ړندې آینې
زمانه ټوله ړنده ده، د دنیا سترګې ړندې شوې
آینې دي ړندې سوي، که زما سترګې ړندې شوې
له رقیب سره ملګری، لاس په لاس اوړي را اوړي
زه هم نشت یمه منم خو، د آشنا سترګې ړندې شوې
بیا چینار ځوانیمرګ شوی، بیا ګودر په وینو سور دی
بیا سالو ده د چا سوې، بیا د چا سترګې ړندې شوې
شپه به خدایګو چې تمام شي، د ازغنو تیارو لارو
تیندکونه خورم غورځیږم، د سبا سترګې ړندې شوې
شیرین اغا جهانګیر
رباط سنګي هرات
۳۰-۰۳-۲۰۱۰
30.03.2010
- پېمانه
عاجل خبر:
د هرات ولایت د کشک کهنې په ولسوالۍ کې د طالبانو او دولت ترمنځ سخته جګړه روانه ده.
د هرا ت ولایت د کشک کهنې په ولسوالۍ کې د پولیسو او طالبانو ترمنځ سخته جګړه روانه ده. جګړه نن د غرمې په یوه بجه پیل او تراوسه پورې ادامه لري. دولتي منبح چې نه يې غوښته چې نوم يې څرګند شي، وویل چې پنځه تنه پولیس اسیران شوي او په زیاته کچه دولتي مخالفین وژل شوي دي. ددې پېښې په اړه لا نور جزئیات ندي ورکړل شوي
شیرین اغا جهانګیر...
31.03.2010
- پېمانه
نن چې له کاره ستړی ستون شومه کوټې ته راغلم
مخکې لدینه چې د کار جامې بدلې کړمه
لکه د تل په شانتې
خپل ټېلېفون مې را اوچت کړلو او ومې کتو
پوره پنځه میسکاله
شمیره مې وکتله
کور نه وو زنګ راغلی
زړه مې طاقت ونکړو
زنګ مې ور ووهلو
بس سمدلاسه چې زنګ ورغللو
د مور له هلو سره...
