tolafghan.com
ټول افغان لومړي مخ ته

 ډېرځليزې پوښتنېډېرځليزې پوښتنې   لټونهلټونه   د غړو لستد غړو لست    کاروونکو ډله  کاروونکو ډله    د نوم ثبتولد نوم ثبتول 
 د پېژندنې څېرهد پېژندنې څېره    خپل شخصي پېغامونه وګورئ خپل شخصي پېغامونه وګورئ   ننوتنهننوتنه 

مونږ خپله څه وکړو، څه کولای شو، څه ډول یې وکړو؟

 
نوې موضوع پېل کړئ   موضوع ته ځواب ورکړئ    tolafghan.com دفورم سر ته   -> د ساتنپال - ولسواکانو بحثونه
شاته موضوع وګورئ :: مخکې موضوع وګورئ  
ليکوال پيغام
طالب ISI
ستوري
ستوري


دغړيتوب نېټه: 03 اکتوبر   2009
ليکنې: 535
ځای: France

ليکنهد ليکنې نېټه  : ١   شنبه مارچ   25, 2012 10:31 pm    عنوان   : مونږ خپله څه وکړو، څه کولای شو، څه ډول یې وکړو؟ Reply with quote

غواړم یو نوی او اوږد بحث پیل کړم. زه او ته ( طالب پلوه، کرزي پلوه، بې طرفه...) خپله څه کولای شو، تر څو د د یوه وړوکې کلي، یوه جومات په سطحه دغه وطن ته خدمت وکړو.

د طالب، کرزي، امریکایې، پنجابې بدی او نیکۍ مو ډیرې وشاربلې، راځی له ځانه پیل وکړو، تر څو یو د بل له نظریاتو ګټه واخلو.
فکر وکړه ته په خپل کلي، یا کوڅه کې د آبادۍ، ښیګڼې، عام المنفعه کار غواړې وکړي، ته څه کوي ، په څه ډول یې کوي، او تر اوسه د څه کړي.
بېرته سر ته
د کارونکي عکس وښاياست شخصي پېغام وليږئ Yahoo Messenger
tandar
ستوري
ستوري


دغړيتوب نېټه: 20 دسمبر   2009
ليکنې: 2374

ليکنهد ليکنې نېټه  : ٢   شنبه   مارچ   26, 2012 6:23 am    عنوان   : سلامونه Reply with quote

سلامونه
١، مينه له خاوري سره
٢، مينه له خپل ملت سره،، چه وواي زه نه يم ته ې،، هم به ته وي هم به زه يم
٣، پاک وجدان
٤، خائين ،قاتل ،وطن فروش له خپلو تيرو اعمالو توبه وباسي
٥، يوالي او وروري
اوداسي نور
بيا به ددشمن سترګه هم راڅخه سوزي ،ناموس به مو خوندي وي او جهان به راته هم دعذت په سترګه ګوري
يوالي کي بري پروت دي
ديو لوي او ازاد افغانستا ن په هيله
بېرته سر ته
د کارونکي عکس وښاياست شخصي پېغام وليږئ
پتوال
ستوري
ستوري


دغړيتوب نېټه: 15 جنوري   2011
ليکنې: 1039

ليکنهد ليکنې نېټه  : ٣   شنبه   مارچ   27, 2012 9:37 pm    عنوان   : Reply with quote

السلام علیکم درنو ورونو !

شهیر صیب ډیره ښه پوښتنه مو مطرح کړې ده ; چې مونږ څه وکړو ؟؟؟؟؟
عام المنفعه کارونه ۲ ډوله دي :
مادي او بل معنوي ! له مادي سره زما کار نشته، ځکه هغه موقتي او لند او ګنډ وي او د یوې محدودې خیریه ټولنې کار دی !
معنوی هم دوه ډوله دي، کلتوري او سیاسی ! کلتوري هم د یوې محدودې کلتوري ټولنې کار دی او د ټولنې حادې او اساسی ستونزې نه حلوي !
نو خبره یواځې سیاسی عام المنفعه کار ته پاتې شوه چې د هرې ستونزې ریښه کاږي!
نو راځئ چې نه د کابل حکومت او د هغه بادار ګریوان ته لاس وغورځوو ، ددې غټو سټو سره يې نه وهلی شو
او نه ویلی، او نه دطالبانو څخه د څشی تمه او غوښتنې وکړو چې وروره داسې کوه او داسې مه کوه ، پریېږدئ
چې خپل کار ته دوړام ورکړي ، هغوی هسې هم نه زما مني اونه د بل او بل، وايي لیونی هم په خپل کار ښه پوهیږي
سر پرې مه خوږوئ !

نو شهیر صیب زما په اند پوښتنه د عام المنفعه سیاسی کا ر او فعالیت ده چې دا به نو څه ډول وي؟ او څه ډول
خلک به یې پرمخ وړي ؟؟؟؟
دا باید یو عام سیاسی خوځښت وي او ددې له پاره چې عام المنفعه دی نو جنګي او پوځي خوځښت به نه وي
سوله ییز او ملکی ولسی خوځښت باید وي ! ددې له پاره چې ولس فلج کړي ددې ډول سوله ییز سیاسی خوځښت ابتکار
د کابل لاسپوڅي حکومت په لاس کې واخیست او د یو لاسپوڅي په مشرۍ یې د سولې یوه شورا جوړه کړه ،
چې نه ملي وه او نه اسلامی، بس صرف امریکایی او ستمي شورا وه او له ستمیانو ډکه وه !
خو سو له د ولس کار دی نه د حکومت، او که دحکومت کار وي نو یواځې د یو ولسی حکومت کا ردی ، ولې دا حکومت
خو نه ولسی دی او نه د ولس څه پروا ساتي! دا یو مافیایی لاسپوڅی حکومت دی او د سولې شورا به یې هم همداغسې لاسپوڅې
او د سیاسی مافیا شورا وي چې ده او بس !
نو ولس د حکومت ددې منافقی او فاسدی شورا پر ضد د سولې یو پراخه غورځنګ ته اړتیا لري، چې ابتکار یې هم باید
پخپله د افغان ولس په لاس کې وي ، مونږ او تاسې باید صرف د خپل بیچاره او مظلوم خو اتل ولس سره دومره
مرسته وکړو چې د سولې یوه ملی سرتاسري شورا ورته جوړه کړو
چې له نامورو رشتینو ملی او اسلامي افغان
شخصیتونو څخه جوړه وي او هدف یې د سوله ییز مقاومت په مټ اشغالګر په هر قیمت له خپلې پاکې افغاني دخاورې
څخه وتلو ته اړباسل وي ! نو راځئ چې په ګډه تړه د سولې مخکښان ، د سولې عاشقان او عارفان ، او هر یو دسولې
خضر اود سولې مهدي شوو !
هو له بهره یې راپیل کړو او د هیواد دننه ته د سولې پیغامونه او بیا د سولې خوځښت ورداخل کړو
او په یو سر تاسري څپاند غورڅنګ ترې جوړ کړو چې هېڅ سیاسی او اشغالګر طاقت يې مخه ونشي نیولای !
نو ، دسولې ولسي شورا بايد جوړه کړو !


وروستی ځل بدلون  پتوال   په   جمعه   مارچ   30, 2012 3:07 pm   ورکړی دی   ,  د بدلون شمېره  1
بېرته سر ته
د کارونکي عکس وښاياست شخصي پېغام وليږئ
طالب ISI
ستوري
ستوري


دغړيتوب نېټه: 03 اکتوبر   2009
ليکنې: 535
ځای: France

ليکنهد ليکنې نېټه  : ٥   شنبه   مارچ   29, 2012 8:15 am    عنوان   : Reply with quote

مننه له نظریاتو مو.
زما په خپل اند پوهاوۍ زمونږ لپاره ضرور دی.
پوهاوۍ مطلب څه؟

پدې پسې به نه ګرځو چې نن پارلمان کې څوک دي، خو ددوی تر منځ د اوس لپاره یو پوهاوۍ شته، هغه دا مونږ ټولو بیخې نا ممکنه بلله چې یو اخواۍ، ملا، طالب، ښځه، دیموکرات، خلقۍ، پرچمۍ، شله یې....او نورې ډلې تر یوه چتر لاندې کینې، بحثونه سره وکړي، تندې خبرې یو بل ته وکړې، بې له دې چې ټوپک وکاروي. د پارلمان حد اقل ۵۰٪ وقت پدې دې تیریږي چې د ملت لپاره د خیر کارونه وکړي، دولت وپوښتي، او هر وکیل چې پدې لاره کې هر څومره هڅه کوي، هومره ښه نوم لري، خلک یې په لونګۍ، ګیره، نکیټایې، نرتوب، ښځه توب پسې نه ګرځي. اګر چې دا یو ایډیال پارلمان نه دی، خو څه مې چې یاد کړل، یو پوهاوۍ موجود دی.


اوس که چیرې همدغه پوهاوی، د کورنې، کلي او کوڅې په سطحه موجود وي، نو باور وکړه، چې زمونږ د وطن مشکلات به ۸۰٪ را کم شي.
یو کلي کې د کلي مشران دي، سپین ګیري دي، ملا دی، معلمان دي، دولتۍ مامورین دي، طالبان دي، که د دوی تر منځ پوهاوۍ موجود وي، نو بیا هر څه کیږي.
مطلب دا چې طالب غواړي، د امریکایانو په ضد جنګ وکړي، خپله خوښه یې ده، ویې د کړي، خو مامور د له کاره نه منعه کوي، موسسه واله د نه منعه کوي چې همدغه کلي ته څه جوړ کړي. له ښونځیو سره د مرسته وکړي، لکه ډیرو ځایو کې چې طالبان مرسته کوي. په همدې توګه د کلي مشران د یوه مامور په نیکټایي، پتلون او ګیره کې کار نه لري، مامور د بیا د کلي مشرانو پګړی، ګیري، او مشرتوب ته احترام ولري. مامور بیا چې کله ماموریت کوي، رشوت د نه خوري.

په همدې توګه د همدغه کلي ټول اوسیدونکې دي، د اعانو په ورکولو سره د جومات له طالبانو سره هم مرسته وکړي چې دوی د کتاب له نه شتون سره مخامخ نه شي.

په همغه جومات کې د نور کتابونه هم ځای په ځای کړي تر څو یوه ورځ د کلي معلم، د یوې ساینسي ، تاریخي موضوع څخه د کتاب په مرسته کلیوال او طالبان خبر کړي، او د کلي ملا بیا له همدغه کتابو څخه په مرسته دینې موضوعات پاتې کلیوالو ته وښيې.

کله چې د کلي ماحول، علمي، دیني شو، بیکارانو ته خپل ځان بد ښکاریږي،مجبور دي، یا کلۍ پریږدي، یا دوی هم اصلاح شي.

همدغه کلیوال بیا کولای شی، یو بله له تجربو ځان خبر کړي، او ځوانانو ته سمه لار وښی، چې په نورو ولایات، هیوادونو کې څنګه کار وکړي، څنګه هلته دوی ښه ګټه وکړي. یو اسان چې یو ورځ هم له کلي بهر تیره کړي، ډیره تجربه حاصلوي.

پخوانۍ اسلامي ټولنې چې دومره بریالۍ وي، په همدې توګه مخکې تلل. وایې د حضرت عمر ثانې په وقت کې اقتصاد دومره ښه شو، چې د ذکات ورکولو لپاره وړ خلک نه پیدا کیدل.

اوس به له نورو وروڼو واورو چې څه وایې؟
بېرته سر ته
د کارونکي عکس وښاياست شخصي پېغام وليږئ Yahoo Messenger
عبد السلام
ستوري
ستوري


دغړيتوب نېټه: 25 اګست   2008
ليکنې: 415

ليکنهد ليکنې نېټه  : ٥   شنبه   مارچ   29, 2012 10:07 am    عنوان   : Reply with quote

اقتباس:
پدې پسې به نه ګرځو چې نن پارلمان کې څوک دي، خو ددوی تر منځ د اوس لپاره یو پوهاوۍ شته،

شهیر صاحب تاسو , اوټولو ورونوته سلامونه او درناوی !
دپتوال صاحب په پورتنۍ لیکنه کې د هغوي مطلب راته پارلمان نه بلکې د صلحې ولسي خوځښت ښکارې !

په هر حال که تاسو ته د اوسنی پارلمان دغړو تر منځه پوهاوی طبیعی کار ښکاري زه یې نه درسره منم !
ځکه دا نا متجانسه غونډله چې تاسو یې پورته یادونه کړې، د ډالرو په زور، او دغربیانو څخه دویرې له امله را غونډه شوې !
مګر ندې دې اوریدلي چې وايي : از زور کاکا ست که انګور در تاکاست. !!! اوکاکا هم پخپله یو نا راسته ټګ !!! نو ددوي تر منځه به تفاهم چیرته شونی وي ؟

راغلو دې ته چې په فردی توګه څنګه کیدای شي ټولنې ته خدمت وشي ؟ دلته زه لمړی د ګران ورور تندر ټولې پورتنۍ ښوونې د سرو زرو او الماسو ګڼم ، اودا پرې ورزیاتوم چې : تر هغې چې مونږ ظلم ته ظلم ، خیانت ته خیانت، غلا ته غلا، دروغو ته دروغ، چور ته چور ، تیري ته تیری، ونه وایو همدا به مو حال وي چې دا دی.
إن الله لا يغير ما بقوم حتى يغيروا ما بأنفسهم
په درنښت
بېرته سر ته
د کارونکي عکس وښاياست شخصي پېغام وليږئ AIM Address Yahoo Messenger MSN Messenger
مخکيني ليکنی وښاياست:   
نوې موضوع پېل کړئ   موضوع ته ځواب ورکړئ    tolafghan.com دفورم سر ته   -> د ساتنپال - ولسواکانو بحثونه    ټول وختونه GMT دي
پاڼه   1  ټولې پاڼې  1

ورټوپ کړه:  

تاسو په دې څانګه  کې ليکنې نشئ کولی
تاسو د دې څانګې ليکنو ته ځواب نشئ ليکلی
تاسو په دې څانګه کې خپلو ليکنو ته بدلون نشئ ورکولی
تاسو له دې څانګې څخه خپلې ليکنې ړنګولی نه شئ
تاسو د دې څانګې په ټولپوښتنه کې برخه نشئ اخستلی


Powered by phpBB © 2001 phpBB Group

Chronicles phpBB2 theme by Jakob Persson (http://www.eddingschronicles.com). Stone textures by Patty Herford.