هند د جیش محمد پر مشر د نړیوالو بندیزونو لګېدل غواړي

هند د جیش محمد پر مشر د نړیوالو بندیزونو غوښتنه کړې چې په کشمیر کې یې ځانمرګی برید کړی او لږ ترلږه څلوېښت تنه یې وژلي دي. یوه ویډیو کې یو کس ادعا کوي چې دې برید ته له هغه وروسته وهڅېد چې وایې ورېدل ګواکې طالبانو امریکا ته په افغانستان کې ماته ور کړه.

کشمیر کې موټر بم برید ۴۰ هندي سرتېري وژلي

د هند تر ولکې لاندې کشمیر کې د نیمه پوځي ملیشو پر یوه کاروان یوه موټر بم برید کې لږ تر لږه ۴۰ هندي سرتېري وژل شوي دي. ویل کېږي چې دا په تېرو دېرشو کلونو کې په کشمیر کې پر هندي پوځیانو تر ټولو خونړی برید دی. پاکستان مېشتې جیش محمد نومې ډلې د دغه برید کولو ادعا کړې.

پاتریک شنهن: امریکا به له افغانستانه خپل سرتېري په خپل سر و نه باسي

د بلجیم پلازمېنه بروکسل کې د ناټو د دفاع وزیرانو غونډه کې د امریکا د دفاع سرپرست وزیر پاتریک شنهن وویل، امریکا به له افغانستان خپل سرتېري له نورو سره له مشورې پرته په خپل سر او ګوښې توګه و نه باسي. د ناټو ټولنې عمومي منشي ین سټولټنبرګ غونډې ته وویل، ناټو متحدین افغانستان ته یو ځايي تللي وو او د دغه ماموریت د راتلونکي پرېکړه به هم په شریکه کوي.

د نړۍ یوه تر ټولو ستره الوتکه له دې وروسته نه جوړېږي

ایربس الوتک جوړونکی شرکت وايي، د A380 په نوم د نړۍ یوه تر ټوله ستره الوتکه له دې وروسته نه جوړوي. ایربس فکر کاوه دا تر ټولو ستره الوتکه به ۲۱ پېړۍ کې تر ټولو ډېره پلورل کېږي، خو داسې ونه شول، ځکه یې نور تولید ځنډوي.

طالبان راتلونکې اونۍ پاکستان کې له عمران خان سره ګوري

د وسله والو طالبانو ویاند ذبیح الله مجاهد رسنیو ته استول شوې یوه اعلامیه کې ویلي، د سولې لپاره د دوی د مذاکراتي ټیم غړي به راتلونکې اونۍ د پاکستان په رسمي غوښتنه دې هېواد ته سفر کوي او هلته به له لومړي وزیر عمران خان او د امریکا له مذاکراتي ټیم سره جلا ناستې کوي

"ناټو په افغانستان کې دایمي پوځي شتون نه غواړي"

د ناټو غړو هېوادونو د دفاع وزیران نن چارشنبه په بروکسل کې خپله دوه ورځنۍ غونډه پیلوي. سرمنشي ین سټولټنبرګ ویلي، د دوی موخه دا نه ده چې د تل لپاره په افغانستان کې پوځي شتون ولري، بلکې موخه دا ده چې د ترهګرۍ پر ضد جګړه وشي او افغان ځواکونه و روزل شي

د نړۍ یو تر ټولو لوی قاچاقبر محکمه کې تورن اعلان شو

د مکسیکو د نشه يي توکو لوی قاچاقي هواکین ګوزمان چې په ال چاپو مشهور دی، په یوه محکمه کې محکوم شو. نوموړی د نشه يي نړۍ پلار هم بلل کېږي او د فوربز مجلې د میلیاردرانو نوملړ کې ځای لري.

طالبانو د سولې خبرو لپاره نوې مرکچي ډله اعلان کړه

په دې پلاوي کې د ۱۴ کسانو نومونه اعلان شوي چې مشري یې محمد عباس ستانکزی کوي، د پلاوي په ترکیب کې پنځه نوې څېرې ترسترګو کېږي چې د حقاني شبکې د بنسټ ایښودونکي جلال الدین حقاني زوی انس حقاني هم په کې دی. افغان حکومت وایي، انس حقاني د دوی په بند کې دی او تراوسه یې د خوشې کېدو هیڅ ډول پریکړه نه ده شوې.

د ټاکنو کمېسونونو کمشنران له دندو لرې شول

د افغانستان د ټاکنو قانون کې له بدلون وروسته افغان ولسمشر اشرف غني په فرمان کې ویلي، چې د ټاکنو کمېسونونو ټول غړي له دندو لرې شول، خو زیاته شوې چې د چارو د ځنډ او خنډ د مخنیوي لپاره د دواړو کمېسونونو د دارالانشا رییسان تر یوې مودې سرپرستان دي.

صبغت الله مجددي؛ سیاست، ښېګڼې او کمزورۍ

د افغانستان پخوانی ولسمشر او د ملي نجات ګوند رييس حضرت صبغت الله مجددي د ورپېښې ناروغۍ له امله د ۹۳ کلونو په عمر له دې نړۍ سترګې پټې کړې. د ښاغلي مجددي فېسبوک پاڼې او د ده کورنۍ ته نژدې سرچينې وايي نوموړي د فبرورۍ پر ۱۱ نېټه کابل کې ساه ورکړه.

د افغانستان پخوانی ولسمشر حضرت صبغت الله مجددي ومړ

د افغانستان پخوانی ولسمشر حضرت صبغت الله مجددي د ورپېښې ناروغۍ له امله د ۹۳ کلونو په عمر له دې نړۍ سترګې پټې کړې. د ښاغلي مجددي فېسبوک پاڼې او د ده کورنۍ ته نژدې سرچينې وايي نوموړي د فبرورۍ پر ۱۱ نېټه کابل کې ساه ورکړه. حضرت صبغت الله مجددي په ۱۹۲۶ کال د مجدديانو په مشهوره ديني کورنۍ کې زيږېدلی و.

غني: د سولې لپاره لویه مشورتي جرګه جوړوو

افغان ولسمشر محمد اشرف غني ویلي، حکومت به یې په هېواد کې د سولې لپاره د روان کال په حوت میاشت کې په پلازمېنه کابل کې یوه لویه مشورتي جرګه جوړوي. ولسمشر غني دا څرګندونې دوشنبه کابل کې د سولې ملي مشورتي پروسې غونډې ته خپله وینا کې وکړې

هلمند سیند کې اوبو زیاتېدلو ایرانیان هم خوشال کړل

د افغانستان سوېل ته نیمروز ولایت کې ځايي چارواکي وايي، د هلمند سیند اوبه هامون ډنډ یا جهیل ته بیا ورسېدې. دا ډنډ له کلونو راهیسې وچ دی او له ۱۹ کلونو راهیسې د هلمند اوبه نه ور تویېدې. ایرانۍ رسنۍ وايي، چې د دغه هېواد سیستان بلوچستان ولایت ته د اوبو رسېدلو ایرانیان هم خوشال کړي دي.

که پروتین غواړئ، ملخان وخورئ

څو کاله وړاندې ملګرو ملتونو وړاندیز وکړ چې د پروتینو د ترلاسه کولو له پاره دې د حشراتو پر خوړولو فکر وشي. په لوېدیځ کې دې وړاندیز ته ډېره لیوالتیا ونه ښودل شوه، او په نوره نړۍ کې هغو وګړو ته چې وار دمخه یې ملخان خوړول دا وړاندیز کومه نوې خبره نه وه

غني: طالبانو ته کابل، کندهار یا ننګرهار کې دفتر ورکولی شو

افغان ولسمشر محمد اشرف غني وایي، د ده حکومت چمتو دی چې وسله والو طالبانو ته په کابل، کندهار یا ننګرهار کې رسمي دفتر ورکړي،تر څو دا ډله له دې ځایونو د سولې په بهیر کې برخه واخلي. ولسمشر غني دا څرګندونې یکشنبه ننګرهار ولایت ته د خپل سفر په ترڅ کې وکړې