يارمې هندو زه مسلمان يم!
11.02.2009 19:08دډيلي په ښارکې دنظام الدين اوليا دمزارپه چاپېريال کې له هغه ځايه چې دبېلابېلو هیوادونو په سلګونو سيلانيان اوزيارت کونکي راټول وي،هلته یوه افغانه مېرمن هم په خپل ورک مېړه پسې دلته رارسيدلي ده.
صابره احمدزﺉ چې دوه کاله وړاندي يې په کابل کې له یوه هندوستاني ډاکټرسره واده کړی وو، اوس په ډيلي کې کوڅه په کوڅه مزارونه اودرمسالونه جاروکوي اودخپل ورک مېړه دبياموندلو هڅې کوي.
صابره احمدزﺉ
خودصابره احمدزﺉ په واده کې دپام وړخبره داده چې دهغې مېړه افغان څه چې آن مسلمان هم نه دی بلکې هغه ديارمې هندو زه مسلمان يم دمصرۍ سره سم، دهند دیوې لري پرتې خواري سيمې یوخوارډاکټردی چې واردمخه په هندي پوځ کې ډاکټروو خوڅه موده وړاندي يی دقسمت ستوری وځلېد اودیوه ټيم په تشکيل کې کابل ته راغی.
ډګرمن چندراشېکار چې دهندوانو په ټيټ پنت نومي ذات پوري اړه لري اودامهال دکابل داندراګاندۍ په روغتون کې په کاربوخت وو.صابره احمدزﺉ هم یوه افغان ډاکټره وه چې په همدې روغتون کې يې له چندرابهايی سره څنګ په څنګ کارکاوه. خویو وخت دڅنګ په څنګ کارپايله دڅنګلوترجنګولو او وروسته آن په واده پای ته ورسېده.
سره له دې چې چندرا هندو وو خوصابرې ته داڅه بې تفاوته وو ځکه دهغې دريځ داوو چې:
زړه چې مین شې ښايست نه غواړي
ډګرمن چندراشېکر اوصابره احمدزﺉ
هماغه وو چې ددوي دواړو ترمنځ واده وشو. یوکال يې نورهم په کابل کې سره تېرکړ.کله چې چندرا بېرته ډيلي ته تبديل شو،نوله تګه وړاندي يې له خپلې مېرمن سره ژمنه وکړه چې هندته له رسېداسره جوخت به يې هلته راغواړي اود ډيلي په لوکس سيمه کې به ويلا ورته نيسي.
خویوکال تېرشو چې دچندرابهايي هيڅ پته ونه لګېده. په لومړيو ورځوکې يې دصابرې ټلیفون ته ځواب هم وايه خو وروسته يی تماس په یومخيز ډول وشکاوه.
صابره چې کله پوه شوه چې هندو هسې دوکه ورسره کړې ده نويې هوډ وکړ چې هند ته ولاړه اوخپل مېړه پیداکړې.
هغه څه موده وړاندي هند ته ورسيده او آن دچندراکلې ته يې ځان ورساوه.
خوچندرا ددې پرځای چې دیوه بډای جنرال زوی وي،دیوه خوار بزګر زوی اوپه دوه خونه لرونکې کور کې استوګن وو.
صابرې هماغلته له هندي پوليسو سره تماس ونیواودچندراپرضديې د دوکې اوفراډدوسيه ثبت کړه.
خوله بده مرغه لاهم صابرې ته مېړه په لاس نه دی ورغلی.
په افغانستان کې دنوي بدلون له رامنځته کېداسره دځوانانوپه منځ کې له بهرنيانو سره داړيکوپه اړه پراخ تمايلات ليدل کیږي.هغوی پرته له دې چې دافغاني ټولنې قومي اوديني جوړښت په پام کې ونيسي له هغوي سره ازدواجې اړېکې جوړوي چې پايله يې دداډول جنجالونو په بڼه راوزي.
صابره وروسته له دې چې دهندوپه ذهنيت پوه شوه،توبه يی وايستله اوڅرګنده يی کړه چې داځل به له خپل مسلمان افغان هیوادوال سره کوژده کوي اوهغه دپښتنو متل چې کلاله وکړه خپله سياله به پرځای کوي.
