دا هم منو چې مونږ رڼا نۀ کوو ستوري نۀ يو
خو ستا د مخ د رڼا تاب لرو کمزوري نۀ يو
مونږ هم تر تا در رسېدل غواړو در منډې وهو
مونږ هم پۀ ژوند کې يو هدف لرو بې لوري نۀ يو
اوس چې څوک ښه خبره کړي نو ورته غوږ نيسو مونږ
اوس د پخوا پۀ شان ساده نۀ يو سر زوري نۀ يو
مونږ خو ددې ولس يووالی پۀ هرځای کې غوښتی
پۀ دې خوشاله يو چې دې قام ته مختوري نۀ يو
ای دولت زيه مونږه څومره خواره برخه لرو
پۀ کومه ورځ چې د جانان ديدن را اوري نۀ يو
16.03.2011
- سيدجمال الدين فاطمي
چې محبت چېرته ښکاره نۀ کيږي
هلته زمونږه ګذاره نۀ کيږي
پۀ مازيګر مې کډې وتړلې
نور مې پۀ دې کلي کې شپه نۀ کيږي
د رقيب سر به کړم لۀ تنه جدا
زما نه نوره څۀ چاره نۀ کيږي...
23.04.2011
- سيدجمال الدين فاطمي
معصومې اوښکې مې پۀ زغل ځي د ګرېوان غېږې ته
لکــــــــــــه جنګي اس چې تېز درومي د ميدان غېږې ته
هر مازيګر د ځوانيمرګـــــــــــــــــــــــــــو پۀ غم وير کوومه
غمی زلمی پۀ عشـــــــق کې ځي د بل جــهـــــان غېږې ته
د...