جانان

لمرینه انرژي
ساینس پوهان وایي که چېرې لمر نه وای او یا د ځمکې او لمر ترمنځ واټن تر اوسنۍ اندازې زیات وای نو د تیارې او سړې هوا له کبله به موجوداتو ته پر ځمکې ژوند کول ناشونی و، دا ځکه چې ټول موجودات د ژوندي پاتې کېدلو لپاره دلمر رڼا او انرژۍ ته اړتیا لري. انرژي دیوه نامريی ځواک په توګه د ټولو موجوداتو په بدن کې شته او کار ترې اخیستل کېږي، که چېرې انرژي وجود ته ونه رسېږي دکارونو د ترسره کولو یا وده کولو وړتیا نه پاتې کېږي او له همدې امله تر یوې لنډې مودې وروسته هر ډول موجود چې وي له منځه ځي..

٦ / ٤ / ١٣٨٧ هـ ل | 2008-06-26 06:29:56 م | اړيــــــــــــــکي | عزت الله شمسزی

پېلوزی دې بېرته پيل شي
که د بي بي سي راډیو مخینې ته وکتل شي، نو جوته به شي چې خبرونو یې دخلکو په زړونو کې ځان ته ځانګړی ځای پیدا کړی و، ځکه د ګوهر رحمن ګوهر، داود جنبش او ځینو نورو تکړه ویاندانو اوازونه د خلکو په غوږونو کې داسې انګازې کړې وې، چې بیا به یې هر سهار او ماښام غوږونو د هماغو خوندورو اوازونو اورېدل غوښتل.

٤ / ٤ / ١٣٨٧ هـ ل | 2008-06-24 11:44:25 م | اړيــــــــــــــکي | شمسزی

کندهار ته زما سفرونه/ شمسزی
کندهار ته ما له ۲۰۰۳ کال راهیسې څلور سفرونه کړي دي، هر سفر می تر پخواني خطرناک او له جنجالونو ډک و، تاسې به ولولی چې څنګه په هر نوي سفر کې حالات لکه فلمي صحنو شېبه په شېبه خطرناک کېږي او ورځ په ورځ څومره بدلونونه راځي.
د ټولو سفرونو انځورونه راسره دي، خو زما انټرنټ یې د ډاونلوډ کولو څخه عاجز دی، هیله من یم چې عکسونه یې په چاپي بڼه ګرانو لوستونکو ته وړاندې کړم.
په درنښت
شمسزی

٢ / ٤ / ١٣٨٧ هـ ل | 2008-06-22 08:13:12 م | لنډې کيسې | شمسزی

دلغمان فرهنګي ټولنې د خواخوږۍ پیغام
لغمان فرهنګي ټولنه د پژواک خبري اژانس او بي بي سي راډیو د ژورنالیست ارواښاد عبدالصمد روحاني پر بې رحمانه ترور خپله ژوره خواشیني څرګندوي او درنې کورنۍ ته یې د جمیل صبر غوښتنه کوي.

٢٢ / ٣ / ١٣٨٧ هـ ل | 2008-06-11 07:06:51 م | اړيــــــــــــــکي | لغمان فرهنګي ټولنه

دعابد خاطرې
د زمانې پر لویه لاره، دشپې کېږدۍ او د وخت لوبې دا ټول له خپلو خوږو او ترخو شېبو سره تېرېږي، مینې مري، رنګونه بدلېږي، یوازې او یوازې خاطرې که خوږې وي او که ترخې په خپل ځای پاتې کېږي.

١٨ / ٣ / ١٣٨٧ هـ ل | 2008-06-07 06:47:05 م | اړيــــــــــــــکي | شمسزی

ویببلاگ والو سلام!
کله چې مې په لومړي ځل ویببلاګ خلاص کړ، نو په ډېره مینه او تلوسه به مې په کې مطالب ځای پر ځای کول، مینه او تلوسه مې ځکه سره جوړه کړي چې دوه موخې مې درلودې، مینه مې له لیکوالۍ او ویببلاګ درلودنې سره وه او تلوسه به مې تل ددوستانو تبصرو او نېکو وړاندیزونو، نیوکو او کره کتنو ته وه. چې تل به مې ددوی د تبصرو په لیدو زړه خوشحالېده او دیو نیم مساپر ملګري حال احوال باندې به هم پوهېدم.

٢٩ / ٢ / ١٣٨٧ هـ ل | 2008-05-18 09:06:40 م | فرهنګي خبرونه | شمسزی

د جمهور ریس له نامه سو استفاده کوونکي فراډیان
دې ته ورته نورې په سلګونو خبرې چې په انګرېزۍ کې ورته (Language Skill) او پېښوریان ورته د ژبې صفایي وایي. دغه د ژبو او لاسونو صفایي لرونکي مداریان تر هغو مارنیوونکو مداریانو ډېر تېز دي چې په بازارونو او مېلو کې یې سلګونو خلک پر ځان راټول کړي وي او تش د لاسونو او ژبې په خوځولو یې تېر باسي.

٢٦ / ٢ / ١٣٨٧ هـ ل | 2008-05-15 05:55:38 م | ننني سیاسي حالات | عزت الله شمسزی

ملغلرې
مرگ
مرگ له ژوند نه وپوښتل:

١٦ / ٢ / ١٣٨٧ هـ ل | 2008-05-05 08:48:55 م | د زړونو خبرې | جانان

ژوند
ژوند
چا وانه خیست خو اوبه شو

١٦ / ٢ / ١٣٨٧ هـ ل | 2008-05-05 08:45:14 م | انځورونه | جانان

که ماته ایمیل یا ټیلیفون کوی
یادونه:
ځینو دوستانو له ما سره په اړیکه نیولو کې ستونزې لرلې او غوښتنه یې دا وه چې خپله پته او د ټیلیفون شمېره په پاڼه کې ځای پر ځای کړم، زه ددوی له نېکې مشورې څخه مننه کوم هیله ده زما پته لاندې پیدا کړي:

٢٤ / ١ / ١٣٨٧ هـ ل | 2008-04-12 06:17:40 م | د یارانو لپاره زما پته | شمسزی

نندارچي (شمسزی)
د نندارچي د نوم په اورېدو یا لیدو به ښایي تاسو ته د نندارچیانو ګرم احساسات او له پېښو سره د هغوی دلچسپي در په زړه شي. که پورته مو زما نوم لیدلی وي نو فکر وکړﺉ چې زه هم یو له هغوی څخه یم، دا څو کاله مې د خدای (ج) په دې اړته نړۍ کې ډېرې لوړې ژورې ولیدې او ډېر نږدې دوستان مې ولیدل چې همدې لوړو ژورو ته ټیټ وپاس شول. له تاسو به یې څه پټوم زما د مشاهدې په تله کې څو څو ځله سپک او درانه شول، خو زه په هر پړاو او نظام کې یوازې خپله دنده سرته رسوم، د پېښو ننداره کوم او بس.

٤ / ١ / ١٣٨٧ هـ ل | 2008-03-23 06:36:49 م | لنډې کيسې | عزت الله شمسزی

که بېرته رانغلم هغه نښان بیا د خپل واړه لمسي په ټټر وټومبې
هغې به خپل خرمایي وېښته داسې شاته ووهل لکه د لمر وړانګې چې د بابا د غره د شاه فولادي له لوړې څوکې را تاوې وي او بیا به یې د پوهنې له کتابونو نه ډک بیګ پر اوږه واچاوه، تر ډېره به یې د کور ددهلیز په قد برابره اينه کې داسې ځان ته کتل تا به ویل چې په خپله د خپل ځان پیرودونکې ده. مغروره حسن یې د حسن غرونه نړول، داسې برېښېدل چې دا د ښار مغروره د خپل خالق په ځانګړې پېرزوینه لویه شوې ده، غرور د خدای (ج) خاصه ده خو دا ښکلې ورسره ښه ښکارېده.

٣ / ١ / ١٣٨٧ هـ ل | 2008-03-22 06:11:00 م | فرهنګي خبرونه | استاد غلام نبي (ګل)

یو افغان ځوان، لیکوال او شاعر په امریکا کې د روټري مهمه جایزه وګټله
افغان ځوان، لیکوال او شاعرمحب الله اسرار ته د ۲۰۰۸ کال په روانه میاشت د امریکې د میشیګن ایالت فرانکفورت ښار کې د امن راوستلو د هلو ځلو له امله د روټري د نړیوالې ادارې له خوا د پال هاریس په نامه مډال ورکړل شو.

٢٩ / ١٢ / ١٣٨٦ هـ ل | 2008-03-19 07:02:30 م | فرهنګي خبرونه | شمسزی

سپرلی- شمسزی
لارې کوڅې چې د خپل چم ورته اغزي ونیسي

خود به دې ښاره څلور لارې لېوني ونیسي

٢٩ / ١٢ / ١٣٨٦ هـ ل | 2008-03-19 05:39:53 م | اړيــــــــــــــکي | عزت الله شمسزی

د لغمان نوي والي صیب ته یو څو وړیا مشورې
ښاغلی والي صیب مخکې تر دې چې لغمان ته لاړ شې، د لغمان د نورو پخوانیو والیانو د ناکامیو له رازه دې خبروم.

١٩ / ١٢ / ١٣٨٦ هـ ل | 2008-03-09 06:42:19 م | ننني سیاسي حالات | عزت الله شمسزی

افغانستان د ترقۍ پر لور
د نړۍ بېلابېل هېوادونه تل په دې هڅه كې دي چې څنگه وكولاى شي پر خپل ځان متكي او خپلې ستونزې په خپله حل كړي، څنگه خپل صنعت ته وده وركړي چې له لارې يې خپل ولس ته د كار زمينه برابره او د هېواد ملي اقتصاد پياوړى كړي. دغه ډول هځې د هېوادونو او ولسونو په كچه كېږي، خو كله چې بيا دواړه لاس په لاس د پرمختيا په لور گامونه واخلي نو پايلې يې ډېرې اغېزمنې وي.

٢١ / ١١ / ١٣٨٦ هـ ل | 2008-02-10 08:30:13 م | اړيــــــــــــــکي | عزت الله شمسزى

يو كلي يو محصول (One Village One Product)
نړيوال څېړونكي تل په دې هڅه كې دي چې د هرې ورځې په تېرېدو سره د خپلو هېوادونو د خلكو د اقتصاد د پياوړي كولو او د بېوزلۍ د كچې د راټيټولو لپاره نوې نوښتونه وكړي او دفقر د كمزوري كولو لپاره نوې حل لارې راوباسي.

٢١ / ١١ / ١٣٨٦ هـ ل | 2008-02-10 08:28:03 م | ننني سیاسي حالات | عزت الله شمسزى

څو بیتونه (شمسزی)
د فاتحینو د ښار حال اوس د ژړا لایق دی
بس یو څو پوچ برجونه پاتې دي نور هېڅ هم نه شته

٦ / ١١ / ١٣٨٦ هـ ل | 2008-01-26 05:52:50 م | شــــعرونه (د شپې په غېږ کې) | شمسزی

ستوري ياران
ددې ښار د هر څراغ زړگى مات شوى
ددې ښار هره كوڅه وځي مورچل ته

خداى مې دومره بې سيكې كړل اندامونه
د لاس گل خيژوى نه شم ستا وربل ته

٤ / ١٠ / ١٣٨٦ هـ ل | 2007-12-25 06:59:11 م | شــــعرونه (د شپې په غېږ کې) | عزت الله شمسزى

فاروق فردا سره غمشريكي

په ډېرې خواشينۍ سره مو خبر تر لاسه کړ چې د تکړه، ژورنالست، شاعر او ليکوال فاروق فردا پلار په حق رسيدلی دی. انا لله و انا اله راجعون.

٣ / ١٠ / ١٣٨٦ هـ ل | 2007-12-24 12:24:25 م | فرهنګي خبرونه | شمسزى