مینه به دې کنګل کړم
.......................
کله مې هم چې د نفرت کولو لړۍ درنه پیل کړه تا به له زړه وباسم او زړه به هم پوه کړم چې نور دې یاده نه کړي خو مینه به دې د زړه په منځ کنګل پاتې کړم ...
غواړم د ژوند د هرې شیبې په تېرېدو سره چې ختمیدو ته ورلنډيږم ستا نیمګړې کنګل شوې مینه په څاڅکو څاڅکو سره ویلې کړم...
په خپلو ټولو دعاوو کې به مې له خدایه د اوږد ژوند نه ، د خوندور ژوند هم نه یواځې او یواځې د داسې یوه ژوند هیله وکړم چې د هرې شیبې په تیریدو ختمیدو ته ورنږدې شي ...
خو تر څنګ یې د هرې شیبې په تېرېدو د کنګل شوې مینې د څاڅکو څاڅکو اوبو کیدو او خاموشۍ لړۍ زما د ختمیدو له نیټې سره یوځاي ودروي او دواړه یوځآي په یوه وخت او یوې شیبې د جفا له دې ډکې نړۍ ووځو .
.........
صفي الله ستانکزی (اګست ۴ کال ۲۰۱۱ )