ایسپر: له سوریې څخه به یو شمېر پوځیان عراق ته ولېږدول شي

د امریکا دفاع وزیر مارک ایسپر وايي، له سوریې څخه شاوخوا زر ایستل کېدونکي امریکايي پوځیان به تر ډېره ښايي د عراق په لوېدیځ کې ځای پر ځای کړي چې د اسلامي دولت یا داعش سختدریځې ډلې پر ضد په جګړې تمرکز وکړي. ایسپر پرون (شنبه) د امریکا په یوه پوځي الوتکه کې، چې منځني ختیځ ته روانه وه؛ وویل، د سوریې له شماله د خپلو ځواکونو د ایستلو سرعت یې د ورځو خبره نه ده بلکې د اوونیو ده. ده زیاته کړه، د عراق ...

"د افغانستان د ولسمشریزو ټاکنو ابتدايي پایلې یوه اوونۍ کې اعلانېږي"

د افغانستان د ټاکنو خپلواک کمیسیون چارواکي وايي، د تېر ولسمشریزو انتخاباتو لومړنۍ پایلې به یوه اونۍ وروسته اعلان شي. د ټاکنو د مهالوېش له مخې، په پام کې وه د میزان ۶مې ولسمشریزو ټاکنو پایلې تېره ورځ (میزان ۲۷مه) اعلان شي.

د امریکا د کانګریس پلاوی اردن ته لاړ

د امریکا د کانګریس د استازو جرګې مشره ننسي پلوسي او په دې جرګه کې د دواړو ګوندونو ۸ نور غړي اردن ته تللي چې له پاچا عبدالله او نورو اردني چارواکو سره وویني. پلوسي په هغه بیان کې، چې پرون (شنبه) یې خپور کړ، ویلي چې د دواړو ګوندونو غړیو په داسې یوه وخت کې سفر کړی چې د دې سیمې د امنیت او ثبات لپاره حساس دی. اردن په منځني ختیځ کې د امریکا یو کلیدي متحد دی.  

برتانیا پارلمان له اروپايي ټولنې د دغه هېواد وتلو ځنډېدل تصویب کړل

د شنبې ورځې په لومړنۍ رایې اچوونه کې برتانیا پارلمان هغه ترمیم چې له مخې یې د برتانیا حکومت باید له اروپايي ټولنې د دغه هېواد وتلو ځنډول وغواړي، تصویب کړ. له دې سره باید د لومړي وزیر بوریس جانسن له هوکړې سره هم برتانیا د راتلونکي کال د جنورۍ میاشتې په پای کې له اروپايي ټولنې ووځي.

د آشنا تلویزیون د شنبې خپرونه

د افغانستان، سیمې او نړۍ تازه خبرونه او ډیر نور په زړه پوري راپورونه

په سوریه د اوربند د ماتیدو نښې نښانې

د پنځه ورځني اوربند سره سره چې د جمعې په ورځ عملي شوی دی، نن شنبه د ( اکټوبر ۱۹) د ترکیې او سوریې په سرحد کې سهار وختي لوړ لوګي لیدل شوي دي.

د انتخاباتو کمیسیون په وخت د پایلو د نه اعلان په وجه بخښنه وغوښتله

د افغانستان د انتخاباتو خپلواک کمیسیون رئیسې په خپل وخت د پایلو د نه اعلان په وجه د افغان ولس نه بخښنه وغوښتله.

یونس مهمند: بې ثباتي او امنیتي ستونزې د سوداګرۍ او پانګوونې لپاره غټې ننګونې دي

د ازادي راډیو د حقیقت څه دی په دې خپرونه کې مو د سوداګرۍ او پانګوونې د خونې له مرستیال محمد یونس مهمند سره په سوداګریزو مسایلو خبرې کړي دي.

ټاکنیز څارونکي: د لومړنیو پایلو ځنډ سره ستونزه نه لرو

د یو شمېر ټاکنیزو ډلو څارونکي وايي چې د لومړنیو پایلو له ځنډ سره ستونزه نه لري. د ټاکنو خپلواک کمېسیون هم مني چې د لومړنیو پایلو ځنډ د دوی په راتلونکو پړاونو او د وروستیو پایلو په اعلان اغېز لري.

ترکیې د داعش تښتیدلي غړي نیولي دي

د ترکیې د کورنیو چارو وزارت وایي د داعش ۴١ هغه مشکوک غړي یې بیرته نیولي دي چې تیره اونۍ په سوریه کې له زندان نه تښتیدلي وو.

د سینې د سرطان واکسین به 'په څه کم لسو کالو کې جوړ شي'

د فلوریدا په جکسنویل ښار کې د "مایو کلینک" څیړونکي وایي ښایي په راتلونکو اتو کلونو کې به د سینې د سرطان هغه واکسین چې دوی جوړ کړی د استفادې لپاره وړاندې کړي.

ملګرو ملتونو هسکه مېنه کې برید وغانده

د ملګرو ملتونو سرمنشي انتونیو ګوتیرڅ د ننګرهار په هسکه مېنه ولسوالۍ کې د پرون ورځې برید وغانده چې د ځايي چارواکو په خبره، په کې له شپېتو ډېر کسان وژل شوي او تر ۳۵ ټپیان شوي دي. تراوسه د دې برید مسوولیت چا نه دی منلی.

یو پاکستانی په "فیسبوک کې اسلام ته د سپکاوي" په جرم بندي شو

د پاکستان یوې محکمې یو کس په فیسبوک کې د یوې لیکنې په جرم چې "اسلام ته سپکاوی" گڼل شوی په پنځه کاله بند محکوم شو.

ازادي ستوډيو- د نړۍ مهم خبرونه

د ملګرو ملتونو وايي د روان کال جولای، اګست او سپتمبر میاشتې په افغانستان کې د ملکیانو لپاره تر ټولو خونړۍ وې. د امريکا د بهرنیو چارو وزیر وايي: د ایران د تهدیدونو پر وړاندي به د اسرایل دفاع وکړي.

د لومړي ځل لپاره دوه ښځې په فضا کې وګرځیدلې

امریکايي ستورمزلې (فضانوردانې) کریستینا کوچ او جیسیکا مئیر لومړنۍ میرمنې دي چې د نړیوال فضایي مرکز بهر یې په فضا کې په ګډه قدم ووهلو.