تخار:لسګونه پښتانه ماشومان له مرګ سره مخ دي

عنايت الله کاکړ 27.08.2008 08:07 دتخارولايت دخواجه بهاوالدين په ولسوالۍ کي په سلګونه پښتانه لاهم دځايي اوزبک جنګ سالارانوپه جېل کي بندپاتي دي پداسي حال کي چي هغوي ته خواړه او اوبه هم نه ورپرېښودل کيږي.
دتفصيلاتوترمخه له ژوب نه دتخارخواجه بهاالدين ته لېږديدونکي ۸۲ پښتني کورنۍ داوومي پرله پسې ورځي لپاره دقاضي کبيراونورو ازبک جنګ سالارانو په جېل کي بندپاتي دي.دبندي پښتنو یوه تن مشراو وياندښاغلي مولوي عبدالحکيم دټلیفون پرليکه ټول افغان ته وويل چي تردری سوه زيات پښتانه چي زياتره يی تورسري،سپین ږيري اوماشومان دي لاهم دخواجه بهاالدين په یوه کلاکي دقيداوبندژوند تېروي.دنوموړي په ويناله بنديانو سره دخوړو او اوبو ذخيره پای ته رسيدلي ده او وسله وال کسان هغوي ته دځايي پښتنو له لوري ليږديدونکي خواړه او اوبه نه ورپريږدي. ښاغلي حکيم زياته کړه چي ۲۳تنه کوچنیان دنس ناستي له امله دژوندوروستي پړاو ته بيخي ورنژدې شويدي اوکه په بیړني ډول يی غمه ونه خوړل شوه په ۴۸ساعته کي کېداي شي دیوې بلي تراژیدۍ شاهدان هم و اوسو.له بله پلوه دپخواني والي قاضي کبيرپه مشرۍ کي وسله والو کسانو سيمي ته دولس مشرله لوري دورلیږل شوي پلاوي دتګ مخه هم نيولي اوله هغوي سره يی له هرډول همکارۍ انکار کړیدی.
بلي خواته تېره ورځ وسله والوکسانو دخواجه بهاالدین په بازارکي دپښتنو پرضدیو لاریون هم وکړ اوخپل ټاټوبي ته راستانه شوي پښتانه يی دالقاعده غړي اوآي ایس آي اېجنټان وبلل اودهغوي راتګ يي سخت وغانده.
هېره دي نه وي چي په جنوبي اوختيڅو پښتون مېشته سيموکي په لسګونو زره غيرپښتانه وګړي دتیرو حکومتونو دناقلي دتګلاري له مخي مېشته شوي وو خوځايي پښتنونه یواځي داچي هغوي په سړه سينه منلي دي بلکي دخپلي خولې نوړۍ يی هم ورسره نيمه کړيده.
په شمالي افغانستان کي ځان غوښتونکي جنګ سالاران چي ترپرونه يی ودلسي عامه وژنو له لاري خپل ځانونه ژوندي ساتل،نن غواړي چي دافغانستان دوروڼو قامونو ترمنځ ددښمنۍ نوغي وکري.هغوی سره ليري کړي اوپدې ډول دڅو نورو ورځولپاره ځانونه په مېډياکي ژوندي وساتي.خوحقيقت دادی چي ولس دهغوي لدې ډول کرغیړنو کړنو سره سخته کرکه لري.

سرپاڼه

ټول افغان

تخار:لسګونه پښتانه ماشومان له مرګ سره مخ دي

خبرتياوې او بېلابېل

د کرکټ لوبې لپاره ځانګړې شوې څانګه

له ټول افغان بلاګونو څخه http://bloguna.tolafghan.com