tolafghan.com
ټول افغان لومړي مخ ته

 ډېرځليزې پوښتنېډېرځليزې پوښتنې   لټونهلټونه   د غړو لستد غړو لست    کاروونکو ډله  کاروونکو ډله    د نوم ثبتولد نوم ثبتول 
 د پېژندنې څېرهد پېژندنې څېره    خپل شخصي پېغامونه وګورئ خپل شخصي پېغامونه وګورئ   ننوتنهننوتنه 

داسلام اودیموکراسی تر منځ توپیر اوتناقض
پاڼي ته لاړ شئ شاته  1, 2, 3, 4, 5  مخکي
 
نوې موضوع پېل کړئ   موضوع ته ځواب ورکړئ    tolafghan.com دفورم سر ته   -> اسلام، اسلامي شرعه او د اسلام تاریخ
شاته موضوع وګورئ :: مخکې موضوع وګورئ  
ليکوال پيغام
larghonay laraway
ستوري
ستوري


دغړيتوب نېټه: 25 اکتوبر   2008
ليکنې: 1187

ليکنهد ليکنې نېټه  : ١   شنبه جنوري   20, 2013 4:00 pm    عنوان   : Reply with quote

السلام عليکم!
نه پوهېږم چې ستاسو په علمي بحث کې به زما خبره کوم وزن ولري او کنه خو خپل نظر ليکم!
زما په نظر دټولو ګډونوالو هدف يو دی او ډېر کم توپير لري.
حليمي صيب د حکومت يا واکمنۍ په اړه غږېږي چې شاهي او جمهوريت دی.
نو دا چې په اوس وخت کې د نړۍ په هيڅ اسلامي دولت کې خلافت يا امارت نشته او رامنځته کول يې ګران دي نو د شاهي او جمهوري نظامو له جملې نه همدا جمهوريت غوره دی چې جمهوري يا د انتخاباتو په ترڅ کې نظام رامنځته کول يو ډيموکراټيک کلچر دی او په اسلام کې هم خلکو ته د آمر ټاکل يا خليفه ته د بيعت واک د خلکو دی!

نو ډيموکراسي حکومتي سيسټم نه دی بلکې کلچر دی!
مونږ د خپل پښتني کلچر په هغو برخو هم نيوکه کوو او راته د منلو وړ نه دي چې له اسلام سره په ټکر کې وي نو همدار از غربي کلچر هم سل په سلو کې راته د منلو نه دی!

دغربيانو ډيموکرات کلچر مونږ ته تر هغې د منلو دی چې له اسلام سره په ټکر کې نه وي. خو ځينې برخې يې راته د منلو وړ نه دي لکه هڅاند صيب د Gay Marriage ښه بېلګه راوړې ده.
همدا راز د ډيموکراسۍ يو شمېر نور ارزښتونه چې له اسلام سره په ټکر کې نه دي نو مونږ هم ورسره کوم اختلاف نه لرو لکه:
مشوره: غربيان تر کار ميټينګونه ډېر کوي خو په اسلام کې هم مشورې ته ډېر ارزښت ورکړل شوی دی.
بالغ هلک او نجلۍ ته د خپلې خوښې واده حق. چې البته پښتنو ترې دا حق اخيستی خو په اسلام کې يې لري.
د کار کولو حق: په پرته کې ښځه روا کار کولی شي او سرمايه داره کېدلی هم شي خو اکثرو پښتنو ښځه له دوو اسلامي فريضو يعنې حج او زکات څخه بې برخې کړې ځکه چې کار پرې کوي خو اجوره نه ورکوي او يا هيڅ د کار حق نه ورکوي نو ښځه به څنګه مالداره او د نصاب څښتنه شي؟
همدا راز د زده کړې حق: پر يو پلار ماشوم زوی او ماشومه لور يو ډول حق لري چې ويې روزي . دا چې په ډيموکراټيک کلچر کې نجونې او هلکان ګډ ژوند، ګډ کار او ګډې زده کړې کوي دلته بيا اسلام ورسره مخالف دی نو مونږ ته هم د منلو نه دي. ولې په مطلقه توګه ښځه له کار، زده کړې او پانګې محرومول د پښتنو دود دی خو له اسلام سره په ټکر کې دی .
همدا راز نور هم ډېر مثالونه شته.
نو ويلی شو چې ډيموکراټيک کلچر يو شمېر داسې ارزښتونه لري چې په اسلام کې ريښې لري او يو شمېر يې ورسره تضاد دي.
مونږ ډيموکراسۍ ته د کلچر په توګه کتلی شو نه د سيسټم په توګه. دا کلچر په کفري هېوادونو کې هم سره توپير لري.
هندوستان د ډيموکراسۍ ښه بېلګه ښودل کېږي خو يو ماشوم په سوزوونکي لمر کې د سړک پر غاړه نړۍ ته راځي، په ماشومتوب کې پرې درانه کارونه کوي هملته يې تورې ډډې نيولې وي لوی شي، زوړ شي او مړ شي خو پر حکومت يې هيڅوک انتقاد نه کوي او ملامتوي يې هم نه چې ولې؟
په يورپ او امريکا کې چې له موره پيدا شي معاش لري، حق او حقوق لري، حتی مور او پلار پرې دروند کار خو پرېږده چې منت هم نه شي کولی کنه حکومت يې ترې وړي!
ولې هيڅوک هم نه وايي چې هندوستان ډيکټاتور هېواد دی بلکې ټول وايي په هند کې ښه ډيموکراسي ده.
نو ډيموکراسي حکومتي نظام نه بلکې کلچر دی او مونږ اړ نه يو چې سل په سلو کې د يو چا کلچر ومنو!
حتی د عربانو چلتار او پر سر منجله هم راته کوم اسلامي اصول نه ښکاري بلکې د عربانو کلچر دی نو منل يې راباندې لازم نه دي.
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
تخاري



دغړيتوب نېټه: 09 اګست   2012
ليکنې: 90

ليکنهد ليکنې نېټه  : ٢   شنبه   جنوري   21, 2013 1:09 pm    عنوان   : Reply with quote

ټولو ته یو ځل بیا سنت سلامونه وایم

په دیموکراسی کی پارلمان لیجیسلیټور ده

له تاسو ټولو نه خواهش کوم چی د انګلیسی ژبی لیجیسلیشن یا لیجیسلیټور عربی یا فارسی یا پشتو ترجمه ولیکی؟

که مو ځواب شریعت او شارع وی نو په اسلام کی شارع الله ج دی.

زما په نظر دیموکراسی له مرغوبو تعریفونو سره سره بالاخره د خری کتی ته ورته ده چی په کوم اسلامی هیواد یی ایښی ده هلته عملا شریعت تر پښو لاندی شوی ده

په تونس کی چی عربی اسلامی هیواد ده پولیګیمي یا دوهم واده یانی زمونږ د صریحی عقیدی له مخی مثنی و ثلاث و رباع نکاح کول په د دیموکراسی د اصولو له مخی په قانون سره منع وو!!

دیموکراسی چی نوزاده او تنکی وی نو درته وایی چی قربان زه ستا اصول په خپلو فروعاتو کی خوندی کوم خو د وخت په تیریدو سره خپل بچوڼی لومړی تر ښکرو فاسدوی او بیا یی د اصولو په تر پښو لاندی کولو باندی ماموروی!!!

د دیموکراسی تعریف :

دیموکراسی د دایمی جنابت په مثال سره ده
په جنابت کی هیڅ عبادت ثواب نلری بلکه ښه دروند ووبال هم لری
افغانستان یی د عابرالسبیل په توګه مزه وڅکله او ان شاالله چی له دایمی جنابت څخه به نجات ومومی.

دایمی جنابت می ځکه یاد کړ چی

د ترکیی په شمول مو ډیر هیوادونه د مثال په توګه تر مخی پراته دی چی په پیړیو پیړیو به خپل اسلامی اصالت بیرته خپل نکړای شی الا ماشاالله
بېرته سر ته
د کارونکي عکس وښاياست شخصي پېغام وليږئ
حمید هڅــاند
ستوري
ستوري


دغړيتوب نېټه: 23 سپتمبر   2009
ليکنې: 741

ليکنهد ليکنې نېټه  : ٢   شنبه   جنوري   21, 2013 6:37 pm    عنوان   : Reply with quote

څو ځله مې وغوښتل چې دلته څه اضافه کړم، خو وخت به راسره یاري ونه کړه...
لومړی به د پتوال صیب پر خبرو یو څو خبرې وکړم:
ښاغلی پتوال لیکي:
اقتباس:

۱- ولسواکي اصلي هسته او فروعات لري، هسته یې یا ماهیت یې هر وخت او هر ځای ثابت پاتې کیږي او فروعات یې د محیط او
شرایطو سره تغیر موندي او موندلی شی.

۲- اسلامي هیوادونه د ولسواکۍ له هستې او ماهیت سره سروکار لری نه له فروعاتو او ځلځلنو سره یې.

او پتوال صیب د پورته خبرو په کولو دا لاندي خبره د پایلیزې په ډول زیاتوي:
اقتباس:

۳- د ولسواکۍ هسته تر ډیره د اسلام له فروعاتو څخه شمیرل کیږي نه له هستې څخه یې! خو دا هغه اسلامي فروعات دي چې
د ژوند، دولت او حکومت چارې پرې ټولې په اسلامي توګه عیارېدلای شی نو ځکه په ایتونو کې هم پر غوره اصولو لکه مشوره ،
عرف او معروفیت ( امر بالمعروف )او نورو تاکید شوی دی.


سمه ده پتوال صیب! سره له دې چې دیموکراسي لپاره ټولمنلی تعریف موجود نه دی، خو زه به دا ستاسو تعریف ومنم او پر همدې به وګړېږو.
اقتباس:
نو د ولسواکۍ هغه اصلی هسته او تعریف یې چئ ماهیت یې معرفی کوی څشی دی؟
هغه یواځې او یواځې د حکومت یوه ټاکلې ساختاري بڼه ده :
هغه په اسلامي حاکمیت کې د ایت.حدیث اجماع او قیاس وروسته حکومت د خلکو ( امت) په رایه جوړول او کنترولول یعنې امت واکي ده !
دا امت واکی د ملي حدود په چوکاټ کې خلافت یا اسلامي ولسواکي بلل کیږي !
د اسلامي ولسواکۍ غوښتنه په اوسنیو نړیوالو شرایطو کې په ملي کچه د اسلامي خلافت او امت واکۍ غوښتنه

موږ اسلام کې یو ساده او اسان فورمول لرو او هغه دا چې:
۱) عبادتي چارې او ټول ضروري مسائل قران او سنتو کې واضح شوي دي، چې عبادت داسې وکړي، دا وکړئ او له هغو پرهېز وکړئ.
دا ډله مسائلو کې که موږ قصدا سرپېچيی کوو، زموږ عقیده ترپوښتنې لاندې راځي.
لکه د سود اخیستل.
پانګوال نظام کې سود بنسټیز رول لري. زموږ هیوادونو د ازادۍ او ولسواکۍ تر نوم لاندي قانوني کړی دی او الله او رسول یې جګړې ته رابللي دي!
نو دا ډول ضروري مسائل په هیڅ ډول باید ګوښې نه شي.

۲) غیر ضروري مسائلو کې خپلواک یو. مثلا دا اړینه نه وه چې موږ ته وویل شي چې تاسې د ترافیکو قانون لپاره درې ډوله څراغونه جوړ کړئ او بیا لیسنس سیستم جوړ کړئ او نور..ځکه دا غیر ضروري شیان دي او په دې پار یې موږ سلا مشورو ته تشویق کړي یو.

نو:
اوله کټګوري کې به ګوتې نه وهلې کېږي
دویمه ګټګوري کې خو اسلام اجازه راکړې ده.

نتیجه دا کېږي چې موږ دومره واضح، تعریف شوی، روڼ او اسان دین لرو چې نوم یې اسلام دی، بیا ولې په یوې نه تعریف شوې، ګونګې، او ناوزنه ښکارندې پسې لاړ شو....ځکه اول خو په دې لا نه شو بریالي کېدای چې یو ټولمنلی تعریف ورته پیدا کړو، څه مانا چې بیا به یې عملي کوو!!!

بناء...موږ دیموکراسي ته هیڅ اړتیا نه لرو... زموږ ضروري چاري هم اسلام کې ښکاره دي او غیر ضروري په اړه يې طریقه روښانه کړې ده چې دي پر موږ خو څنګه به یې پرمخ بیایو.


د ښاغلي لرغوني او تخاري پر خبرو به وروسته خبرې وکړو...
ان شاء الله
بېرته سر ته
د کارونکي عکس وښاياست شخصي پېغام وليږئ بريښناليک ولېږئ AIM Address Yahoo Messenger MSN Messenger
حلیم یار فطرت



دغړيتوب نېټه: 09 جنوري   2013
ليکنې: 42
ځای: afghanistan zabul

ليکنهد ليکنې نېټه  : ٢   شنبه   جنوري   21, 2013 9:53 pm    عنوان   : Reply with quote

وعلیکم السلام ورحمةالله وبرکاته
درنو اومحترمو وروڼو حلیمی صاحب، هڅاند صاحب، تخاری صاحب،پتوال صاحب،لاروی صاحب او درنو لوستونکو هیله ده چی تردی شیب? به روغ او خوشحاله یاست .
له ټولو دوستانو مننه کو چی خپل قیمتی او ګټور نظرون یی راسره شریک کړل مونږ په روان بحث کی ډیر په زړه پوری معلومات ترلاسه کړل خو بیا هم په دی ونه توانیدو چی داسلامی نظام اودیموکراسی سمه موازنه وکړو او یاپه بله اصطلاح لامو داختلاف او اتفاق مشترکی نقطی سمی نه دی درک کړی ځکه چی تراوسه مو ددیموکراسی عمومی او اساسی تعریف نه دی تشریح کړی زه به اول ددیموکراسی هغه تعریف رانقل کړم کوم چی دیموکراتانو اوددیموکراسی ایجادوونکو(یوناینانو) کړی:
دیموکراسی اشتقاق د دوو لاتینو یونانی کلمو (دیموس)او(کراتوس) څخه شوی ده چی دیموس یعنی خلګ او کراتوس دواکمنی او حاکیمیت په معنی ده چی له مجموع څخه یی (دخلګوواکمنی یا حکومت) معنی اخیستل کیږی
او اصطلاحا دیموکراسی ځینو پوهانو دارنګه تعریف کړی-
پریکلس او آبراهام لینکن:
دیموکراسی یعنی دخلګو حکومت دخلګو په لاس دخلګو لپاره
Government of the people by the people for the people
ځینی یی بیا د(اکثریت حکومت)
او ځینی نور یی بیا د( ټولوحکومت)باندی تعبیروی چی وروستی تعریف ځکه سم نشو بللای چی پخپله ددیموکراسی له حیاتی اومهم اصل (انتخابات، اودرایو اکثریت) سره په ټکر کی ده کله چی په کوم هیواد کی ددیموکراسی تر چتر لاندی انتخابات منځ ته راځی او یا ټولټاکن? صورت نیسی نو معلومه خبره چی اقلیت درایو په کموالی سره نشی کولای چی له اکثریت سره په یوه تناسب حکومت وکولای شی او یا دی پخپله ګټه کوم قانون تصویب کړی
ددیموکراسی ټولو معیاری اصلونو ته په پام سره هیڅکله ددیموکراتیکو انتخاباتو په صورت کی دلږکیو
حقوق او ګټ? نشی تثبیتیدای زماپه اند کوم دتساوات او عدل معیارونه چی اسلام ټاکلی هغه دنړۍ هر نظام او قانون نشی ماتولای اونه تردی ښه معیار موندلی شی په اسلام کی داشخاصو په ټاکنه اوانتخاب ترټولو مهمه معیار تقوا ده او دخلیفه امیر او یا هم رئيس ټاکل په اسلام کی داهل الحل والعقد له خوا څخه صورت نیسی چی دا پخپله یوه شورا ده او له داسی کسانو څخه جوړه ده چی ټول یی تقوا ، علمیت، او سیاسی بصیرت لری او په احوال الناس باندی پوره واقف اوخبر وی دمسلمانانو دخیر اوفلاح لپاره نیغه او له اسلامی احکامو سره موازی پریکړه کولای شی
تاسو لږ فکر وکړی چی اوس په دی پورته ذکرشویو معیارونو کی کوم یی د ښه اوسوچه اسلامی حکومت په جوړولو توانیدای شی؟
معلومه خبره ده چی عام خلګ دومره د ځان په خیر اوشر (هغه که دنیاوی وی که دینوی) نه وی واقف لکه څومره چی داهل الحل والعقد شورا پوهیږی
درايواکثریت معيار ګرځولو دناسم والی په باره کی دلایل
الله جل جلاله داسی فرمایی: وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ ۚ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ
الانعام
ژباړه او که چیری ته د ځمکی دمخ د ډیرو خلګو خبره ومنی نو دالله له لاری به دی واړوی ځکه چی هغوی په ګمانونو پسی روان دی او(اټکلیان) دی
(2)ولکن اکثر الناس لایعلمون
الاعراف
ژباړه: خو ډیر خلګ نه پوهیږی
وقلیل من عبادی الشکور
سباء
ژباړه: زما ډیر لږ بندګان شکر کوونکی دی
پرته له دی داسلام له لومړی حکومته بیا دخلفاء الراشدینو تردوری پوری هیڅ داسی بیلګه نشو پیداکولای چی دامیر یا خلیفه په ټاکلو کی دی عام انتخابات شوی وی او یا دی دعامو خلګو نه رایه غوښتل شوی وی ټول امیران او خلیفه ګان دشورا له خوا ټاکل شوی دی چی او
بېرته سر ته
د کارونکي عکس وښاياست شخصي پېغام وليږئ د ليږونکي ويب پاڼه وښاياست AIM Address Yahoo Messenger
حلیم یار فطرت



دغړيتوب نېټه: 09 جنوري   2013
ليکنې: 42
ځای: afghanistan zabul

ليکنهد ليکنې نېټه  : ٢   شنبه   جنوري   21, 2013 9:56 pm    عنوان   : Reply with quote

اوبیرته دشوراکسان هم دتقوا او علمیت پر اساس ټاکل شوی دی نه دپارلمانی انتخاباتو له لاری
محترم حلیمی صاحب لیکلی دی:
ﺍﺳﻼ‌ﻣﻲ ډ?ﻤﮑﺮﺍﺕ ﺣﮑﻮﻣﺖ ﻋﺒﺎﺭﺕ ﺩﯼ ، ﻟﻪ ﻫﻐﻪ ﺣﮑﻮﻣﺖ ﻧﻪ ﭼﻪ ﺩ ﻋﻘﻠﯿﺘﻮﻧﻮ ﺩ ﺣﻘﻮﻗﻮ ﺳﺎﺗﻨﻪ ﻭﮐړﻲ ﺩ ﻣﻠﻲ ﻋﺮﻑ ﺍﻭ ﺳﻤﺎﻭﻱ ﺍﺧﻼ‌ﻗﻮ ﭘﻪ ﭼﻮﮐﺎټ ﮐښﻲ 
نوچی داسلامی اخلاقوپه رڼا کی داټول اسلام سره موافق کردارونه ترسره کوی نو بیا دیموکراتیک ولی شو بیا خو یوازی اسلامی هم امکان لری؟
او پتوال صاحب هم دا ټکی ښه روښانه کړی ده چی داسلام اودیموکراسی ترمنځ ځینی مشترک نقاط موجود دی لکه شورا(پارلمان)،بیعت(انتخابات) عرف او...
همداشان لاروی صیب لیکلی چی :
ﻧﻮ ﺩﺍ ﭼ? ﭘﻪ ﺍﻭﺱ ﻭﺧﺖ ﮐ? ﺩ ﻧړۍ ﭘﻪ ﻫﻴڅ ﺍﺳﻼ‌ﻣﻲ ﺩﻭﻟﺖ ﮐ? ﺧﻼ‌ﻓﺖ ﻳﺎ ﺍﻣﺎﺭﺕ ﻧﺸﺘﻪ ﺍﻭ ﺭﺍﻣﻨځﺘﻪ ﮐﻮﻝ ﻳ? ګﺮﺍﻥ ﺩﻱ ﻧﻮ ﺩ ﺷﺎﻫﻲ ﺍﻭ ﺟﻤﻬﻮﺭﻱ ﻧﻈﺎﻣﻮ ﻟﻪ ﺟﻤﻠ? ﻧﻪ ﻫﻤﺪﺍ ﺟﻤﻬﻮﺭﻳﺖ ﻏﻮﺭﻩ ﺩﯼ ﭼ? ﺟﻤﻬﻮﺭﻱ ﻳﺎ ﺩ ﺍﻧﺘﺨﺎﺑﺎﺗﻮ ﭘﻪ ﺗﺮڅ ﮐ? ﻧﻈﺎﻡ ﺭﺍﻣﻨځﺘﻪ ﮐﻮﻝ ﻳﻮ ډﻴﻤﻮﮐﺮﺍټﻴﮏ ﮐﻠﭽﺮ ﺩﯼ ﺍﻭ ﭘﻪ ﺍﺳﻼ‌ﻡ ﮐ? ﻫﻢ ﺧﻠﮑﻮ ﺗﻪ ﺩ ﺁﻣﺮ ټﺎﮐﻞ ﻳﺎ ﺧﻠﻴﻔﻪ ﺗﻪ ﺩ ﺑﻴﻌﺖ ﻭﺍﮎ ﺩ ﺧﻠﮑﻮ ﺩﯼ! 

زما په نظر او دحمید هڅاند صیب په تاید اسلام یوداسی نمونه نظام او اصول لری چی دټولو انسانی نظامونو او قوانینو مثبت معیارونه یی په خپله غیږه کی را یوځای کړی او په دی صورت کی بل هیڅ قانون اونظام ته ضرورت نلری اونه کومه نیمګړتیا لرو که په درسته نړۍ کی اسلامی خلافت یا امارت نلرو نو د راوستلو لپاره خو یی یو ښه معیار او کره قوانین لرو بیا دنورو پوچو قوانینو ته څه ضرورت؟
هی داخبره نه منم چی څوک دخلیفه بیعت او اوسنی عام انتخابات یا هم پارلمان او شورا سره پرتله کوی
که څوک بیا هم نه قانعه کیږی نو په اسلامی تاریخ کی دح یوه بیلګه وړاندی کړی
ځکه اسلامی تاریخ زمونږ مسلمانانو درهنمایی ترټولو ښه منهج ده
تحریری غلطیانی به حتمأ لري ځکه چی په موبایل کی می په وقفه وقفه لیکلی


وروستی ځل بدلون  حلیم یار فطرت   په   ٢   شنبه   جنوري   21, 2013 10:01 pm   ورکړی دی   ,  د بدلون شمېره  1
بېرته سر ته
د کارونکي عکس وښاياست شخصي پېغام وليږئ د ليږونکي ويب پاڼه وښاياست AIM Address Yahoo Messenger
ع کريم حليمي
ستوري
ستوري


دغړيتوب نېټه: 10 جنوري   2004
ليکنې: 2705
ځای: new york

ليکنهد ليکنې نېټه  : ٣   شنبه   جنوري   22, 2013 12:52 am    عنوان   : Reply with quote

وعلیکم السلام ورحمةالله وبرکاته
درنو اومحترمو وروڼو ، دانشمند پتوال صاحب ، هڅاند صاحب، تخاری صاحب،لاروی صاحب او درنو لوستونکو هیله ده چی تر دغه شېبې به روغ او خوشحاله یاست .
محترم او مکرم دانشمند پتوال صاحب ستاسي له تشریح او تفسیر کولو نه خاصه مننه کوم ، تاسو یو پیچیده بحث په ډیر اعلی صورت سره تحلیل او حل کړيدی ، اما د درنو ملګرو فکر ئې نسي هضم کولای ، نه پوهېږم چه ولي ؟
خو دومره ویلای سم ممکن ده چه: دغه ایة شریف ( إن أكرمكم عند الله أتقاكم ) ئې د نــــه پوهېدلو په سبب فکري انسداد ورکړی وي .

موږ ته نه ښايي چه قضاوتونه پر بناء د تقوا وکړو ، تقوا یو قلبي ماهیت ، حقیقت دی ، یو الله ښه پوهېږي ، شرعأ موږ ته لازمه ده چه اصحاب کبار په متقیانو و پېژنو ، اما د دغه عصر پر خلکو که عوام دي او که خواص موږ ته يې د تقوا حال نه رامعلویږي ، تقوی په اخیرت کښی په درد خوري (عند الله) ، په باوري ډول الله په هر څه پوهيدونكى او باخبره دى

د حکومتي وظیفې له پاره د فرد د سجل او سوانح پر بناء قضاوة کوو
نه پور تقوی !!!!

او دوهمه خبره تاسو "اهل الحل والعقد" کړېده ، دا اهل الحل والعقد
خو کوم شرعي حیثیت نه لري ، و موږ ته !!! دا د یو تاریخ لیکونکي الفاظ دي ، اهل الحل والعقد او شریعت خو هیڅ تعلق نه سره لري
دا خو حدیث نبوي ندي !!! ؟؟؟؟ هر ملا زرغون چه خبره وکي موږ بې منو ؟؟

ډېمکراسي د یهودو ملکیت ندی او نه کرشتنیانو

درنښت
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
larghonay laraway
ستوري
ستوري


دغړيتوب نېټه: 25 اکتوبر   2008
ليکنې: 1187

ليکنهد ليکنې نېټه  : ٣   شنبه   جنوري   22, 2013 3:17 am    عنوان   : Reply with quote

السلام عليکم!
يوه خبره چې بايد ټولو ته يې وربه زړه کړم هغه دا ده چې دلته پوښتنه د اسلام او ډيموکراسۍ د پرتلې نه ده بلکې پوښتنه دا ده چې (د اسلام او ډيموکراسۍ توپير او تناقض)
دا واضح خبره ده چې اسلام او ډيموکراسي سره ډېر توپيرونه او تناقضات لري. ولې له يو شمېر تطابقي اړخونو څخه يې هم سترګې نه شو پټولی چې بېلګې يې په پورته ليکنو کې يادې شوې دي.
بله دا چې دلته خو داسې کوم لاسوند نشته چې مونږ ووايو په افغانستان کې ډيموکراسي تر اسلام مهمه بلل شوې وي.
حتی د افغانستان له رسمي نامه سره هم د ډيموکراسي ټکی نشته (د افغانستان اسلامي جمهوري دولت)
په قانون کې هم د ډيموکراټ دولت خبره نشته بلکې (افغانستان اسلامي دولت دی)
حتی زمونږ همدغه قضايه قوه هم د فقهې پر بنسټ پرېکړې کوي. دا چې فساد او درغلي په کې ده هغه بېله خبره ده.
نو زه بيا هم وايم چې ډيموکراسي کوم ليکلی قانون او د حکومت کولو کړندود نه لري بلکې خلکو ته د رایې حق ورکوي. نو
د مسلمانانو او غير مسلمانانو ډيموکراسي سره توپير لرلی شي.
په غرب کې داسې يوه ډله هم شته چې وايي مونږ لوڅ لپړ ګرځو او غواړو طبعي ژوند وکړو نو دوی کوښښ کوي چې خپل پلويان پيدا کړي او حکومتي قوانين بدل کړي.
خو د افغانستان ټولنه مسلمانه ده نو طبعاً د دوی رايه د اسلام پر خلاف نه وي.

رښتيا يوه بله مهمه خبره:
دا چې غير مسلمانې ټولنې پر ډيموکراسۍ ډېره تکيه کوي د هغوی مجبوريت دا دی چې له اسلام پرته نور اديان ډېره لنډه تنګه لمن لري او محدود دي. عسويت يوازې تر کلیسا پورې محدود دی، همدا راز بوديزم او نور هم.
غير مسلمان د ژوند د معاملو لپاره د دوی په دين کې کوم اصول نه لري. نو له همدې کبله بګړۍ نيولي او هر نوي سيسټم ته زر ور اوړي.
خو اسلام يو کامل او مکمل دين دی. هم په کې عبادات شته، هم معاملات. د ژوند د هر شي لپاره لار، نرخ او څلی لري.
نو ډيموکراسي د اسلام مانع کيدلی او خنډ کيدلی نه شي بلکې مسلمانان له ډيموکراسۍ تر نور ښه ګټه اخيستلی شي!
زه خلکو ته ازاد تبليغ کوم ځکه چې ډيموکراسي ده او شاهي استبداد نه دی.
زه خپل ژوند په اسلامي اصولو تېروم څوک راباندې په زور ږيره نه شي کلولی ځکه چې ډيموکراسي ده اوشاهي استبداد نشته.
او داسې نور
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
تخاري



دغړيتوب نېټه: 09 اګست   2012
ليکنې: 90

ليکنهد ليکنې نېټه  : ٣   شنبه   جنوري   22, 2013 4:25 am    عنوان   : Reply with quote

يو ځل بیا او په تیر پسی

دیموکراسی یو داسی چل دی چی د نړی پانګه وال پری نااهله خلک سیاسی واک ته رسوی او خپلی ګټی پری خوندی کوی دیموکراسی د اسلام خلاف د ژوند کولو سالمه طریقه نه ده په دیموکراسی کی د فرد په لنډمهالی پالنی سره د ټولنی حقوق تر پښو لاندی کیژی چی دا په اوږدمهال کی بیرته د فرد وژل دی

که دا د سودخورو پانګوالو چل نه وای نو ولی له سیاسی واک پرته په علمی او تعلیمی مراکزو د علومو په اکاډمیو کی رای ګیری نه کیژی په ټوله دنیا کی داسی مثال نشته چی هلته دی د پوهنتون استاد د عام اکثریت په رایو سره د استادی درجی ته رسیدلی وی

که رای ګیری ښه وی نو د پوهنتون استاد او د علومو دانشمندان دی هم د عامو رایو په اکثریت سره وټاکل شی تر څو د دیموکراسی مفیدیت؟؟؟ ثابت شی!

کنه همدا روش چی څرنګه یو شخص د علومو د اکاډمی عضویت یا د پوهنتون استادی ته رسی د سیاسی مشرتابه لپاره هم معیار جوړ شی

دیموکراسی د نړیوالو په لاس جوړ شوو بشری او د زنکه بازی په حقوقو تکیه کوی نو ایا افغان دیموکرات کولای شی چی حتی د رایو په اکثریت سره اسلامی حدود تطبیق کړی کلا و حاشا

د لرغونی صیب دا خبره سمه ده چی وایی اسلام او دیموکراسی ځنی مشترکات لری خو دی ته مو هم باید پام وی چی مشترکات خو له هندوانو+ بودایانو+ عیسویانو+ یهودانو+هر ګبر و ترسا سره هم لرو خو اصل توپیر مو په عقیده کی دی زمونږ شارع الله ج دی ددی نورو شارع پارلمان دی که د پارلمان تصویبی قانون کټ مټ هغه وی چی خدای ج ټاکلی نو په هغه عمل که هر څو هم هغه وی چی دی نو په عقیدتی لحاظ د داسی قانون متابعت د شیطان متابعت دی

په پارلمان کی تر ټولو لومړنی ابتدایی اصل مونږ له ایمان څخه خلاصوی ولو که 1000٪ په دی مطمین هم وو چی اکثریت رایی زمونږ دی مثال مونږ د افغانستان په پارلمان کی 100 تنه اعضا لرو په دی کی یو تن لیبرال او دا 99 تنه سوچه مسلمانان دی - )هیله ده څوک به داسی استدلال ونکړی چی لیبرال خو هم مسلمان دی(

د دیموکراسی ابتدایی اصل دادی چی مثال :

که می اکثریت رایی وګټلی نو زه به حکومت کوم او که ته لیبرال به می منی او متابعت به می کوی یانی که دی زنا برضا والاقرار وکړه نو په دورو دی وهم خو دا شرط کاش چی یو جانبه وای دا خبره خو دو جانبه ده هغه دا چی که تا لیبرال هم فرض محااااااال وګټله نو زه مسلمان به دی بیا منم که چا زنا برضا کوله نو هغه به سری سترګی ګرزی او زه به ټیټی سترګی ګرزم او متابعت به دی هم کوم چی په همدی ټکی او فرضی ابتدایی توافق کی مسلمان بیچاره له خپل ایمان څخه خلاصیژی!!

د دیموکراسی همدا ابتدایی اصل څه نوی خبره نه ده همدا اصل د مکی د مشرکینو پیشنهاد هم وو هغوی به رسول الله صلی الله علیه و سلم ته ویل چی دوه کاله ته حکومت کوه مونږ به دی رعیت وو او دوه کاله به یی بیا مونږ کوو
بېرته سر ته
د کارونکي عکس وښاياست شخصي پېغام وليږئ
ع کريم حليمي
ستوري
ستوري


دغړيتوب نېټه: 10 جنوري   2004
ليکنې: 2705
ځای: new york

ليکنهد ليکنې نېټه  : ٣   شنبه   جنوري   22, 2013 5:24 am    عنوان   : Reply with quote

السلام علیکم و رحمة الله و برکاته
اقتباس:
که می اکثریت رایی وګټلی نو زه به حکومت کوم او که ته لیبرال به می منی او متابعت به می کوی یانی که دی زنا برضا والاقرار وکړه نو په دورو دی وهم خو دا شرط کاش چی یو جانبه وای دا خبره خو دو جانبه ده هغه دا چی که تا لیبرال هم فرض محااااااال وګټله نو زه مسلمان به دی بیا منم که چا زنا برضا کوله نو هغه به سری سترګی ګرزی او زه به ټیټی سترګی ګرزم او متابعت به دی هم کوم چی په همدی ټکی او فرضی ابتدایی توافق کی مسلمان بیچاره له خپل ایمان څخه خلاصیژی!!


محترم او مکرم تخاري صاحب موږ سند لرو !!!!!


داسي سند په لاس کښي لرو چه :
فصل اول / دولت

ماده سوم : در افغانستان هیچ قانون نمې تواند مخالف مــــعتــــقدات و احـــــــکام دیــــن مقــــدس اسلام باشد


درنښت
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
تخاري



دغړيتوب نېټه: 09 اګست   2012
ليکنې: 90

ليکنهد ليکنې نېټه  : ٣   شنبه   جنوري   22, 2013 11:00 am    عنوان   : Reply with quote

سنت سلام او احترام ټولو ته

اقتباس:
ماده سوم : در افغانستان هیچ قانون نمې تواند مخالف مــــعتــــقدات و احـــــــکام دیــــن مقــــدس اسلام باشد


مکرم حلیمی صیب

دا ماده د دیموکراسی په قانون کی نن یا سبا یا لیری راتلونکی کی د تغیر تدوین او حتی د ماتولو وړ ده !!!!

ایا د دیموکراسی داسی یو اصل راښودی شی چی ددی ضمانت راکوی چی دا ماده به همداسی ثابته وي؟؟

ما مخکی وویل چی د دیموکراسی نوم ښکلی ده پیل یی هم ښکلی ده خو نتایج یی ناسم او په اوږدمهال کی د اسلام منافی څه چی د اسلام ریښی باسی او د بدیل په توګه عرض اندام کوی راګرزم پورته خبری ته

اول خو به دا منی کنه چی د یادی مادی اکثریت مصوبین یوه ډله اقلیت مخالفین هم لری او یا به یی په اینده کی ولری که وایی چی نه نو په هر حال ورته دیموکراسی چانس او ځای پری ایښی ده

یانی که ددی مادی د اکثریت مصوبینو مخالف لوری په راتلوکی کی د رایو اکثریت خپل کړ نو به یی داسی درته بدله کړی چی:

در افغانستان هیچ قانون حتمی نیست که موافق مــــعتــــقدات و احـــــــکام دیــــن مقــــدس اسلام باشد----- نعوذباالله

دا دوهم حالت که محااااااااااااااااااااااااال هم وی نو غاړه خو ورته کیښول شوی ده یانی زما ایمان خو یی وزیانوه که زه ټوله قران شریف هم تطبیق کړم نو هغه فرضی حالت خو می منلی ده چی که زما مخالف پیدا شو او له مایی زیاتی رایی وګټلی نو نر غوندی به دی قانون جوړوی او زه به یی متابعت کوم.

که پام وشی نو پدی ځای کی نازک عقیدتی ټکی پروت دی
بېرته سر ته
د کارونکي عکس وښاياست شخصي پېغام وليږئ
larghonay laraway
ستوري
ستوري


دغړيتوب نېټه: 25 اکتوبر   2008
ليکنې: 1187

ليکنهد ليکنې نېټه  : ٣   شنبه   جنوري   22, 2013 12:37 pm    عنوان   : Reply with quote

السلام عليکم!
اقتباس:
ایا د دیموکراسی داسی یو اصل راښودی شی چی ددی ضمانت راکوی چی دا ماده به همداسی ثابته وي؟؟


د راتلونکي تضمين خو هيڅوک هم نه شي کولی!
هغه که شرعي نظام وي، که ډيموکراټيک او که استبدادي وي د يو تضمين هم څوک نه شي کولی چې تل به وي او څوک به يې نه بدلوي.
يو شمېر نظامونه د کودتا، جګړې، زور، انقلابونو او خپلسرۍ په مټ بدلېږي او يو شمېر د رايو او انتخاباتو خو د هيڅ يو نظام د تلپاتې والي تضمين څوک نه شي کولی.
دا که په افغانستان کې اکثريت خلک داسې پرېکړه کوي چې په افغانستان کې دې قانون د اسلام تابع نه وي نو هغه وخت به په افغانستان کې مسلمانان هم په نيشت شمېر وي.
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
تخاري



دغړيتوب نېټه: 09 اګست   2012
ليکنې: 90

ليکنهد ليکنې نېټه  : ٣   شنبه   جنوري   22, 2013 1:43 pm    عنوان   : Reply with quote

سنت سلام او احترام

اقتباس:
د راتلونکي تضمين خو هيڅوک هم نه شي کولی!
هغه که شرعي نظام وي، که ډيموکراټيک او که استبدادي وي د يو تضمين هم څوک نه شي کولی چې تل به وي او څوک به يې نه بدلوي.
يو شمېر نظامونه د کودتا، جګړې، زور، انقلابونو او خپلسرۍ په مټ بدلېږي او يو شمېر د رايو او انتخاباتو خو د هيڅ يو نظام د تلپاتې والي تضمين څوک نه شي کولی.
دا که په افغانستان کې اکثريت خلک داسې پرېکړه کوي چې په افغانستان کې دې قانون د اسلام تابع نه وي نو هغه وخت به په افغانستان کې مسلمانان هم په نيشت شمېر وي


نو چی داسی ده نو مونږ او تاسو خو ابدا هم نه غواړو چی دین مو بدل کړو خو دا چی په دیموکراسی کی یی ځای شته نو همدا ټکی دی چی مونږ او تاسو یی باید رد کړو

مننه لرغونی صیب

له یوه بل تعصب څخه هم باید پرهیز وکړو

هغه تعصب دا دی

اسلامی نظام چی سل په سلو کی معیاری کیدای نه شی دیکتاتوری نوموو
دیموکراسی چی د دیکتاتورانو ساتنه او پالنه کوی ولسواکی نوموو

دا خبری ناسم قضاوت او تعصب دی
بېرته سر ته
د کارونکي عکس وښاياست شخصي پېغام وليږئ
پتوال
ستوري
ستوري


دغړيتوب نېټه: 15 جنوري   2011
ليکنې: 1039

ليکنهد ليکنې نېټه  : ٣   شنبه   جنوري   22, 2013 7:42 pm    عنوان   : Reply with quote




ورونو السلام عليکم و رحمة الله !

یو ستر وران پوهاوی او غلط-فهمي ددې بحث محور جوړ کړی دی نو یوځل بیا :

موخه غربي ولسواکي نه ده چې نه په اسلام کې شته او نه هم اسلام په کې شته، بلکې موضوع اسلامي ولسواکي
ده چې د اسلام یو داخلی او لاینفک جز دی . نو چیرې او له کومه راهیسې چې اسلامي ولسواکی نه وه او نشته هلته اسلام هم نیمګړی، ضعیف او ناتوانه وو او دی، خو چیرې چې يې صرف اساسات هم موجود وو لکه د خلافت په وختو کې هغه وخت اسلام هم ځواکمن او غښتلی و . او له کله راهیسې چې چیرې د اسلامي ولسواکۍ دغه ټولنیز سیاسی او نړیوال پوځي تلسټ له منځه تللی هلته دا
۱۲ پیړۍ کیږي چې اسلام مخ په نزولی قوس او ځوَړي روان دی!
مونږ بیرته د اسلام ځواکمنتیا او بشپړول ( راژوندي کول) او له لاسه ورکړي اساسات يې لټول اورامنځته کول غواړو :
نو مونږ هېڅکله په دموکراسۍ کې اسلام نه لټوو ، بلکې په ملي کچه د اسلام په دننه کې ولسواکي = امت واکي = خلافت لټوو !!!
امت واکي او خلافت د اسلامي ولسواکۍ هغه اساسات دي چې په اسلام کې په عملي توګه موجود وو، په تیوریکي ډول اوس هم شته او په عملي توګه بیرته منځته راتلای او اسلامي ولسواکي پرې عیارېد لای شي!
مونږ دد ې مقدس هدف له پاره د کرزیخیلو، غرب وهلو ، شرق ځپلو
لوېدیځ پلوو ، لیبرالانو او لودیځوالو ته هېڅ اړتیا نه لرو !
خو مونږ ددوی ټولو خنثی کولو ته اړتیا لرو!!!
مونږ ددې ډول افغانانو خنثی کولو ، آرام کولو ، رام کولو، ددیني تربیې تجدیدولو ، په اسلامي ټولنه کې بیرته انتګریشن کولو او
د دیندارو ایماندارو افغانانو په صفوفو کې درولو ته اړتیا لرو!
دا ټول نعمتونه ، بریاوې، رحمتونه او سپېڅلي هدفونه او مرامونه د جنګ له لارې نه ، جنګ یو ډیر آسانه کار دی، بلکې یواځې او یواځې د سولې یعنې اسلامي ولسواکۍ له لارې چې ډیر سخت کار دی لاسته راوړای شو او اسلامي ټولنه پرې جوړولای شو !
اسلامي انقلاب د جنګ ګټل نه د زړونو ګټل دي او دا د اسلامي ولسواکۍ کار دی!
والسلام علیکم و رحمة الله و برکاته !
بېرته سر ته
د کارونکي عکس وښاياست شخصي پېغام وليږئ
حمید هڅــاند
ستوري
ستوري


دغړيتوب نېټه: 23 سپتمبر   2009
ليکنې: 741

ليکنهد ليکنې نېټه  : ٣   شنبه   جنوري   22, 2013 8:07 pm    عنوان   : Reply with quote

اسلام علیکم ورحمة الله

زه فکر کوم چې د ښاغلي فطرت وروستۍ لیکنه بشپړه او هر اړخیزه ده،،،،،تاسې یې یوځل په دقت مطالعه کړئ..زما هم همدا نظر دي:

حلیم یار فطرت ليکلي:
وعلیکم السلام ورحمةالله وبرکاته

دیموکراسی یعنی دخلګو حکومت دخلګو په لاس دخلګو لپاره
Government of the people by the people for the people
ځینی یی بیا د(اکثریت حکومت)
او ځینی نور یی بیا د( ټولوحکومت)باندی تعبیروی چی وروستی تعریف ځکه سم نشو بللای چی پخپله ددیموکراسی له حیاتی اومهم اصل (انتخابات، اودرایو اکثریت) سره په ټکر کی ده کله چی په کوم هیواد کی ددیموکراسی تر چتر لاندی انتخابات منځ ته راځی او یا ټولټاکن? صورت نیسی نو معلومه خبره چی اقلیت درایو په کموالی سره نشی کولای چی له اکثریت سره په یوه تناسب حکومت وکولای شی او یا دی پخپله ګټه کوم قانون تصویب کړی
ددیموکراسی ټولو معیاری اصلونو ته په پام سره هیڅکله ددیموکراتیکو انتخاباتو په صورت کی دلږکیو
حقوق او ګټ? نشی تثبیتیدای زماپه اند کوم دتساوات او عدل معیارونه چی اسلام ټاکلی هغه دنړۍ هر نظام او قانون نشی ماتولای اونه تردی ښه معیار موندلی شی په اسلام کی داشخاصو په ټاکنه اوانتخاب ترټولو مهمه معیار تقوا ده او دخلیفه امیر او یا هم رئيس ټاکل په اسلام کی داهل الحل والعقد له خوا څخه صورت نیسی چی دا پخپله یوه شورا ده او له داسی کسانو څخه جوړه ده چی ټول یی تقوا ، علمیت، او سیاسی بصیرت لری او په احوال الناس باندی پوره واقف اوخبر وی دمسلمانانو دخیر اوفلاح لپاره نیغه او له اسلامی احکامو سره موازی پریکړه کولای شی
تاسو لږ فکر وکړی چی اوس په دی پورته ذکرشویو معیارونو کی کوم یی د ښه اوسوچه اسلامی حکومت په جوړولو توانیدای شی؟
معلومه خبره ده چی عام خلګ دومره د ځان په خیر اوشر (هغه که دنیاوی وی که دینوی) نه وی واقف لکه څومره چی داهل الحل والعقد شورا پوهیږی
درايواکثریت معيار ګرځولو دناسم والی په باره کی دلایل
الله جل جلاله داسی فرمایی: وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ ۚ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ
الانعام
ژباړه او که چیری ته د ځمکی دمخ د ډیرو خلګو خبره ومنی نو دالله له لاری به دی واړوی ځکه چی هغوی په ګمانونو پسی روان دی او(اټکلیان) دی
(2)ولکن اکثر الناس لایعلمون
الاعراف
ژباړه: خو ډیر خلګ نه پوهیږی
وقلیل من عبادی الشکور
سباء
ژباړه: زما ډیر لږ بندګان شکر کوونکی دی
پرته له دی داسلام له لومړی حکومته بیا دخلفاء الراشدینو تردوری پوری هیڅ داسی بیلګه نشو پیداکولای چی دامیر یا خلیفه په ټاکلو کی دی عام انتخابات شوی وی او یا دی دعامو خلګو نه رایه غوښتل شوی وی ټول امیران او خلیفه ګان دشورا له خوا ټاکل شوی دی چی او


البته تخاري صیب په خورا ښکلي ډول موضوع څېړلې ده، الله مو په پوهې او علم برکت کړه!

تخاری صیب لیکي:
اقتباس:
دیموکراسی یو داسی چل دی چی د نړی پانګه وال پری نااهله خلک سیاسی واک ته رسوی او خپلی ګټی پری خوندی کوی دیموکراسی د اسلام خلاف د ژوند کولو سالمه طریقه نه ده په دیموکراسی کی د فرد په لنډمهالی پالنی سره د ټولنی حقوق تر پښو لاندی کیژی چی دا په اوږدمهال کی بیرته د فرد وژل دی

که دا د سودخورو پانګوالو چل نه وای نو ولی له سیاسی واک پرته په علمی او تعلیمی مراکزو د علومو په اکاډمیو کی رای ګیری نه کیژی په ټوله دنیا کی داسی مثال نشته چی هلته دی د پوهنتون استاد د عام اکثریت په رایو سره د استادی درجی ته رسیدلی وی

که رای ګیری ښه وی نو د پوهنتون استاد او د علومو دانشمندان دی هم د عامو رایو په اکثریت سره وټاکل شی تر څو د دیموکراسی مفیدیت؟؟؟ ثابت شی!

کنه همدا روش چی څرنګه یو شخص د علومو د اکاډمی عضویت یا د پوهنتون استادی ته رسی د سیاسی مشرتابه لپاره هم معیار جوړ شی

دیموکراسی د نړیوالو په لاس جوړ شوو بشری او د زنکه بازی په حقوقو تکیه کوی نو ایا افغان دیموکرات کولای شی چی حتی د رایو په اکثریت سره اسلامی حدود تطبیق کړی کلا و حاشا

د لرغونی صیب دا خبره سمه ده چی وایی اسلام او دیموکراسی ځنی مشترکات لری خو دی ته مو هم باید پام وی چی مشترکات خو له هندوانو+ بودایانو+ عیسویانو+ یهودانو+هر ګبر و ترسا سره هم لرو خو اصل توپیر مو په عقیده کی دی زمونږ شارع الله ج دی ددی نورو شارع پارلمان دی که د پارلمان تصویبی قانون کټ مټ هغه وی چی خدای ج ټاکلی نو په هغه عمل که هر څو هم هغه وی چی دی نو په عقیدتی لحاظ د داسی قانون متابعت د شیطان متابعت دی

نو د تخاري صیب او فطرت صیب ځوابونه کامل دي، زه ځان ته د دې حق نه ورکوم چې د دوی په خبرو کې خبرې اضافه کړم.
البته د پتوال صیب په خبرو بیا هم تم کېږم.

پتوال صیب وایې چې موږ د غربي ولسواکۍ چیغې نه وهو بلکې خپله اسلامي ولسواکي غواړو. موږ دا څه په اسلام کې لټوو او بیا په اصطلاح جمهوریت یا خلافت او نور...
نو پتوال صیب چې دا اصل په اسلام کې وي، بیا نو په ساده ډول ووایاست چې موږ غواړو د اسلام روح ته ستانه شو او په اسلام عمل وکړو،،،دلته بیا دا خودساخته او پلاستیکي توري ته ځای نشته. او بیا د ټاکنو له اصل سره خو موږ جوړ هم نه شو راتلی، نه منطقي دی، نه عملي دي، نه ګټور دی، نه د تدبیر خبره ده...ځکه:
فطرت صیب لیکي:
اقتباس:
الله جل جلاله داسی فرمایی: وَإِنْ تُطِعْ أَكْثَرَ مَنْ فِي الْأَرْضِ يُضِلُّوكَ عَنْ سَبِيلِ اللَّهِ ۚ إِنْ يَتَّبِعُونَ إِلَّا الظَّنَّ وَإِنْ هُمْ إِلَّا يَخْرُصُونَ
الانعام
ژباړه او که چیری ته د ځمکی دمخ د ډیرو خلګو خبره ومنی نو دالله له لاری به دی واړوی ځکه چی هغوی په ګمانونو پسی روان دی او(اټکلیان) دی

او دا چې:
ډېری خلک نه پوهېږي!!
نو ټاکنې خو زموږ په حالاتو کې د تدبیر خبره هم نه ده، او په دې اړه زه تاسو سره مخکې زیات غږېدلی یم. په افغانستان کې ټاکنې د حل لاره نه ده، بلکې پرځای یې یو له تدبیره ډک د شوری ګام د اسلام د اصولو په رڼا کې اخیستل په کار دي. نه داچې د ټاکنو له لارې سیستم د کمزورینو او خامیو ښکار شي.


درنښت
بېرته سر ته
د کارونکي عکس وښاياست شخصي پېغام وليږئ بريښناليک ولېږئ AIM Address Yahoo Messenger MSN Messenger
تخاري



دغړيتوب نېټه: 09 اګست   2012
ليکنې: 90

ليکنهد ليکنې نېټه  : ٤   شنبه   جنوري   23, 2013 3:53 am    عنوان   : Reply with quote

په تیر پسی تاسو ټولو ته زما له طرف څخه سنت سلام او احترام

هڅاند صیب ستاسو نه مننه او خوشاله یم چی په دی ځای کې دواړه همنظری یو و لله الحمد

پتوال صیب اوس د سو ء تفاهم خبره كوی

د سوء تفاهم په اړه دوه احتمالات کیدای شی

اول:
دا چی د بحث یو لوری یا دواړه به له عقلی لحاظه کمزوری وی خو دا چی څوک به دا قضاوت کوی دا د بحث د اطرافو کار نه بلکه د لوستونکو کار ده ضرور هم نه ده او نه حق پری لرو چی اعلان یی کړی

دوهم:

د دیموکراسی د ماهیت کراهیت دی چی مدافع لوری یی نشی توجیه کولای دا چی ولی یی نشی کولای مالومه خبره ده دوی په خپله منی چی دیموکراسی معلوم معیار نلری یانی په غرب کی د اکثریتو په رایه لواطت لیګلایز یانی قانونی کوی او په شرق کی د اسلام استر دی نو ثابته خبره ده چی دیموکراسی هیڅ بنسټ او معیار نه لری

نو پس هر هغه شی چی بنسټ او معیار ونلری په تیره بیا په معنویاتو کی نو ډیره سخته ده چی د یوه دین چی نوم یی اسلام دی او ثابت او محکم قوانین اصول یانی بنسټونه لری په مقابل کی د مترادف بدیل په توګه توجیه او د ملاتړ وړ وګرزی!!

ددی بحث یوه بله زیږنده چی لرغونی صیب په مناسب وخت کی د مستقل بحث لاندی افتتاح کړی ده بنسټپالنه ده زه به خپلی نوری خبری ان شاالله او که وخت یاری کوله هلته ادامه ورکوم او تاسو محترم هم هلته رابولم

و من الله التوفیق
بېرته سر ته
د کارونکي عکس وښاياست شخصي پېغام وليږئ
مخکيني ليکنی وښاياست:   
نوې موضوع پېل کړئ   موضوع ته ځواب ورکړئ    tolafghan.com دفورم سر ته   -> اسلام، اسلامي شرعه او د اسلام تاریخ    ټول وختونه GMT دي
پاڼي ته لاړ شئ شاته  1, 2, 3, 4, 5  مخکي
پاڼه   2  ټولې پاڼې  5

ورټوپ کړه:  

تاسو په دې څانګه  کې ليکنې نشئ کولی
تاسو د دې څانګې ليکنو ته ځواب نشئ ليکلی
تاسو په دې څانګه کې خپلو ليکنو ته بدلون نشئ ورکولی
تاسو له دې څانګې څخه خپلې ليکنې ړنګولی نه شئ
تاسو د دې څانګې په ټولپوښتنه کې برخه نشئ اخستلی


Powered by phpBB © 2001 phpBB Group

Chronicles phpBB2 theme by Jakob Persson (http://www.eddingschronicles.com). Stone textures by Patty Herford.