د لوی، مهربان او بخښونکي خدای په نامه

کرکټ: نړیوال

27.09.2010 13:01    |   کرکټ څانګه عبدالله مزاري بېرته هېواد ته ستون شو

پلان دا و چې نوموړی به د لوبډلې سره کينيا ته سفر کوي او هلته به په څلور ورځنۍ او درې يو ورځنيو لوبو کې د کينيا خلاف لوبه کوي. خو دا چې په شارجه کې د تمرين په مهال ټپي شو نو پر ځای یې عزت الله دولتزی غوره کړای شو. عزت الله تېز توپ اچونکی دی.

02.09.2010 22:55    |   کرکټ څانګه افغان ځوانانو ټولنې لوبډله د رمضان سيالۍ پايلوبې ته بريالۍ شوه

نن د پاکستان په رمضان کپ کې پاک کورانګي په منځلوبه کې کورنګي الفتح ته ماته ورکړه او نيمه پايلوبې يا سيمي فاينل ته بريالۍ شوه چې د افغانستان د ځوانانو د ټولنې د لوبډلې سره به لوبه کوي.

02.09.2010 01:53    |   امريکا غږ راديو ويبپاڼه د افغانستان د ځوانانو کرکټ کلب نیمه پای لوبې یا سیمي فاینل ته چمتوالی نیسي

د پاکستان د کراچۍ په ښار کې د ډاکټر محمد اضغر علي شاه په نامه د کرکټ د شلو شلو اورنو سیالۍ اوس دریم پړاو ته رسیدلي دي.

31.08.2010 22:53    |   کرکټ څانګه د افغانستان د ځوانانو د کرکټ ټولنې لوبدله په رمضان سيالۍ کې نيمه پايلوبې ته ورسېده

د افغانستان د ځوانانو د کرکټ ټولنې لوبدله چې دا مهال په کراچۍ کې په رمضان سيالۍ کې برخه اخلي د دې سيالۍ نيمه پايلوبې ته بريالۍ شوه. افغان لوبډلې نن په منځلوبه کې د پاکستان کرکټ کلب ته ماته سخته ماته ورکړه.

31.08.2010 17:08    |   کرکټ څانګه د کینیا سره د لوبو لپاره لوبډله اعلان شوه

نن د افغانستا کرکټ بورډ د کینیا سره د انټر کانټینټل د سیالیو لپاره د ملي لوبډلې ۱۴ اساسي او ۴ احتیاطي لوبغاړي اعلان کړل، د افغانستان ملي لوبډله به د دې سیالیو لپاره د تمرینونو کمپ د متحده عربي اماراتو د شارجې په ولایت کې ترسره کوي. د لوبډلې اساسي او مرستوندویه لوبغاړي به د سپمتمبر د ۱۸ نېټې څخه تر ۲۶ نېټې پورې په خپل کورني لوبغالي شارجه کې خپل تمرینونه کوي، ملي لوبډله به د سپتمبر په ۲۷ نېټه د کینیا د هیواد پلازمېنې ته له متحده عربي اماراتو سفر کوي.

31.08.2010 10:33    |   کرکټ څانګه په رمضان کپ کې افغانستان بېګا ته منځلوبه کوي. په ژوندۍ بڼه یې ووينئ

د افغان ځوانانو د کرکټ ټولنې لوبډله AYCA چې د افغانستان په استازيتوب په کراچۍ کې د ډاکتر ام ای شاه په سيالۍ کې برخه اخلي نن په منځلوبه کې د پاکستان کرکټ کلب سره لوبه کوي. ننۍ لوبه د افغانستان په وخت د شپې په ۱۱ او د پاکستان په وخت د شپې په ۱۱:۳۰ بجو پيلېږي.

29.08.2010 23:44    |   کرکټ څانګه د افغانستان د ځوانانو د کرکټ ټولنې لوبډله د رمضان سيالۍ منځ لوبې ته بريالۍ شوه، ملک کلب ته يې په ۱۴۷ منډو ماته ورکړه

د افغانستان د ځوانانو د کرکټ ټولنې لوبډلې نن د پاکستان په رمضان کپ کې دويمه لوبه په ستر توپير د ملک سپورټس کلب څخه وګټله او د دې سيالۍ منځ لوبې يا کوارټر فاينل ته بريالۍ شوه. د افغانستان د ځوانانو د ټولنې د لوبډلې روزونکي حقداد نوري له کراچۍ څخه د ټيلي فون په ليکه ټول افغان ته وويل چې په ننۍ لوبه کې یې لوبډلې د سميع الله د هيټرک تر څنګ په دې سيالۍ کې تر بلې هرې لوبډلې ډېرې منډې جوړې کړې او په پايله کې یې سميع الله شينواري ته د لس زره کلدارو انعام هم ورکړل شو.

29.08.2010 09:40    |   کرکټ څانګه د ځوان افغان کرکټ اکاډمۍ لوبډلې د رمضان په کپ کې دويمه لوبه وګټله

بیګا شپه د افغانستان د ځوان کرکټ اکاډمۍ لوبډلې د پاکستان د ملير جيمخانه سره لوبه وکړه چې په پنځه ويکټو افغانستان وګټله. د رمضان کپ د اګست په ۲۰ نېټه پېل شوی د ځوان افغان کرکټ اکاډمۍ کلب پکې لومړۍ لوبه د چورنګي الفتاح په خلاف بايللې وه. پچه د جم خانې لوبډلې وګټله او توپ وهنه یې غوره کړه، د ۱۹ اور په ۴ توپ یې ټول لوبغاړي وسوځیدل او ځوان افغان کرکټ کلب ته يې ۹۲ منډې هدف وټاکه.

28.08.2010 11:50    |   کرکټ څانګه د ځوان افغان کرکټ اکاډمۍ لوبډلې د رمضان په کپ کې لومړۍ لوبه بایلوده

د ځوان افغان کرکټ اکاډمۍ لوبډلې کپتان خالقداد نوري په بیګانۍ لوبه نیوکې لري او وايي(( د چورنګې الفتاح سره باید بیګانۍ لوبه په ۱۱ بجې د شپې پېل شوې وه خو داسې ونشول او لوبه یې په ۱ بجه د شپې پېل کړه، لوبه یې ځکه ناوخته پېل کړه چې تلویزیون د پاکستان د ملي لوبډلې لوبه په ژوندۍ بڼه د کرکټ مینوالو ته وړاندې کوله)).

27.08.2010 09:28    |   کرکټ څانګه د ډاکتر ام ای شاه په سيالۍ کې د افغانستان لوبې په ژوندۍ بڼه ووينئ

د افغان ځوانانو د کرکټ ټولنې لوبډله AYCA چې د افغانستان په استازيتوب په کراچۍ کې د ډاکتر ام ای شاه په سيالۍ کې برخه اخلي نن لومړۍ لوبه د Korangi Al-Fatah لوبډلې سره ترسره کوي. دا لوبه او د افغانستان نورې لوبې د جيو سپورټس تلويزيون څخه په ژوندۍ بڼه په لاندې پتو کتلای شئ. همدا راز په دې اړه به نور تازه حال په فيس بوک د ټول افغان کرکټ څانګې په پاڼه خپروو:

26.08.2010 11:10    |   کرکټ څانګه د ځوان افغان کرکټ اکاډمۍ لوبډله نن د فلډ لایټ کرکټ سیالیو ته روانه شوه

د ځوان افغان کرکټ اکاډمۍ لوبډله نن د پنځه نۍ په ورځ د پاکستان د کراچې ښار ته روانه شوه، د ملي لوبډلې ۹ لوبغاړي هم ورسره د ډاکټر محمد اصغر علي شاه لیفون کرکټ نایټ سیالیو کې ګډون کوي. دغه سیالي په پاکستان کې د رمضان کپ په نامه هم یادیږي، د افغانستان لومړۍ لوبه د اګست په ۲۷ نېټه له پاک جم خانې کرکټ کلب، دوېمه په ۲۸ نېټه ملیر جم خاني کرکټ کلب او دریمه لوبه د اګست په ۲۹ نېټه د اډوانس ټیلې کوم کرکټ کلب سره په کراچۍ ښار کې کوي.

25.08.2010 12:00    |   کرکټ څانګه د ځوان افغان کرکټ اکاډمۍ په پاکستان کې د محمد اصغر علي شاه په سیالې کې برخه اخلي

سبا ته د پنجشنېبې په ورځ چې د وږي د ۴ نېټې سره سمون خوري د ځوان افغان کرکټ اکاډمۍ لوبډله د پاکستان د کراچې ښار ته د ۹ ملي لوبډلې د کرکټ لوبغاړو سره د ډاکټر محمد اصغر علي شاه لیفون کرکټ نایټ سیالیو ته روانیږي.

19.08.2010 07:28    |   کرکټ څانګه د افغانستان ملي لوبډله پلازمېنې کابل ته راورسیده

د افغانستان ملي لوبډله نن سهار ۷:۰۰ بجې د کابل هوائي ډګر ته راوسیدله، د ملي لوبډلې ټول لوبغاړي لومړی د کابل د کرکټ لوبغالي ته وېوړل شو او له لوبغالي څخه زیات لوبغاړي خپلو کورونو ته ولاړل او ځینې لا په کابل کې پاتې دي. د لوبډلې مدیر نظیم جار عبدالرحیمزی او ویډیو څیړونکی داود بابر او ۱۳ د ملي لوبډلې لوبغاړي کابل ته راورسیدل، د کابل په هوائې ډګر کې د کرکټ بورډ د مسؤلینو لخوا د ګلانو په ګیډیو ټول لوبغاړي بدرګه شول.

18.08.2010 12:31    |   کرکټ څانګه ملي لوبډله سبا سهار ۷ کابل ته رارسیږي

د افغانستان ملي لوبډله سبا په ۲۸ د زمري د کابل په وخت د سهار په ۶:۳۰ بجو د صافي هوائي شرکت په الوتکه کې له سکاټلینډ څخه پلازمینې کابل ته رارسیږي. ملي لوبډله د سکاټلینډ هیواد ته د لویو وچو یا د انټرکانټینټل د سیالیو ۵ څلور ورځینۍ سیالۍ ته له سکاټلینده سره په ۴ د اګست له هیواده په سفر تللې و.

18.08.2010 06:50    |   کرکټ څانګه افغانستان د سکاټلینډ سره په دوه دوستانه یو ورځنیو لوبو کې مساوي شو

د افغانستان لومړۍ یوه ورځینۍ لوبه د سکاټلینډ هیواد سره په ۱۶ د اګست و چې افغان ملي لوبډلې له سکاټلینډ څخه په ۹ ویکټو وګټله، په ۳۱ اورونو کې یې سکاټلینډیانو ته ټاکل شوی هدف ۲۲۴ منډې د یو لوبغاړي په سوزیدلو پوره کړ.دویمه یوه ورځینۍ لوبه چې د اګست په ۱۷ نېټه و، سکاټلینډ په ۶ ویکټو له افغانستان څخه وګټله، سکاټلینډیانو افغان ټول لوبغاړي په ۱۲۰ منډو په ۴۱ اورونو کې وسوځول. د سکاټلینډ هیواد ټاکل شوی هدف افغانانو ته په ۳۳ اورنو کې د ۴ لوبغاړو په سوزیدلو پوره کړ.

17.08.2010 11:38    |   کرکټ څانګه سکاټلينډ له افغانستان څخه ډېر زر غچ واخيست او په ۶ ويکټو یې دويمه يو ورځنۍ لوبه وګټله

پچه افغانستان وګټله او د له يوې سختې باراني شپې وروسته يې لومړی د توپ وهنې پرېکړه وکړه. د افغانستان ويکټې یو په بل پسې زر زر وغورزېدې. يواځې جاويد احمدي ۲۵ او سميع الله شينواري ۴۶ منډې جوړې کړې. د افغانستان ټول لوبغاړي په ۱۲۰ منډو وسوځېدل.

16.08.2010 16:06    |   کرکټ څانګه د اسیايي هیوادونو په لوبو کې د افغان ملي لوبډلې مهال ویش اعلان شو

په اسیايي لوبو کې افغانستان د اسیايي هیوادونو د کرکټ د څلورو پیاوړو لوبډلو په کتار کې دی. افغانستان به لومړۍ لوبه په دې سیالیو کې د ډ ګروپ ګټونکې لوبډلې سره د ۲۰۱۰ز کال د نومبر د میاشتې په ۲۴ نېټه تر سره کوي، د ډ په ګروپ کې نیپال، مالدیف او هانګ کانګ هیوادونه لومړی په خپلو کې لوبې کوي. د دې ګروپ هره لوبډله چې بریالۍ شو نو هغه به د افغانستان سره به کواټر پایلوبه کوي.د افغانستان ملي لوبډلې که د ډ د ګروپ ګټونکې لوبډلې څخه لوبه وګټله نو د دې سیالیو په نیمه پایلو کې به د پاکستان هیواد ملي لوبډلې سره د نومبر په ۲۵ نېټه مخامخ کیږي.

16.08.2010 11:08    |   کرکټ څانګه افغانستان سکاټلينډ ته په يو ورځنۍ لوبه کې په ۹ ويکټو ماته ورکړه

د افغانستان توپ وهنه کريم صادق او نور علي ځدراڼ پيل کړه. د نور علي ځدراڼ ويکټه له ۷ منډو جوړولو وروسته وغورزېده خو کريم صادق او شهزاد محمدي تر پايه ودرېدل. د افغانستان په توپ وهنه کې نن يواځينۍ درې شپږيزې کريم خان صادق ووهلې. په لوبه کې نن کريم صادق برسېره پر دې ۱۱ او شهزاد محمدي ۱۵ څلوريزې ووهلې.

16.08.2010 08:55    |   کرکټ څانګه د سکاټلينډ خلاف د څلور ورځنۍ لوبې څلورمې ورځ انځورونه

د سکاټلينډ خلاف د څلور ورځنۍ لوبې څلورمې ورځ انځورونه

15.08.2010 08:22    |   کرکټ څانګه په چين کې د آسيايي لوبو لپاره لسو هېوادونو لوبډلې معرفي کړې

د افغانستان په شمول لسو هېوادونو د په چين کې د آسيايي لوبو لپاره لوبډلې معرفي کړي دي. په دې لسو هېوادونو کې له افغانستان پرته پاکستان، سريلانکا، بنګلادېش، چين، هانګ کانګ، ماليزيا، مالديو، نېپال او سينګاپور هم شامل دي.

15.08.2010 04:00    |   کرکټ څانګه افغانستان د انټرکانټینټل په سيالۍ کې سکاټلينډ ته ماته ورکړه او دا مهال یې نمرې تر ټولو ډېرې دي

پرون افغانستان د سکاټلینډ ټول لوبغاړي یې په ۳۱۶ منډو وسوځول، افغانستان سکاټلینډ ته په دې لوبه کې ۵۴۵ منډې هدف ټاکلی و، د سکاټلینډ د هیواد پخې ښویدلې وې او پوهیدل چې افغان لوبډلې ته ټاکل شوی هدف نشي پوره کولای کوښښ یې کولو چې وخت ضایع کړي او لوبه د افغانستان سره مساوي کړي خو حمید حسن په دویمه پاڼۍ کۍ د لومړۍ پاڼۍ په شان توره وکړه او د سکاټلینډ هیواد ۵ لوبغاړي یې وسوځل او لوبه افغانستان وګټله.

14.08.2010 09:54    |   کرکټ څانګه انټرکانټننټل سيالي: افغانستان سکاټلينډ ته ماته ورکړه او ۱۴ نورې نمرې یې هم خپلې کړې

افغانستان نن د انټرکانټننټل په سيالۍ کې د سکاټلينډ سره د لوبې په څلورمه ورځ د سکاټلينډ ټول لوبغاړي په ۳۱۶ منډو وسوځول او لوبه یې په ۲۲۹ منډو وګټله. په دې ترتيب افغانستان د دې لوبې ۱۴ نورې نمرې هم خپلې کړې او ټولې شل نمرې یې خپلو نمرو ته ورزياتې کړې. دا مهال په دې سيالۍ کې د افغانستان نمرې ۷۷ شوې چې تر ټول لوړې او افغانستان یې په ګروپ کې لومړی کړ. افغانستان له دې وروسته په دې سيالۍ کې يوه بله لوبه د کينيا سره لري چې په نيروبي کې به ترسره کېږي. سکاټلينډ هم يوه بله خو زيمبابوی دوه لوبې لري.

14.08.2010 01:53    |   کرکټ څانګه په برتانيه کې افغانان تشويقوو چې د ملي لوبډلې ملاتړ ته راشي. SAS

په سکاټلينډ کې د افغان-سکاټلينډ د ټولنې مشر محمد اصف په برتانيه کې په مېشتو افغانانو غږ کړی دی چې د افغانستان او سکاټلينډ ترمنځ د دوه يو ورځنيو لوبو سيل ته دې د افغان لوبډلې لپاره ورشي.

13.08.2010 09:35    |   کرکټ څانګه انټرکانټننټل سيالي: په درېمه ورځ افغانستان سکاټلينډ ته ۵۴۶ منډې هدف وټاکه

نن افغان لوبډله د سکاټلينډ سره د انټرکانټننټل سيالۍ په ترڅ کې څلور ورځنۍ لوبې په درېمه ورځ د دويمې پاڼۍ توپ وهنې ته دوام ورکوي چې د سکاټلينډ په وخت د سهار په ۱۱ بجو (چې د ماسپښين په ۲:۳۰ بجې کېږي) پيل کېږي.

12.08.2010 07:40    |   کرکټ څانګه انټرکانټننټل سيالي، دويمه ورځ: افغانستان ۶ نمرې خپلې کړې او د پاتې ۱۴ د لاسته راوړلو په هڅه کې دی

کپتان نوروز منګل ټول افغان ته وويل چې موږ غوښتل چې د فالو آن (سکاټلينډ ته دويم څل توپ وهنې بلنه) ورکړو خو لکه چې له لوبغالي راووتلو نو دواړو روزونکو (کبيرخان او راشد لطيف) پرېکړه کړې وه چې موږ د دويم ځل لپاره توپ وهنه وکړو. منګل زياتوي چې ((موږ د فاسټ بالرانو ستونزه لرله. حميد او شاپور ځدراڼ دواړو ډېره لوبه وکړه او دواړه زخميان وو. موږ وېرېدو چې که چېرته هغوی ته د دويم ځل توپ وهنې دعوت ورکړو نو هسې نه چې ګېر شو ځکه چې زموږ بريد کونکي بالران زخميان دي.))