tolafghan.com
ټول افغان لومړي مخ ته

 ډېرځليزې پوښتنېډېرځليزې پوښتنې   لټونهلټونه   د غړو لستد غړو لست    کاروونکو ډله  کاروونکو ډله    د نوم ثبتولد نوم ثبتول 
 د پېژندنې څېرهد پېژندنې څېره    خپل شخصي پېغامونه وګورئ خپل شخصي پېغامونه وګورئ   ننوتنهننوتنه 

آيا څه فکر کوئ چې دالمپيک په لوبو کی پښتنې نجونې ولی نشته ؟
پاڼي ته لاړ شئ شاته  1, 2, 3, 4, 5  مخکي
 
نوې موضوع پېل کړئ   دا موضوع تړلې شوې . تاسو ليکنې بدلولی يا ځوابولی نشئ.    tolafghan.com دفورم سر ته   -> نړيوال ښکيلاک او د لرو بر افغان دازادۍ غورځنګ
شاته موضوع وګورئ :: مخکې موضوع وګورئ  
ليکوال پيغام
طوفان



دغړيتوب نېټه: 11 اګست   2004
ليکنې: 11

ليکنهد ليکنې نېټه  : ٥   شنبه   اګست   26, 2004 11:06 am    عنوان   : Reply with quote

سلامونه مي دنيکو هيلوسره اومني
ګرانو وروڼو هريوعادل وطنمل ،اسلام دوست ،احمد،طالب خان اوهوتک صاحبانوستاسوله ليکنوډيرمتاثرشوم اوخورا په زړه پوري ليکني اځوابونه موليکلي خدای ( ج ) ددوی سرورباندي خلاص کړي ، ازادنظرله خويه ډيرتيزدی ځکه خوزمااوده ترمنځ مباحث دترخواونامناسبوالفاظوله کبله ړنګه کړل شوه کنه لومړنئ غيرادبي ټکي ازادنظرله خوا استعمال شوي وو خودادی دازادنظرله وروستئ ليکني ښکاري چي په خپله ګناه پوهه شوی چي کيدای شي دستاسوليکنوباندي يی سرخلاص شوی وي ٠
ماته داسي ښکاري چي هغوی کله کله اعصابي تکليف پيښيږي چي دموزيک ډول په شان دي چي هرڅوک يی ډبوي همغه ډول اوازکوي ،



ستاسوورور طوفان
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
خاټول
ستوري
ستوري


دغړيتوب نېټه: 13 ميئ   2003
ليکنې: 127
ځای: متحده ايالات

ليکنهد ليکنې نېټه  : ٥   شنبه   اګست   26, 2004 1:44 pm    عنوان   : Reply with quote

وروڼو او خوندو سلامونه مي ومنۍ
داچي دښاغلي ازاد نظر له لوري طرح شوي موضوع تر ډيره ځايه په مونږ (ښځمنو ) پوري تړاو لري ، نو غواړم چي خپل نظر ورباندي څرګند كړم.
وروڼو او خوندو! زمونږ دټولني په ځانگړي ډول دښځو دستونزو يواځنی لامل افراط او تفريط دی ،او داسلام وسطي او منځنۍ لاره مو كله دافراط او كله هم دتفريط نذر كړي، دساري په ډول كله مو ميرمني دفرضي علومو له زدكړي دستر او غيرت په نامه راگرزولي او كله مو هم دحقوقو داعادي په بهانه داسي ښونځيو اوكار ځايونو ته سوق كړي چي اصلا يي اړتيا نه ليدل كيده او په دي ډول مو په لوي لاس خپلي خوندي د جنسي ليوانو خولو ته اچولي ،كله مو يواځي په لار كي دچا دخور يا ټبر سره دتريدو په گناه د وينو ويالي بهولي او كله مو له بيري دځان دخلاصون دپاره خپلي تنكۍ لوڼي او خوندي دبدو په بدل كي دمينځو په ډول اور ته اچولي.
زما په أند هلته به د ميرمنو دستونزو په شمول زمونږ گردي ستونزي حل شي چي مونږ په واقعي ډول مسلمانان شو او اسلام يواځي ديوه تعبدي دين په ډول نه بلكي ديوه ټولنيز دين په ډول ومنو.
پاته شوه داولمپيك په لوبو كي دگډون خبره نو زما دمعلوماتو سره سم خو نه هم اسلام او نه زمونږ پښتني كلتور ددي اجازه راكوي، او نه هم په دي څه كولو سره زمونږ ټولنه مترقي کيداي شي ترقي يواځي په علم اوعرفان كي نغښتي او دعلم حصول دبي حيايي خپلولو تقاضا نه كوي.
نو سوال دا رامينځ ته كيږي چي ايا ميرمني دلوبو كولو حق نه لري؟
زمادمعلوماتوسره سم شريعت په دي مورد ښځو ته په خپل چوكاټ كي دلوبو حق وركړی كله چي جنې نابالغه وي نو حق لري چي له خپلوهمځولو سره په عام ډول ولوبيږي ،اوچي بلوغ ته نزدي شي بيا نو په محدوديت سره له خپلوهمځولو سره په داسي ځاي كي چي دستر له پلوه خوندي اوله فتني نه مامون وي لوبه كولاي شي ، او بياچي له خيره خپل كورته ( يعني دخاوند كورته ) ته ولاړه شي نو دلوبو دپاره يي لوي الله جل جلاله پوره انتظام كړی ، رسول الله صلی الله عليه وسلم به له گراني مور بي بي عائشي سره دزغاستي مسابقه كوله كله به رسول الله ځني مخته وو اوكله به گرانه موربي بي عائشه ،اوپه بل حديث كي دښځي او خاوند تر مينځ لوبي كول تر نفلي عبادت غوره گڼل شوي ،نو كه هدف په رښتيالوبه وي نو په دي اړه خو شريعت پوره حق وركړی او كه هدف بي حيايي وي نو ټولي پښتني خوندي الله ځني وژغوري.
بېرته سر ته
د کارونکي عکس وښاياست شخصي پېغام وليږئ
Kliwal



دغړيتوب نېټه: 16 جون   2004
ليکنې: 59
ځای: wardak

ليکنهد ليکنې نېټه  : ٥   شنبه   اګست   26, 2004 5:23 pm    عنوان   : salam Reply with quote

د پاڼې قدرمنو ليكوالو او ټولو لوستونكو: نېكې هيلې او تاوده سلامونه په پوره درناوي ستاسو حضورته تقديم كوم.
د ټولو ښاغلو او آغلو نه مننه چې په خورا تېزۍ سره يې د ښاغلي آزاد نظر ليكنه بدرګه كړه او خورا زياتې ليكنې يې په پوره چټكتيا سره وكړې. په دې مانا چې ټول د ليكنې پوره استعداد لري خو متاسفانه خپل ټول وخت او استعداد يواځې هغه نكتو ته متوجه كوي چېرې، چې خبره د يو او بل په ضد ورته ښكاره شي، بيا نو د ټولو ښا غلو قلمونه په ټوپو او آسونه غوندې ميدان ته را ودانګي او آن له ځينو خو خبره تشو ( ناندريو، ستوغو، سپورو او نا سمو خبرو) ته لاړه شي، په ځينو سركښو كې د جوابونو ځاى نه كېږي لكه( زما په آند د سپتمبر د پېښو شرعي حيثيت، په وينو رنګ ليك او دغه سر ليكه) سره لدې چې ډېر لوستونكي د خورا زياتو معلوماتو تږي دي او بايد بحث پرې وشي او ګرانو لوستونكو ته وړاندې شي. خو زه اوس په خپل وار سره دا لاندې ټكي كاږم هيله ده چې تېر وتى نه وم:
۱- د ټولو په اتفاق هر څوك په خپله نظريه كې آزاد او د هرچا د شخصيت درناوى لازم دى.
۲- د رايو اختلاف د لوستونكو لپاره هغه مهال مفيد، ګټور او دستايلو وړ دى چې هره رايه او نظريه په مستندو دلايلو ولاړه وي.
۳-لوستونكى ټولې رايې او نظريې لولي بيا ترجيح وركول دده خپله خوښه ده. او دا هم روښانه ده چې هرليكوال دده د نظريې په اندازه د لوستونكو په زړونو ځاى پيدا كوي.
۴- د هر ليكوال چې د اسلامي اصولو او د هېواد مثبتو عنعنو او پښتونولۍ ته درناوى ولري احترام يې په كار دى، او كه كومه تېروتنه ترې پېښه شي نو بايد د نبي اكرم صلى الله عليه وسلم د هغه وينا سره سم بايد ورسره چلند وشي كومه چې وايي ( التمس لآخيك سبعين عذرا) د خپل مسلمان ورور لپاره د تېر وتنې پر مهال اويا عذرونه ولټوه.
۵- كېداى شي ښاغلي آزاد نظر دا ليكنه د زړه له دوكه كړي وي. هغه دا چې دا مونږ پښتانه ولې له هرڅه نه محرومه يو. دا ملك د چا او مزې څوك پرې كوي، دا مونږ ځوانان ولې په هېڅ كې نه پوښتل كېږو، ددې ملك تاريخ د چا او څوك يې دعوى كوي.......؟
۶- كه په المپيك كې د پښتنو پېغلو د ګډون خبره را واخلو بيا نو راځئ د خپلو درنو او پتمنو خويندو نه پوښتنه وكړو چې دوى څه وايي او پدې هكله د آغلې خاټول خبره د اسلام او پښتني دود سره موافقه او سمه ده.
۷- بيا كه لږ نور ور تېر شو نو د المپيك په لوبو كې د پښتنو پېغلو د ګډون غوښتنه خو زما په آند له هغه (طنز) سره برابره ده كوم چې په افغانستان كې ( وږيو، تږيو او پښو لوڅو ته د مرسته كوونكو لخوا د كېسټو،CD ګانو او فلمونو، ړندو ته د عينكو او ګوډانو ته د بوټونو وړاندې كولو په هكله و) حال دا چې وږي ډوډۍ ته اړتيا لري.
همدا ډول مونږ بايد لدې څخه مخكې خپلو خويندو ته په نورو ډېرو مهمو شيانو قايل شو.
۱- تعليم په نر او ښځه لازم دى نو آيا مونږ هغوى ته دا حق وركړى؟؟ آيا د ژوند او دين په مهمو مسلو مو د پوهېدو اجازه وركړې؟؟.
۲- مېرمن او خاوند دواړه د مرغه د وزرو په شان دي آيا مونږ په همدغه انډول ورته قايل يو؟
۳- دخپلې پښتنې ټولنې په جوړولو كې مو ددوى رول ته اجازه وركړې؟
۴- ددې د خپل برخليك په ټاكلو كې مو پېغلې څخه پوښتنه كړې؟
۵- ميراث د زوى او لور دواړو حق دى نو آيا دغه پېغلې ته مو د ميراث حق وركړى؟
... تر ټولو له مخې مونږ بايد ښځې ته د تعليم حق وركړو، هغوى د جهل له كندې را وباسو، د هغوى ټولنيزې ستونزې حل كړو. هغوى په ټولنه كې د پوه بشر په حيث ومنو له استعداد نه يې د ټولنې په جوړولو كې ګټه پور ته كړو. .......... بيا د المپيك او نورو خبرې له همدوى ته وپوښتو چې څه وايي. ستاسو د خوښۍ په تمه كليوال


وروستی ځل بدلون  Kliwal   په   جمعه   اګست   27, 2004 5:46 am   ورکړی دی   ,  د بدلون شمېره  1
بېرته سر ته
د کارونکي عکس وښاياست شخصي پېغام وليږئ بريښناليک ولېږئ د ليږونکي ويب پاڼه وښاياست AIM Address MSN Messenger
ع کريم حليمي
ستوري
ستوري


دغړيتوب نېټه: 10 جنوري   2004
ليکنې: 2670
ځای: new york

ليکنهد ليکنې نېټه  : ٥   شنبه   اګست   26, 2004 7:29 pm    عنوان   : Reply with quote

ګرانو دوستانو او درنو ملګرو ، ليکوالو سلام !
ږره مي سپينه سوه ٠ هر څه چه پلار مور نيکه کور کلي مسجد مکتب مدرسې راښولي وه ٠ د طالبانو مکتب
راغلط کړه ٠ اوس زه نه پوهيږم چه زما نيکه ګان غلط دي او که دطاليبانو مشران ٠
چه طالبان په ايمان ،اسلام روان دي او که زموږ نيکه ګان ٠ زه د داسي فاميل څه راوتلۍ يم ٠ دانه چه زه وايم چه
ديني عالمان وه خو کومه ورځ چه طالبانو حرکت شروع کۍ ٠ زموږ نيکه ګان ئې ستايل چه فاضيل کندهاري (ابواخندزاده )٠ ملا سليمان اخندزاده چه يګانه قبر دۍ دقندهار د ښار هديره کي چه دولت يعنی ابدالي حکومت
مناره پر درولې ده او ترننه پوري ولاړه ده چه په ټوله دکندهار په هديره کي بله مناره نسته قطعنأ ٠ او په ډبره کي ليکلي چه ملا سليمان علم کندهار ته راوړۍ دۍ ٠
او زما د ماما ګنۍ چه عبدالخالق اخندزاده د فاضيل کندهاري اولاد ٠ او حافض د قرأن و فقهي عالم د شورا وکيل
د فاميل نر او ښځي ئې دغه مکتبوته تلې او تلل ٠ خوګياڼۍ چه اخښۍ ئې هم وو ٠ چه زما د انا اخښۍ کيدۍ
او د افغانستان قاضي قضات هم وو او لادونه ئې لڅه مخ مکتبوته تلل ٠
نه پوهيږم چه دغه عالمان او د دين پوهان پښتانه نه وه ايا مسلمانان نوه ٠ که څه قصه وه
دغه نن چه زه ګورم ٠ دغه طالبيزم خو زما د نيکه ګانو د لاري څه اوښتي بولم ٠ او يا زما نيکه ګان پر اسلام نوه
روان ٠ خداي مو داسي حيران که لکه زه چه مو حيران کړې يم
چه اوس هغه عالمانو نيکه ګانو ليکنو او اعمالوته ګورم ٠ هغه اسلامي قانون چه ئې امان الله خان ليکلي دۍ
ټوله پر قرأن برابر دۍ ٠ چه هرشپه چه ئې لولم ژړا راسي ٠
چه نن طالبان او بن لادن ته ګورم داسي رامعلوميږي چه دغه خلګ نه د نبي پر شريعت صحيح روان دي ٠ او نه
دا لار زموږ د مسلمانو نيکه ګانو ده ٠ هو زموږ نيکه ګانو د وهابيانو څه ډير بد وړل
اوس پوه سوم ٠ بن لادن وهابي دۍ ، طالبان ٠ والله اعلم
دغه دنن د طالبانو اسلام ماته نوۍ رامعلوميږي ٠ که څنګه ؟؟؟؟
موږ ته لازمه ده چه د خپل متشرع ، مسلمانانو نيکه ګانو لار واخلو ٠ نو د حجاب ،اولمپک ،به ټوله حل سي
زه حزبي اسلام نه کوم ٠ هغه اعمال ،کلام،کيردارکوم ٠ چه قرأن راته وائې او زما نيکه ګانو عمل په کړي وي
نه چه ماته حزب وائې داسي او داسي ٠

نوټ ٠ څوک چه د پردې شاته ناست وي ٠ او اسلامي تبلغ کوي ٠ او دئ نامعلومه ،کورنۍ ئې نامعلومه ، هديره ئې
نامعلومه ٠ نوم ئې مستعار وي ٠ شرعأ قانونأ اخلاقأ بايد ځانونه معرفي کي
دا انټرنټ دۍ او کفارو جوړ کړې دۍ ٠ کفار و پروپاګنډه چوړه کړې ده
کفار دي دا کار کوي چه پټ وطنو ته خلګ استوي چه پروپاګنډه واچوي
موږ مسلمانان يو ٠ بايد خپل وړونه سره و پېږنو نو بيا ئې تبلغ هم په راسته غوږو اورو ٠
که تاسو تبلغ د پردې شاته روا ګڼي ! نو ممکن ده چه پښتنه هم لڅه اولمپک ته رواوي که څنګه ؟؟؟؟؟؟؟
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
Azad Nazer



دغړيتوب نېټه: 19 سپتمبر   2002
ليکنې: 97

ليکنهد ليکنې نېټه  : جمعه   اګست   27, 2004 2:27 am    عنوان   : Reply with quote

محترمې خور خاټول ، ښاغلو پوهانوهريوکليوال صاحب او حليمي صاحب سلامونه !

له نظرونو څخه مو مننه !

عرض دادې چې المپيک د نړۍ والو اصولو اوپېژندګلوۍ په چوکاټ کی پرته له مخالفته رامنځ ته شوې او د سياسي او مذهبي تأثيراتوڅخه ظاهرا" پاک انګېرل کيږي خو په باطن کی ترې وخت په وخت ساسي ګټې اخيستل شوي چې ښه مثال يې د پخواني کمونيستي بلاک هېوادونه ښودﻻ ی شو ٠ غربي هيوادونو دغه کمونيستي رژيمونه په رسميت نه پېژندل نو هغوی د سپورت خواته توجه زياته کړه او خپل لوبغاړي يې دالمپيک لوبو ته په غربي هيوادونو کی واستول او کله به چې ګټونکي شول نو غربې هيوادونه به مجبور شول چې د قهرمان کمونيستي هېواد نوم اعلان کړي اورسمي بېرغ يې جګ وځړوي ٠
دطالبانو حکومت هم دا کوشش کاوه چې په رسميت وپېژندل شي مګر بريالي نه شول ٠ د طالبانو حکومت د خپل رژيم په ګټه تبليغاتو لپاره په امريکاکې ښځينه پلويانې درلودې چې کله به سرتور سر اودلنډو ويښتانو سره څرګنده شوه اودشمالي اتحادد ښځينه استازې انتونه به يې ردول ٠ دشمالي اتحاد استازې پړونې پرسر کاوه خودطالبانواستازې به ليبرل ښکارېده ٠ په هر صورت ، دابه ومنو چې دطالبانو دټولو تاکتيکونو اوکوششونو باوجود بيا هم ونه توانېدل چې دنړيوالی ټولنې لخوا په رسميت وپېژندل شي ٠ دطالبانو درژيم نه پېژندنې خارجي ځواکونو يرغل ته هم لاره هواروله او دسپټمبر د 11 نېټې حملو خارجي يرغل ته حق ورکړ ٠
که دسپورت سياسي اومذهبي ارزښت پر ځای پرېږدو او بدني اوروغتيايي ګټې يې په نظر کی ونيسو نو سپورت دانسان دبقا اوروغتيا لپاره همدومره اهميت لري لکه دارواودرمل ٠ درمل په رنځ اخته انسان روغوي مګر ورزش دډېرو مهلکو امراضو وقايع کوي يعنې له رنځه يې ساتي اوډېرامراض لکه دزړه ، وينې او شکرې ميراثي حيثيت نه غوره کوي ٠، يعنې دمور اوپلار څخه اولادونو ته د جينونو په ذريعه نه نقل کيږي ٠ د ورزشي نرانواوښځوفزيکي اوبدني مقاومت نسبت هغو خلکو ته ډېر زيات وي چې منظم ورزش نه کوي ٠ دورزشونو مختلفو ډولونو ته سپورت وايي اوپه طب ، عسکري سيستم ، پوليسي سيسم اوساينسي تحقيقاتو کې ترې ډېره استفاده کيږي ٠ په دې برسېره په کورني ژوند اودځان څخه په دفاع کی هم ډېر اهميت لري ٠ دمثال په توګه په سختو اضطراري حالاتو کې يو باکسراوکراته باز دخپلې کورنۍ په ساتلو کې حياتي رول لوبولای شي او برعکس يوه کراته بازه مېرمن دتېري اوسپکاوي په وخت کی دخپل مېړه ، اولادونواو له ځانه ښه دفاع کولای شي ٠
په ننۍ نړۍ کی ډېر خلک دکيمياوي ادوياتونه وړاندې ورزش او بدني روزنې ته ډېر اهميت ورکوي ځکه چې ورزش او بدني روزنه هيڅ ضمنې مضراثر نه لري ٠ دمثال په توګه هندي يوګا اوچينايي تايچي هغه روزنيز بدني حرکات دي چې دپوخ عمرخلکو دعصبي اوعضلاتي کنترول اومقاومت دزياتېدو لپاره ترې په روغتيايي ادارو کی کار اخيستل کيږي ٠

کراتې لومړې ځل هندي جنګاليو پيداکړې ا و بيا ترې چينايي جنګياليوتقليد وکړ او په چينايي دود يې واړولې ٠ له دوی څخه چاپانيانوپه الهام اخيستو خپل رقم کراتې منځ ته راوړې ٠ کله چې کوريايان د چاپا ن د استعمار په ژغ وتړل شول نو هغوی به يې په خپلو کراتو زورول نو کوريايي وطنپرستو ټول چلونه سره يو ځای کړل او کوريايي ډول دځان ددفاع جګړه ايزوچلونو يوه لوبه يې د تای -کوان -دو په نوم رامنځ ته کړه اوپه د ې توګه بريالي شول چې خپلو جا پاني دوښمنانو ته ماتې ورکړي ٠
که په امريکا کې محمدعلي ته وګورو نو هغه نه يواځې دخپل هېواد نوم لوړ کړې بلکه دمسلمانانو لپاره هم دفخر مثال دې ٠ نوموړې نه يواځې د يو قهرمان امريکايي په توګه بلکه ديوقهرمان مسلمان په توګه په ټوله نړۍ کی خلک پېژني ٠
دادسپورت فايدې دي ٠ اوس نو ګورو چې زمونږ غم ځپلې اولس اوبيا په تېره پښتانه ترکومه حده دسپورت په هکله فکر کولای شي ٠ دا يوروڼ حقيقت دې چې يوفردنه شي کولای ديواولس دود اودستور بدل کړي تر څو اولس پخپله د عيني اوذهني تغيراتو تمايل پيدانه کړي ٠ الله تعالی پخپله ويلي چې دې به يو اولس هيڅکله تغير نه کړي ترڅو هغه پخپل ځان کی تغير رانه ولي ٠
زما دغه پوښتنه چې داولمپيک په لوبوکې ولی پښتنې نجونې نشته په دې دلالت نه کوي چې ټول پښتانه بايد ضرورخپلې لورګانې دالمپيک لوبو ته واستوي بلکه دموضوع دڅېړلو مناسب پېل وو او دنورو کورنيوقومونو سره اوږه په اوږه کول وو٠ خوکه زما ټول مضمون وڅېړل شي ماددې څخه نورو مسايلو ته اوليت ورکړې اودخپلوپوښتنو لپاره مې دمعقول اومنطقي ځواب هيله کوله ٠ ترکومه ځايه چې زه معلومات لرم نواسلامي شريعت هم هرچاته داحق ورکوي چې هررنګه پوښتنه وکړي اودهغې شرعي ځواب ترلاسه کړي اوفکر کووم چې شرعي عدالت بې ثبوته او سرسري مسايلو ته اهميت نه ورکوي ٠
هغه څوک چې ددې ادعا کوي چې ديني تعليم يې کړې او دنورو په پرتله په اسلامي اخلاقو ، ادابو ، لارښوونو ، اصولو اوتاريخ ښه پوهيږي نو مونږ غوندې اميانو ته به يې څنګه په اثبات رسي ؟ په شکنځلو ، په سپکاوي ، په تهديد ؟
سنت خو هغه دي چې رسول اکرم (ص ) کړي وي يعنی د هغه کړه او خاصيتونه ٠ هغه ددواړو جهانوسردار کله چاته شکنځا کړي ؟ وواياست چې کله يې کوم يهودي يا عيسوي ته شکنځا کړي وي ، مسلمان خو پرېږده ؟ تاسو خو له محترم حليمي صاحب څخه هم ځانونه لوړ عالمان ګڼۍ نو څنګه دومره حاکميت په ځان نه لرۍ چې يوڅو علمي توري وليکۍ ؟


اودښځوپه سپورت چې دنيا په بل مخ چپه کوې نودې ته به څه ووايې چی نجونې نارينه ډاکتر ته دمعاينې لپاره ورشي ؟ ايا ښه به نه وي چې دښځو لپاره ښځينه ډاکټره موجوده وي ؟
ددې مشکل دحل لپاره بايد لومړې خور اولور مکتب ته لاړې شي تر څو استاذانې ترې جوړې شي او هغوی بيا ددې جوګه شي چې ډاکټرانې اونرسانې وروزي ٠ او که دا نه وي تاوان به يې کافر ته واوړي که ستا پښتون اومسلمان ورورته ؟ ايا يوضعيف اورنځورامت به ښه وي که قوي اوصحتمند؟

د ټوخي په شربتونو کی 15% شراب ګډوي ٠ نوچې ډاکټر يې کومې ښځې له ورکړي اوتاسوته معلوم وي تاسو ډاکټر په مړدک ولۍ که دهغه وخت تقاضا اوضروريات به مدنظر نيسۍ ؟
څوک چې دلوړواسلامي اخلاقو امتياز ځان ته ورکوي نوهغه دادي چې دچاخورولورته شکنځا وکړې ؟ تاسو څه ثبوت لرۍ چې داولمپيک ګډونکوونکې مسلمانې نجونې خرابې اوبداخلاقه دي اودبورقعې لاندې ټولې پاکی دي ؟
دپاکستان اوافغانستا ن دځينو اسلا مي پارټيودرهبرانواوغټوغټو ديني عالمانوزامن اولورګانې هم په غربي ملکونو کی تعليم کوي او ژوند کوي ، په دې هکله څه واياست ؟

خبره داد ه چې هرانسان دشخصيت خاونددې اومونږ انساني ارزښتونو اوکرامت ته په درنه سترګه ګورو که متقابل احترام نه وي نو په هيڅ کې له چانه کم نه يو ٠ هيله ده چې زمادورورۍ مشوره واورۍ٠

په درنښت

ازاد نظر
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
islam dost



دغړيتوب نېټه: 03 اګست   2004
ليکنې: 58

ليکنهد ليکنې نېټه  : جمعه   اګست   27, 2004 8:04 am    عنوان   : Reply with quote

درندلوستونکوالسلام عليکم ورحمته الله وبرکاته
حليمي صيب دپلارنيکه تقليد دابوجهل لاره وه ،مونږاوتاسودخدای جل جلاله فضل دی قران کريم اونبوي احاديث راسره شته دپلارنيکه تقليدته هيڅ اړتيانه ليدل کيږي ،هرڅوک چي وي قاضي قضات څه که دزماني بزرګ هم ځانوبولي خوچي عمل يی دقران اواحاديث څخه خلاف وي اودهغه عمل ددليل په توګه راوړل له ناپوهئ پرته نورهيڅ نه دي ،اسلام يوجامع دين دی چي دافرادوتابع کيدای نه شي ، زمونږلپاره يواځي اويواځي داسلام پيغمبرصلی الله عليه وسلم کړه وړه دليل کيدای شي ٠لکه څنګه چي لوی اوبخښونکئ خدای جل جلاله په يوايت شريف کښي مهراباني کوي اوفرمايی :
(( لقدکان لکم فی رسول الله اسوة حسنه ))
حليمي صيب تاسوولي په ځای ددي چي يوڅه ددليل په توګه وليکئ يواځي همدايوه خبره تکراره وی چي دپردي ترشا ناست يی اومستعارنوم کاره وی بايدځان معرفي کړئ ؟؟؟
ګوره حليمي صيب که زمونږ نومونه مستعاروي ياموکورنئ نامعلوم وي ،نوباورکړه تاسوهم که دومره معلوم شخص وی زه هم ليکلی شم چي نوم مي فلانی داحمدشاه بابااودميرويس نيکه لمسی يم څوک ماپيژني چي ته رښتيايی اوکه نه ؟
بل پلوپه يادولری چي که يوڅوک نامعلوم وي نوقران اواحاديث خونامعلوم اودپردي ترشا نه دي لطفادنامعلوموکسانوليکنه په قران اواحاديث ور ردکړه اووته ووايه چي لڅمخ اوداولمپيک په لوبودانجونوګډون روا دی ،فلاني قاضی قضات اوفلاني بزرګ داکار کړی نوبيابه ستاسوليکنه يوڅه معنی ولري ،خوداچي په قران اواحاديثونه شي ثابتولی ځکه نوره درڅخه ورکه شي نولنډدي ټوپ کړي چي تاسو دپردې ترشاياست ٠ زه فکرنه کوم چي ګرانولوستونکي به ديوچاشخصيت پيژندل اړين ګڼي بلکي هغوی خويواځي ليکنه ګوري چي څه يی ليکلي کنه مونږتاسوتقريباټول يوبل نه پيژنو٠
نوحليمي پوهه شه چي مونږاوتاسومسلمانان دقرانکريم اواحاديث نبوي په موجوديت کښي دپلاراونيکه تقليدته ضرورت نه لرواوداډول تقليديواځي غيرمسلمانان کوي اوبس ٠
ازادنظرصيب ستاسوليکنه اوس دوخت نشتوالي له امله نه شم ځوابولی اوکه مرګی رانه مخکي نه شونوانشأالله داسلام په برخه کښي دپتمني خورخاټول ((( دمخ حجاب ))) ترعنوان لاندي به يی مکمل اوتفصيل سره ځواب درته وليکم ٠

والسلام عليکم رحمته الله وبرکا ته

اسلام دوست

___________________________
نه پوهيږم زه چي تاته له څه سره تشبيه درکړم
ګل سره اغزي دي دسپوږمئ پرمخ داغونه دي
بېرته سر ته
د کارونکي عکس وښاياست شخصي پېغام وليږئ د ليږونکي ويب پاڼه وښاياست
ع کريم حليمي
ستوري
ستوري


دغړيتوب نېټه: 10 جنوري   2004
ليکنې: 2670
ځای: new york

ليکنهد ليکنې نېټه  : جمعه   اګست   27, 2004 8:05 am    عنوان   : Reply with quote

ډېر ګران ازاد نظر صاحب او درنو لوستونکو سلام !

نن په افغانسان کي داسي بدنختي ده ٠ چه isi خپله ډله لري او وهابيان خپله ډله لري ٠ چه دواړه طرفه غواړي چه سياسي کټي تر لاسه کړي ٠ او ښه سمه همکاري سره لري ٠ پاکستان ضعيفه افغانستان غواړي ٠
او سعودي غواړي چه وهابيت ريښې وځغلوي ٠ ولي چه د سعودي حکومت پر وهابيزم ولاړ دۍ ٠
او يګانه متعصب مذهب (حزب ) دۍ ٠ چه اخوانيان هم ورته ويل کيږي ٠ چه ليډر ئې عبدالوهاب نجدي دۍ
چه په 1115 ه ق کال ئې اسساس ايښودل سوۍ دۍ٠ او په هغه اندازه متعصب دي ٠ چه د جنت البقيې پر قبرو
ئي هم جهاد اعلان کړۍ وو ٠ چه قبرونه له منځه يوسي ٠ خو الله کاميابه نکړه
اوپر ډير اسلامي او شرعي اعمالو ئې د شرک حکمونه کړي دي ٠
د ظاهر شاه او داودخان په وختو کي ئې د وهابيت ډير مخنيوې کيدۍ ٠ او وهابيانو نسوای کولای چه خپل
تبلغ په عامه وکړي ٠ چون وهابيانو ، اخوانيانو د روس د جهاد په وخت کي ډير کار ترې واخستۍ ٠
نو نن په افغانسات کي ميدان ته راووتل ٠ خبره د اولمپک نه ده ٠ اخوانيان غواړي چه قدرت ته ورسيږي ٠
نو د مذهب په نامه ئې يوشئ جوړ کړي ٠ له خدايه و بېروي او دوۍ حکومت پر وکړي ٠ په تاريخ کي يواري بل ئې هم ميدان ته راووتل چه حکومت ونيسي ٠ د سعودي پر خاوره ئې حمله وکړه ٠ حکومت ئې ونيولۍ ٠ او پاچهي
سعود څيندي تر لاسه کړه ٠ نو سعود هم ترنن ورځي د دغه وهابيزم پر اصولو روان دي ٠ او دملت پښې ئې د مذهب په زولنو ورتړلي دي ٠ او هغه سي شرعي قوانين ئې رايستلي دي چه ملت ئې هيڅ سرنسي پورته کولاي ٠
نو خبره د اولمپک نه ده ٠ وهابيان هغه متعصب خلګ دي ٠ چه ښځه مکتب ته هم نه پرېږدي ٠ نن چي د قدرته
لويدلي دي دومره ئې مني چه پښتنې دي تعلم وکړي ٠ او پرون چه پر قدرت وه ٠ ټوله ښځي ئې پرکور کښېنولې ٠
او په غازي سټېډيم کي ئې ښځه په کلشنکوف ووشتل ٠ چه د صحابه وو د وخته بيا ترنن ورځي دغسي قصاص
په تاريخ کي نوو سوۍ ٠ هر بد عمل چه ئې په ګوته کړې ٠ نو بيا وائې چه په موږ بد خلګ ننوتلي وه ٠ اولمپک ته ښځي استول او نه استول د حکومت کار دۍ او دهغي پښتنې چه ځي که نځي ٠ که د افغانستان شورا اجازه ورکي ، قاضي قضات ئې ومني او که پښتنه هم حاضيره سي چه اولمپک ته ولاړه سي د اسلامي اخلاقو ، پر پښتني دود سره سم ٠ نوزه پښتنه لرم دغه ملا صاحب څخه چه که چيري دغه ګناه کبيره وي نو جزا ئې چشي ده ؟؟؟؟؟
او بل چيري چاته اجازه سوې ده چه په دين کي ملا د زور څه کار واخلي ٠ ؟؟؟؟
بسمه تعالی ٠ لا إِكْرَاهَ فى الدِّينِ قَد تَّبَينَ الرُّشدُ مِنَ الغَىِّ فَمَن يَكْفُرْ بِالطغُوتِ وَ يُؤْمِن بِاللَّهِ فَقَدِ استَمْسك بِالْعُرْوَةِ الْوُثْقَى لا انفِصامَ لَهَا وَ اللَّهُ سمِيعٌ عَلِيمٌ(256)
ترجمه ٠ نسته هيڅ زور په (منلو ) ددين کښي په تحقيق سره ښکار شوئې ده سمه لاره (د ايمان )له ګمراهۍ (کفر )ځني

شان نزول :
مفسر معروف اسلامى طبرسى در مجمع البيان در شان نزول آيه نقل مى كند: مردى از اهل مدينه بنام ابو حصين دو پسر داشت برخى از بازرگانانى كه به مدينه كالا وارد مى كردند هنگام برخورد با اين دو پسر آنان را به عقيده و آيين مسيح دعوت كردند، آنان هم سخت تحت تاثير قرار گرفته و به اين كيش وارد شدند و هنگام مراجعت نيز به اتفاق بازرگانان به شام رهسپار گرديدند.
ابو حصين از اين جريان سخت ناراحت شد و به پيامبر (صلى الله عليه و آله و سلم ) اطلاع داد و از حضرت خواست كه آنان را به مذهب خود برگرداند و سوال كرد آيا مى تواند آنان را با اجبار به مذهب خويش باز گرداند؟
آيه فوق نازل گرديد و اين حقيقت را بيان داشت كه : در گرايش به مذهب اجبار و اكراهى نيست .
در تفسير المنار نقل شده كه ابو حصين خواست دو فرزند خود را با اجبار به اسلام باز گرداند، آنان به عنوان شكايت نزد پيغمبر آمدند ابو حصين به پيامبر عرض كرد من چگونه به خود اجازه دهم كه فرزندانم وارد آتش ‍ گردند و من ناظر آن

هو که يوه پښتنه او لمپک ته ځي خپل ګناه ئې ده ٠ او خپل جواب به په قيامت ووائې ٠
نه کفر دۍ نه شرک ٠
هو ملا صاحب نصيحت دي روا او زور کول د بل پر لور او مور ناروا کار دۍ ٠ که څنګه

حليمي
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
ع کريم حليمي
ستوري
ستوري


دغړيتوب نېټه: 10 جنوري   2004
ليکنې: 2670
ځای: new york

ليکنهد ليکنې نېټه  : جمعه   اګست   27, 2004 9:02 am    عنوان   : Reply with quote

اسلام دوسته وروره ،درنولوستونکوالسلام عليکم ورحمته الله وبرکاته
پر نبي مي په غيبو ايمان راوړی ٠
هو ٠ خو که لا اله الا الله وحده لا شريك له له الملك وله الحمد وهو على كل شئ قدير
ئې راته زده کړي وي ٠ ضرور ده او واجب ده چه دپلارنيکه تقليد وکړم ٠


لَّقَدْ كانَ لَكُمْ فى رَسولِ اللَّهِ أُسوَةٌ حَسنَةٌ لِّمَن كانَ يَرْجُوا اللَّهَ وَ الْيَوْمَ الاَخِرَ وَ ذَكَرَ اللَّهَ كَثِيراً
داسي ده دين دغه پلار او نيکه را خودلۍ ده ٠ که و ئې نه کړم ٠ نوخو کافر کېګم ٠
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
زده كړيال



دغړيتوب نېټه: 16 اګست   2004
ليکنې: 39
ځای: دوبى

ليکنهد ليکنې نېټه  : جمعه   اګست   27, 2004 10:39 am    عنوان   : slam Reply with quote

ټولو شاغلو استادانو اسلام عليكم ټولو ته د خير او ښېګړو ډك ډك پېټي غواړم
... دروند استاد: مولوي حليمي صاحب اسلا عليكم. زه شاګرد د پوشتنې اجازه غواړم:
ما دغه موجوده ټولې مقالې او مضامين په پوره غور سره ولوستل. چې ټول دالمپيك او پشتنو پېغلو د ګډون په باب و. خو ستا دغه ليكنې ټولې په طالبيانو او وهابيانو په به هكله وې او لدېنه ورمخكې مقاله كې دې هم په نا څاپي توګه په غصه غصه خبرې كړې وې سره لدې چا ته زياتره په دلايلو ولاړې خبرې كوې، نو پوه نه شوم دغه ليكنه په غلطه دلته را غلي او كه څنګه؟؟. ځكه ما خو كشته پورته وكتل د طالبانو او وهابيانو خبره چيرې ونه ليده چې چا يې ددفاع كړې وي. نو دغه ستا ليكنه ولې له سره همدغه موضوع ته تمبه ده.؟؟؟
او بل تاسو فرمايلي[ خداى مو داسې حيران كړه لكه څنګه مو چې زه حيران كړم] ولې ولې خدايه مكړې ته چا حيران كړى يې او ته لوى او مشر عالم ځنګه حيرانېږي د خدا او رسول لار خو تا ته معلومه ده.!!! حيران خو بايد مونږ شاګردان شو چې ستاسو استادانو په اختلافونو كې رانه لاره وركه شي يو څه وايي او بل څه؟؟
او بل دغه پوشتنه هم را سره پيدا شوه چې اوس تا طالبيان ټول د نوي (دين) لرونكي بللي پدا سې حال كې چې هغوى په همدغه تورن و چې دوى د اوس عصر خلك نه دي ، بلكې دوى د زړو پېړيو خبرې كوي يعنې د قرون وسطى خلك دي.!!
او بل مولوي صاحب په قندهار كې د طالبانو د سقوط نه وروسته او د ډيموكراسۍ په اوسني مهال ټولې ۳۶ لېسې برحاله دي او پدې كې ۳ د نجونو لپاره دي هغه هم ټولې په ښار كې دي او په ټول ښار كشې بې حجابه ښځه نه ليدل كېږي، مخكې شپې د معارف رئيس شاغلي شعيب ته د ملل متحد يو كس راغي او ورته ويل يې د قندهار اول نومره نجونو نمونه راكړه بيا يې مو نږ د هغې د محرم سره كابل ته بيايو هلته بيا امتحان ترينه اخلو خو په قندهار كې داسې انجلۍ حاضره نه شوه چې كابل ته لاړه شي. نو بيا به څنګه د يونان د سفر لپاره اماده شي. چې اوس په دغه ګرمه ديموكراسى كې دا كار ونه شو دا ستا په وخت كې خو به زما په نظر د قندهار خلك لږ نور هم فابند او په پښتني اصولو ولاړ و.
او بل استاده يوه بله مشوره هم را كړه چې:
دغه د طالبانو او وهابيانو وچ په وچه رټل او ردول خو بايد زمونږ د كم علمه او لږ پوهيو كار واى تا غوندې لوى عالم خو يې بايد په غصه نه بلكې په سمو او قوي دلايلو رد كړي چې د آميانو تسلي شه پرې وشي.
بښنه غواړم
بېرته سر ته
د کارونکي عکس وښاياست شخصي پېغام وليږئ د ليږونکي ويب پاڼه وښاياست AIM Address Yahoo Messenger MSN Messenger
islam dost



دغړيتوب نېټه: 03 اګست   2004
ليکنې: 58

ليکنهد ليکنې نېټه  : جمعه   اګست   27, 2004 2:36 pm    عنوان   : Reply with quote

دنولوستونکوالسلام عليکم ورحمته الله وبرکاته
شاګرده وروره له ليکني مويوه نړئ مننه ،رښتياهم هغه متل دی چي وايی ( ډوله وهم دچيرته اوډب دچيرته خيژي ) غريبانان ملامت نه دي ،قانون دادی کله چي له يوچاسره دليل نه وي هغوی خامخايوغربل غرولي نه دي اوريدلي چي اوبووړی ځګ ته هم لاس اچوي ٠مونږدوی ته څه وايواودوی راته څه وايی ؟
مونږورته وايوچي که افغانستان دنړئ ترټولوپرمختللئ هيوادهم وګرځي اوهيڅ ډول ستونځې يی په مخ کښي هم وجودونه لري داولمپيک په لوبوکښي دمسلمانوانجونوګډون ناروا دی خودوی کله مونږته دسپورت اوورزش ګټې ښي چي سپورت روغتياضمانت کوي اوله ډيرومهلکوامراضويی ٠٠٠
اوکله راته وهابيان ياطالبان مخکي مخکي کوي چي په دي وسيله دوی غواړي له اصلي موضوع څخه چي اوس پکښي بنداوحيران اودريان پاته دي ځان يوې خواته کړي ، حليمي صيب خوکله کله دي ته نژدي شي چي وليکي که قاضي قضات ياحکومت اجازه ورکړي نوبياداولمپيک په لوبوکښي ګډون ر٠٠٠
خوګوره حليمي صيب دقران کريم لاندي ايتونه له ياده مه باسه چي لوی خدای جل جلاله فرمايی :
((( []ولاتلبسواالحق بالباطل وتکتمواالحق وانتم تعلمون ))) ( سوره بقره ايات نمبر ( ٤٢)
((( ولتکن منکم امة يدعون الی الخيرويامرون بالمعروف وينهون عن المنکر واولئك هم المفلحون )))
سوره العمران ايات نمبر ( ١٠٤ )


اوداهم :
که جاهل وکړي ګناه شي به معذوره == == پوهنده عاصی به وي له عذره دوره
نابيناکه شي اړ تاؤملامت نه د ی --=== که په غټوګوري خوپه زړه کو ر ه

والسلام عليکم ورحمته الله وبرکاته
بېرته سر ته
د کارونکي عکس وښاياست شخصي پېغام وليږئ د ليږونکي ويب پاڼه وښاياست
خاټول
ستوري
ستوري


دغړيتوب نېټه: 13 ميئ   2003
ليکنې: 127
ځای: متحده ايالات

ليکنهد ليکنې نېټه  : جمعه   اګست   27, 2004 6:21 pm    عنوان   : Reply with quote

اقتباس:
ګرانو دوستانو او درنو ملګرو ، ليکوالو سلام !
ږره مي سپينه سوه ٠ هر څه چه پلار مور نيکه کور کلي مسجد مکتب مدرسې راښولي وه ٠ د طالبانو مکتب
راغلط کړه ٠ اوس زه نه پوهيږم چه زما نيکه ګان غلط دي او که دطاليبانو مشران ٠
چه طالبان په ايمان ،اسلام روان دي او که زموږ نيکه ګان ٠ زه د داسي فاميل څه راوتلۍ يم ٠ دانه چه زه وايم چه
ديني عالمان وه خو کومه ورځ چه طالبانو حرکت شروع کۍ ٠ زموږ نيکه ګان ئې ستايل چه فاضيل کندهاري (ابواخندزاده )٠ ملا سليمان اخندزاده چه يګانه قبر دۍ دقندهار د ښار هديره کي چه دولت يعنی ابدالي حکومت
مناره پر درولې ده او ترننه پوري ولاړه ده چه په ټوله دکندهار په هديره کي بله مناره نسته قطعنأ ٠ او په ډبره کي ليکلي چه ملا سليمان علم کندهار ته راوړۍ دۍ

ښاغلی استاد او تره السلام عليكم ورحمة الله وبركاته
استاده ! داپورتنۍ دنسب لړۍ چي مو ليكلي زه هم په هم دغه لړۍ كي دحبو أخندذاده په نسب پوري اړونده يم او الحمدلله دلته په غرب كي مي هم خپل اسلامي تشخص او پښني كلتور له لاسه نه دی ورکړی ( حتی كه مي له تاسي سره ملاقات كاوو نو مخ به مي پټ وي ) اوتر څو چي زما پر ياد دي نو زمونږ ټول كهول همدغه اصل ته وفادار پاته وو، يو چا كه انحراف كړي وي هغو نو بيا دهغه شخصي عمل دی.
اقتباس:
دغه طالبيزم خو زما د نيکه ګانو د لاري څه اوښتي بولم ٠ او يا زما نيکه ګان پر اسلام نوه
روان ٠ خداي مو داسي حيران که لکه زه چه مو حيران کړې يم
چه اوس هغه عالمانو نيکه ګانو ليکنو او اعمالوته ګورم ٠ هغه اسلامي قانون چه ئې امان الله خان ليکلي دۍ
ټوله پر قرأن برابر دۍ ٠ چه هرشپه چه ئې لولم ژړا راسي ٠

استاده ! زه يي والله كه اوښتي بولم، ښايي دسيداحمدبريلوي شهيد دجهادي خوځښت په اړه به مو لوستي وي ؟ نوموړی چي له هندوستان نه دخپلو سرتيرو مجاهدينو په ملتيا دښال ( اوسنۍ كوټي ) په لار قندهار ته راغلل نو دا زما او ستا نيكه حبو أخند ذاده يي نه يواځي دا چي استقبال ته ور ووت او ميلمستيا يي ورته وكړه بلكي بيعت يي هم ورسره وكړ اوخپل 400 سوه طالبان يي غزاته ورسره واستول ، چي دهغوي له ډلي ملا لعل محمدقندهاری بيا دسيد احمد په لښکر كي دنظامي قومندان او دامر بالمعروف او نهي عن المنكر دشعبي دمشر په حيث دنده اجرا كوله او بيا وروسته شهيد شو، لنډه داچي دطالبانو وروڼو لار هم هاغه زمونږ دنيكونو لاره ده.
بل داچي طالبانو كله دښځو تعليم ناروا بللی، بلكي هغوي به په خپله هره انټرويو كي په ډاگه كوله چي كله هم دوي دزمره مادي امكانات لاس ته راوړي چي دښځو پوهنتونونه او ښوونځۍ ورباندي وچلولاي شي نو دوي به هرو مرو داپروسه پيل كوي.
دقانون په اړه بايد رڼه كړم چي طالبانو خو هم همغه دظاهرشاه خان ددوري قانون پلی كړی وو.
اقتباس:
دغه نن چه زه ګورم ٠چه نن طالبان او بن لادن ته ګورم داسي رامعلوميږي چه دغه خلګ نه د نبي پر شريعت صحيح روان دي ٠ او نه
دا لار زموږ د مسلمانو نيکه ګانو ده ٠ هو زموږ نيکه ګانو د وهابيانو څه ډير بد وړل
اوس پوه سوم ٠ بن لادن وهابي دۍ ، طالبان ٠ والله اعلم
دغه دنن د طالبانو اسلام ماته نوۍ رامعلوميږي ٠ که څنګه ؟؟؟؟

استاده ! كه مو لطفا دطالبانو او بن لادن دشرعي مخالفتونه يوڅو نموني په مدلل ډول راته په گوته كړل تر څوكه خداي وكړي چي دا وريره دي ددوي له ملاتړنه لاس واخلي.
دوهابيانو دعقيدي په اړه كه لږتفصيل راته وليكۍ هسي نه چي زه وهابۍ شم Laughing Laughing Laughing .
استاده Exclamation دطالبانو دنوي او دنورو دزاړه اسلام توپيرونه كه مو راته په گوته كړل چي دمحمد صلی الله عليه وسلم له اصلي اسلام سره يي پرتله كړواو كوم چي درسول الله له اسلام سره برابر وو هغه به غوره كړو.
اقتباس:
نوټ ٠ څوک چه د پردې شاته ناست وي ٠ او اسلامي تبلغ کوي ٠ او دئ نامعلومه ،کورنۍ ئې نامعلومه ، هديره ئې
نامعلومه ٠ نوم ئې مستعار وي ٠ شرعأ قانونأ اخلاقأ بايد ځانونه معرفي کي
دا انټرنټ دۍ او کفارو جوړ کړې دۍ ٠ کفار و پروپاګنډه چوړه کړې ده
کفار دي دا کار کوي چه پټ وطنو ته خلګ استوي چه پروپاګنډه واچوي
موږ مسلمانان يو ٠ بايد خپل وړونه سره و پېږنو نو بيا ئې تبلغ هم په راسته غوږو اورو ٠
که تاسو تبلغ د پردې شاته روا ګڼي ! نو ممکن ده چه پښتنه هم لڅه اولمپک ته رواوي که څنګه ؟؟؟؟؟؟؟

استاده ايا اوريدلي مو نه دي چي په اخره زمانه كي به دحق پلويان پټ گرزي؟ بيا په داسي حال كي چي داسي اخطار هم وركړشي

(( د ليکنې نېټه : ١ شنبه جولاي 25, 2004 7:19 am
خو که ستاسو خوښه وي ،هم دنورو ليکوالو زه به د يوه قانون پوه (Lawyer ) سره مشوره وکم چه موږ
څومره قانوني حق لرو چه طالب ډوله ليکوال مخه ونيسو ٠
دومره خوښه پوهيږم چه هر هغه څوک چه ان لاين ځي ٠ موږ کولاسو چه معلوم کړو چه له کومه ځايه ليکني کوي
خو ډيره مهيمه دا ده چه اول به زه دغه ليکني و Lawyer ته ورښکاره کړم که قانون پوه (وکيل) داسي څه پکښي
و مندل چي امنيت ملي ته ئې خساره رسېدل (رعايت حريم خصوصي و حقوق افراد ، انتشار مطالب خلاف امنيت و استقلال ملي.) نوبه وګوو که مو څه شخصي کولاي سول و به ئې کړو٠ ))

نو ملگري دي ووايي چي ايا هغه وروڼه چي په مستعارونومونو ليكني كوي ملامت دي؟
بېرته سر ته
د کارونکي عکس وښاياست شخصي پېغام وليږئ
Azad Nazer



دغړيتوب نېټه: 19 سپتمبر   2002
ليکنې: 97

ليکنهد ليکنې نېټه  : جمعه   اګست   27, 2004 8:10 pm    عنوان   : Reply with quote

((((((،قانون دادی کله چي له يوچاسره دليل نه وي هغوی خامخايوغربل غرولي ))))
داسلام دوست مهر
Evil or Very Mad
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
Azad Nazer



دغړيتوب نېټه: 19 سپتمبر   2002
ليکنې: 97

ليکنهد ليکنې نېټه  : جمعه   اګست   27, 2004 8:14 pm    عنوان   : Reply with quote

((مونږورته وايوچي که افغانستان دنړئ ترټولوپرمختللئ هيوادهم وګرځي اوهيڅ ډول ستونځې يی په مخ کښي هم وجودونه لري داولمپيک په لوبوکښي دمسلمانوانجونوګډون ناروا دی ))

Shocked Shocked Shocked
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
Azad Nazer



دغړيتوب نېټه: 19 سپتمبر   2002
ليکنې: 97

ليکنهد ليکنې نېټه  : جمعه   اګست   27, 2004 8:33 pm    عنوان   : Reply with quote

که جاهل وکړي ګناه شي به معذوره == == پوهنده عاصی به وي له عذره دوره
نابيناکه شي اړ تاؤملامت نه د ی --=== که په غټوګوري خوپه زړه کو ر ه

Crying or Very sad Crying or Very sad Crying or Very sad Crying or Very sad Crying or Very sad Crying or Very sad Crying or Very sad Crying or Very sad Crying or Very sad Crying or Very sad Crying or Very sad Crying or Very sad

يو شعر ماته هم راياد شو :

اويه کورباااااااااااااان

ترړنګ ترړنګ ترړنګ

مادطالبه ، طالب له سترګو جارکړې
راځههههه
چې سترکې تورې او تورې کړي لکۍ او لکۍ وله پرېږدينه
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
احمد



دغړيتوب نېټه: 23 اګست   2004
ليکنې: 25
ځای: دالله ځمكه

ليکنهد ليکنې نېټه  :   شنبه   اګست   28, 2004 7:43 am    عنوان   : دقدر وړ ليكوالانو وروڼو او خويندته ! Reply with quote

قدرمنو وروڼو او شريفو خويندوته!
لومړي مې نيكې هيلې اوسلامونه ومني...اميد دي روغ اوسي....
محترمو!
داسلام مبارك دين يو شامل او كامل منهج اوتګلاره لري...اسلام دتعصب تنګ نظري اوبدګوماني نه پاك دين دي....
عزتمندو!
داسلام كړي صرف تر لمونځ كولو او روژي نيولو پوري نه څرخيژي ...بلكې اسلام اخلاق معامله عبادت دي ... او هم داسي نور....
په خلاصه توګه اسلام دبشريت ټولو اړخونو ته توجه كړي نو ځكه هم ټوله نړي ورته د شموليت او كامل والې په سترګه ګورې.....
محترمو وروڼو!
كه لژ څه خيال وكړو اسلام دماشوم دې پيدايښت نه مخكې ورته پوره توجه كړي دبيلګې په توګه : ماشوم چې كوم مراحل تي كوې دهغې مور ته كامله توجه شوي ، ترڅو د ماشوم په سالم رعايت او پالنه كې مهم رول ولوبوي...
بياورپسې دماشوم لپاره ښكلې نوم او... لكه چې رسول كريم(ص) په يوځاي كې فرمايې: تاسو په خپلو ماشومانو باندي ښه نمونه كيژدي ځكه داخرت په ورځ باندې تاسو دخپلو پلرونو اونيكنو په نمونو باندې را پورته كيژي ....
داخرت په ورځ باندې تاسو دخپلو پلرونو په نمو نو باندې را پورته كيزي ...بيا فرمايي: چي بهترين ا غوره نمونه عبدالله او عبدالرحمن دي اويا هم هغه نمونه چې په هغې كې دعبد كلمه ذكر شوي وي ...
درسول الله (ص) دماشومانو سره مينه او دهغوي سره لوبې او مستي كول سيرت او تاريخ را نقل كړي دي... ددې نه وروسته چې كله ماشوم لژ شانته رالوي شې دمراهقتوب لومړي مرحلي ته ورسيژي نو ددې لپاره چې دماشوم تربيه مكلمه شي اسلام ورته دسپورت امر كوې... (علموا اولادكم السباحة والرماية وركوب الخيل ) يعنې تاسو خپلو ماشومانو ته لامبو وهل دنښو ويشتل او په آس باندې سوريدل وروښيي....
كه همداسې خيال وكړو دماشوم والې نه وروسته چې همدغه ماشوم ځوانيژې نو اسلام دده په راتلونكې ژوند باندې اسلام پوره توجه كوې...چې تر څو يومسلمان ځوان دې بد اخلاقي نه بچ شي نو دحلالې نكاح(واده) امرورته كوې (يامعشر الشباب من استطاع منكم البآئة فليتزوج ...) خو كه دچا وس نه رسيژې نو هغوي ته نبوې نسخه شته چې هغه روژه ده (ومن لم يستطيع فعليه بالصوم فإنه له وجاء).

همداسي اسلام دمور او پلاراحترام ،دهغوي خدمت كول او ورسره نيكې كول خپل يو لوي اصل بولې....
اسلام خپلو ټولو وګړيو ته په يوه سترګه ګورې...په اسلام كې هيڅ نوعه بهترې اوبرتري نشته مګر په تقوې (دالله تعالې نه په يره او ډار ) سره ده...(ياأيها الناس إنا جعلناكم شعوباً وقبائل لتعارفوا إن أكرمكم عندا لله أتقكم) الحجرات سورت 26مه پاره.
داخبره صيي نه ده چې زه دپلانې پير زوي يم يا زه د لوي اخنذاده لمسې يم يا....
قدرمنو!
داخرت ورځ داسې يوه دهيبت او وحشت نه ډكه ورځ ده چې هرچا ته به صرف خپل ځان مطرح وې اوبس...يودبل نه ټول منډې وهې او تښتې به ...قران كريم دغه حالت په يو ښكلې شكل راته داسي تصويروې: (يوم يفر المرأ من أخيه وأمه وأبيه وصاحبته و بنيه...!!!!) داخرت داسې ورځ ده چې سړي به دخپل ورور مور اوپلار ښځې او بچيانو نه تښتي او ورنه به منډې وهې... نه مور او نه هم پلار دسړي مشكل او ستونزه حل كولاي شي...هرسړي به دخپل عمل مطاپق خولو كې ډوب وې (لكل امرئ منهم يومئذ شأن يغنيه) دعبس سورت 30 مه پاره. هر سړي ته خپل عمل په كار دي او بس ...زمونژ پوښتانه مشران چې وايي: خپل عمل دلاري مل دي...هغه خو په اصل كې دغه ورځ يادوي.
نو اي زما قدرمنو ليكوالانو وروڼو!
راځۍ چې ددغې هيبت ناكې ورځې لپاره څه زاد او توښه برابره كړو...او په خپلو ليكنو كې دالله تعالې نه وډارشو او هغه سبحانه وتعالې د ژوند په هره شيبه كې په خپلو ټولو اعمالو باندې حاضر او ناظر وګڼو اويواځي دهغې ورځې دمالك او څښتن لپاره كار وكړو كوم چې مونژ ئې ورته پيداكړي يوو...( وماخلقت الجن والانس الا ليعبدون) ما نه دي پيداكړي انسانان او پيريان مګر دعبادت لپاره مې پيداكړي...
بېرته سر ته
د کارونکي عکس وښاياست شخصي پېغام وليږئ بريښناليک ولېږئ
مخکيني ليکنی وښاياست:   
نوې موضوع پېل کړئ   دا موضوع تړلې شوې . تاسو ليکنې بدلولی يا ځوابولی نشئ.    tolafghan.com دفورم سر ته   -> نړيوال ښکيلاک او د لرو بر افغان دازادۍ غورځنګ    ټول وختونه GMT دي
پاڼي ته لاړ شئ شاته  1, 2, 3, 4, 5  مخکي
پاڼه   4  ټولې پاڼې  5

ورټوپ کړه:  

تاسو په دې څانګه  کې ليکنې نشئ کولی
تاسو د دې څانګې ليکنو ته ځواب نشئ ليکلی
تاسو په دې څانګه کې خپلو ليکنو ته بدلون نشئ ورکولی
تاسو له دې څانګې څخه خپلې ليکنې ړنګولی نه شئ
تاسو د دې څانګې په ټولپوښتنه کې برخه نشئ اخستلی


Powered by phpBB © 2001 phpBB Group

Chronicles phpBB2 theme by Jakob Persson (http://www.eddingschronicles.com). Stone textures by Patty Herford.