندې په كښتۍ كې سفر وكړ، ده بېله دې چې كښتۍ يې ودرېږې او يا يې د غذا لپاره ودروي، دغه سفر مكمل كړ چې له همدې كبله يې په نړۍ كې ريكارډ مات كړى دى.

ښاغلى سټوو لومړنى كس دى چې د نړۍ پر شاوخوا يې په بېړۍ كې سفر په پرله پسې زرو ورځو كې كړى دى. كه څه هم دغه كس وړاندې تر دې چې زر ورځې پوره شي خپل د كښتۍ سفر يې ودراوه، خو دا له دې كبله چې په داسې حال كې نوموړى نيويارك ته د رارسېدو په حال كې و چې هوا ډېره خرابه وه، نو ځكه دې پېښې يو څه وخت په بر كې ونيوى او وروسته تر دوه پنځوسو ورځو نوموړي دغه سفر پاى ته ورساوه.

ريډ سټوو وايي: ((دغه كړنه خلكو ته يوه نوې او عجيبه برېښي. د درېيو كلونو راهيسې زه خاكسار او خاموش يم او څښتن ته ډېر نږدې يم.))

لكه څنګه چې تاسو يې په عكس كې وينى، ريډ سټوو وروسته تر هغه چې په نيويارك ښار كې د خپلې كښتۍ څخه راكښته شو، ډېر د خوشحالۍ احساس كاوه او له خپلې مېرمنې سونيا او زوى دارشين سره چې درويشت مياشتې يې نه وو ورسره ليدلي، وكتل.))

د نوموړي كس زوى دارشين وايي: ((په لومړيو كې چې مې پلار په كښتۍ كې په سفر تلى، نو پر دې يې ډېرې فيصلې وكړې او دا تكل يې وكړ چې كه يې سفر مكمل نه كړ، نو بيا به ځي او تر هغو به يې نه پرېږدي چې په نړۍ كې يې ريكارډ مات كړى نه وي.))

د يادولو وړ ده چې له نوموړي سره په دغه سفر كې مختلف خوراكي مواد لكه ورجې، لوبيا، روميان، پسته، چاكلېټ او همدا راز نور د ضرورت وړ سامان آلات موجود وو.