غلام حضرت شاکر
له زمــانې نه ژاړي قيصـــــــه د چا له شــره کوي
د وطن پيــغـلـــه ده شــکوه لــه ستــمګــره کوي
مستـــوره حـــوره چــا يې مــخ پلـو ليــدلــی نه ؤ
په سرتور سر د عزت سوال لکه سوالګره کوي
پرديو نۀ دی شيــــن پـــړونی ځينـــی خپـلو وړی
دا ځــلې ځــکـــــه خـو فــرياد لـــه پيښـــوره کوي
د اوښـــکـــو ژبـــه ئې بــلا ګيــلې عـرضــونه لـري
باګرامه ! اوس چيـغــه دتاســـو له عسکره کوي
دچړو څــوکــو ئې شيـــن خال د ښکلا وړی مګر
د درد احســــاس دګـــاونــډيــو له خنــجــره کوي
ښائي په خيال کې يې هم دا چيرې تير شوي نه و
چــې ملالۍ بـه پــه ژړا کوچ لـــه خيبــــــــــره کوي
منــم يـو پـټ رقيـب پـه تـا هم غلچکی ګذار کړي
خـو پـه مـا ډزې رقيبــان ستــا لــه سنــــــګره کوي
د هـجـرت کـوره يـاد يــې لـره پـه تا هم بـــه راځي
ستـــا نا زولــــــــــې به هم کـوچ د تـا لــه دره کوي
