د افغان يونايټيډ بانک او پکتيا پوهنتون د کرکټ لوبډلو تر منځ د کرکټ سيالي د يکشنبې په ورځ په کابل کې  شا او خوا د سهار په نهه بجو پيل شوه، افغان يونايټيډ بانک پچه وګټله او توپ وهنه يې غوره کړه چې په ٢٥ آورونو کې يې پکتيا پوهنتون ته ١٨٤ منډې هدف وټاکۀ پکتيا پوهنتون ونشوای کولی چې ټاکل شوی هدف پوره کړي او افغان يونايټيډ بانک دا سيالي په ١٠ منډو وګټله.

د افغان يونايټيډ بانک له خوا همايون ښه لوبه وکړه او د لوبې غوره لوبغاړی ونومول شو. د يادونې وړ ده چې د پکتيا پوهنتون له خوا خيال محمد او رحمت ښه ملګرتيا وکړه او ٨٢ منډې يې جوړې کړې او محبت په توپ اچونه کې وړتيا وښوده او درې لوبغاړې وسوځول..