مو ماڼې لولپه شوې په ګورګورو تالان ګډ دی

سپین غر لمبه لمبه شو په کونترو تالان ګډ دی

 

ګرم ندی کنړ سیند که کروندې راځني یوسي

نن هلته سردرو کې په نښترو تالان ګډ دی

 

پامیر له ډیره شرمه سر ګریوان ته دی ور وړی

د لويې پکتیا په شمله ورو تالان ګډ دی

 

له شرمه د خپل قبر شناختې پټې ناهیدې کړې

کندهار کې د ملالې په سندرو تالان ګډ دی

 

قربان دې له ایمانه شمه څه شوې بت شکنه

د مات بودا په خاورو او ډبرو تالان ګډ دی

 شیرین اغا جهانګیر

۲۹-۰۹-۲۰۰۹

هرات