پولیس: په بلوچستان کې د ماينونو په ساتنه مامور د اېف سي ځواک يو عسکر په برید کې وژل شوی
پوليس اهلکار د نوم نه ښکاره کولو په شرط ويلي، بلوڅ بېلتون غوښتونکې ډله (بي اېل اې) د سکرو د کانونو د مالکانو نه قلنګ او پېسې غواړي چې پېسې دې ورکړي بيا به یې مزدوران خوشي کړي. پاکستان او امریکې بي اېل ای ترهګر تنظیم ټاکلی دی
امریکا کې د فلسطینیانو طرفداره مظاهره چیانو د کولمبیا یونیورسېټۍ په ودانۍ قبضه لګولې ده
د پوهنتون مشر نعمت شفيق ويلي، د کولمبيا پوهنتون به په اسرايل کې د مالياتو نه لاس نه اخلي، خو وړانديز یې کړی چې پوهنتون به په غزه کې د صحت او تعليم په برخه کې پانګونې کوي، او پوهنتون به نېغ په نېغه پانګونې نورې رڼې کوي
افغان طالبان وايي په هرات کې د شيعه مسلک په جومات حمله کې شپږ کسان وژل شوي
په کابل کې د ایران سفیر حسن کاظمي قمي په هرات کې د ګل، دوشنبې، په ورځ شوې حمله وغندله. هغه وویل داعش خراسان د افغانستان، ایران او په پراخه کچه د سيمې دپاره خطر دی
سي ټي ډي: بشام کې په چینایي انجنیرانو شوي ځانمرګي برید کې ککړ د ټي ټي پي څلور ترهګر نیول شوي
د خالي یا شنبې په ورځ د ترهګرۍ ضد محکمې (سي ټي ډي) ویاند پخپل یو بیان کې ویلي چې نیول شوؤ ترهګرو کې د مرکزي ملزم عادل شهباز تعلق د افغانستان د ننګرهار ولایت جلال اباد سیمې سره دی.
سرفراز بګټي: چا چې ټوپک راپورته کړی په کلکه به یې مقابله کولی شي
تېره ورځ د بلوچستان د اپیکس کمیټې غونډې ته خپله وینا کې ښاغلي بګټي ویلي چې د ترهګرۍ په ضد جګړه یوازې د پوځ اؤ وسله والو تر منځ نه ده بلکې "دا زمونږ د ټولو ګډه جګړه ده"
آی اېم اېف پاکستان ته د یو ارب اؤ ۱۰ کروړه ډالرو ورکولو منظوري ورکړه
آي ایم ایف پخپله اعلامیه کې ویلي چې پاکستان ته به د حکومت د ملکیتي ادارو اصلاحات په مخکې وړل اؤ د پالیسۍ په کاري چوکاټ کې چلول وي.
د تجارتي کشیدګیو پر مهال، د چین صدر شي جن پنګ د یورپ په دوره روان دی
د چین صدر شي جن پنګ راروانه د اتوار/یکشنبې په ورځ د یو شپږ ورځېني سفر په مقصد یورپ ته ځي چې دا د ۲۰۱۹ کال راهېسي، هغه براعظم ته د نوموړي وړومبی سفر دی.
د پاکستان امنیتي ځواکونو په خېبر اؤ بنو کې د پینځو ترهګرو د وژلو دعوه کړې
د پاکستان پوځ د عوه کړې ده چې امنیتي ځواکونو افغانستان سره په پوله پرته د خېبر پښتونخوا قبایلي ضلعه خېبر کې د ترهګرو په ضد عملیاتو کې څلور ترهګر وژلي اؤ دهغوي ځالې یې تباه کړې دي.
عراق د شام د کېمپ نه داعش سره تعلق لرونکي خپل قریب ۷۰۰ نور شهریان هم وطن ته ستانه کړل
د عراق او شام چارواکو د ګل/دوشنبې په ورځ وویل چې عراق خپل نور سلګونه شهریان چې د داعش ډلې سره یې تعلق ساتلو، د شام په شمال ختیځ کې له الهول غټ کېمپ نه وطن ته ستانه کړي دي.
بلېنکن: د اسرایل او د سعودي عرب د تعلقاتو وروسته د ریاض او واشنګټن د امنیت معاهده سر ته رسېدلی شي
بلېنکن وویل هغه د تېر کال د اکتوبر په لسمه نېټه سعودي عرب ته راتلونکی و چې د اسرایل او فلسطینیانو د تعلقات په سمولو په خصوصي توګه توجه وکړي خو سعودي دوره يې په اووم اکتوبر په اسرایل د فلسطیني مسلح ډلې حماس د حملې په سبب وځنډېدله
د بلوچستان په دېرشو ضلعو کې د پوليوضد کمپېن پيل شوی
کوټه — د بلوچستان په دېرشو ضلعو کې د پوليو ضد اووه ورځنی کمپېن نن د ګل یا دوشنبې په ورځ پيل شو. په کمپېن کې به تر دوه ميليونو زياتو ماشومانو ته چې عمرونه يې تر پينځو کلونو پوري وي، د پوليو ضد قطرې ورکول کېږي. د کمپېن پرانيسته د بلوچستان د بېړنيوعملياتو په مرکز اي او سي کې د صوبې د صحت سيکرټري عبدالله خان وکړه. ښاغلي عبدالله خان د کمپېن د پرانيستې پرمهال له رسنيو سره په خبرو کې وويل، چې کيمپېن به د اپريل له نهه ويشتمې نېټې بيا د مۍ تر پينځمې نېټې پوري دوام ولري او په کيمپېن کې شاوخوا لس زره روغتيايي ټيمونه برخه اخلي، چې ماشومانو ته به ګوزڼ ناروغۍ ضد قطرې ورکوي. "د پوليو ضد اوسنی ځانګړی کيمپېن د بلوچستان په دېرش ضلعو کې ترسره کېږي، چې په کې درويشت لکه پينځه نوي زره ماشومانو ته به قطرې ورکول کېږي. موږ هڅه کوو، چې له صوبې د پوليووايرس په بشپړه توګه له مينځه يوسو. د پوليو کارکوونکو د هڅو او د ميندو په مرسته مو ماشومان له فلج کوونکې ناروغۍ د خوندي ساتلو هوډ کړی دی." د بلوچستان د پوليو مخنيوي پروګرام چارواکي وايي، اوسنی کمپېن په داسي حال کې ترسره کېږي، چې په پاکستان کې روان کال دوه د پوليو مثبت کېسونه رپوټ شوي، او دواړه کېسونه په بلوچستان کې دي. ښاغلي عبدالله خان زياتوي، چې اوسني کېسونه د درېو کلونو له ځنډ وروسته رپوټ شوي دي. "په بلوچستان کې درې کاله وروسته دوه د پوليومثبت کېسونه په چمن او ډېره بګټي کې رپوټ شوي دي. خو دوه نيم کاله وروسته د صوبې په چاپيريال کې د پوليووايرس موندل شوی دی. د پوليوضد کيمپېن ځکه زيات مهم دی، چې د وايرس د لېږد مخه ونيول شي. ميندې بايد خپل ماشومان د ويکسين له لارې له پوليو او نورو خطرناکو ناروغيو خوندي وساتي." د بلوچستان پينځه ضلعې کوټه، افغانستان ته څېرمه چمن، کلاعبدالله، پښين او بلوڅ مېشته مستونګ سيمه د پوليو وايرس له پوليو حساسه يا های رسک ضلعې دي. په تېرو وختونو کې په پاکستان او افغانستان کې په يو وخت يا سينکرونايزډ ډول د پوليو ضد کمپېنونه ترسره شوي وو.
شهباز شريف له بل ګېټس سره ليدلي، پاکستان کې د پوليو ضد کمپاين پيل شوی
کراچۍ — د پاکستان وزيراعظم شهباز شریف د بل اېنډ ملنډا ګېټس د مشر بل ګېټس سره لیدلي، شريف د پاکستان او ګېټس فاونډېشن ترمنځ د کلکې همکارۍ یقيني کولو دپاره د بل ګېټس سره په ګډه د کار کولو ژمنه کړې ده. پاکستان کې نن د ګل/دوشنبې د ورځې نه د پوليو ضد کمپاين پيل شوی په 91 ضلعو کې چرته د پوليو خطره موجوده ده، د پينځو کالو نه کم عمر ماشومانو ته به د پوليو ضد څاڅکي ورکول کيږي. د پاکستان د وزيراعظم دفتر ويلي، شهباز شریف نن د سعودي عرب پلازمېنه رياض کې د نړيوالې اقتصادي غونډه په څنډه کې ليدلي، او له دغې وړاندې یې "د نړیوال صحت د ايجنډې د نوې پېژندګلو" په يو پېنل بحث کې ګډون کړی دی. د پاکستان وزیراعظم ویلي، د ملک څخه د پولیو د خاتمې دپاره پوره هڅې کوي، او د پوليو د خاتمې په لړ کې یې د اوږدې مودې په مرسته د بل اېنډ ملنډا ګېټس مننه کړې او زياته کړې یې ده، د پوليو نه د پاک پاکستان د حتمي هدف ترلاسه کېدو دپاره د ټولو همکارانو لخوا د پرله پسې هڅو ضرورت دی. ویل شوي، بل ګېټس د پوليو د خاتمې په لړ کې د پاکستان هڅې ستايلي او ويلي يې دي د پوليو خاتمه د راتلونکو نسلونو د دې خطرناکې ناروغۍ څخه بچ کولو ډېر ضرورت دی. بل لور ته د پاکستان د پوليو د مخنيوي د پروګرام مشر (کوارډينېټر قومي اېمرجنسي اپرېشن) ډاکټر شهزاد بېګ ویلي، له نن څخه په ټول هېواد کې د پوليو ضد څاڅکو کمپاين پيل کيږي، د دوه لکو نه زيات پوليو کار کوونکي به د پاکستان په هغو 91 ضلعو کې کور په کور ماشومانو ته د پوليو ضد څاڅکي ورکوي چرته چې د پوليو وايرس خطره موجوده ده. په خېبرپښتونخوا کې د صحت چارواکو ويلي، له نن څخه به د صوبې په مخصوصو ضلعو کې د پوليو ضد څاڅکو کمپاين پيل کولی شي او دا کمپاين به په دوو برخو کې ترسره کیږي. د پوليو د مخنيوي چارواکو په میاندو پلارانو غږ کړی، ماشومانو ته دې د پوليو د مخنيوي څاڅکي ضرور ورکړي ځکه د پوليو وايرس د تلعمرۍ دپاره ماشومان معذوره کوي او دا وايرس چې دا وخت يواځې په پاکستان او افغانستان کې دي، که يو ځل د دې سيمې نه ختم شو د ګردې نړۍ نه د تل دپاره ختمېدی شي. پاکستان کې سږ کال تراوسه پورې د پوليو دوه مثبتې پېښې معلومې شوي او د ملک په بېلابيلو برخو کې د پوليو وایرس ګڼې مثبتې نمونې هم رپورټ شوي دي.
ډېره اسماعیل خان، ټانک: چاودنه کې د پاکستان د پوځ دوه عسکر ژوبل شوي، پوځ د څلورو "ترهګرو" وژلو دعوه کړې
ډېره اسماعيل خان/ کراچۍ — د خېبرپښتونخوا په ډېره اسماعیل خان ضلع کې د پاکستان د پوځ په ګاډي چاودنه کې د يو افسر په ګډون دوه عسکر ژوبل شوي او د پاکستان پوځ ویلي، د ډېره اسماعيل خان سره څنګ ته پرتې جنوبي ضلعې ټانک کې یې د "ترهګرو د موجودګۍ" په خبر عملیات کړي او د څلورو "ترهګرو" وژلو دعوه یې کړې ده. پوځ نن د ګل/ دوشنبې په ورځ خپور کړي خبر کې ویلي، تېره شپه د 28م او 29م اپرېل په منځنۍ شپه کې یې په ټانک ضلع کې د "استخباراتو په اساس د ترهګرو ضد عمليات کړي دي". خو پوځ دا نه دي ویلي چې د وسله والو ضد عملياتو کې امنیتي ځواکونو ته هم کوم زيان رسېدلی دی. يوځ د وژل شويو کسانو پېژندګلو نه ده کړې خو دعوه یې کړې چې وژل شوي کسان په امنیتي ځواکونو بریدونو او د ترهګرۍ په نورو پېښو کې ککړ پاتې شوي دي. د پوځ او وسله والو ترمنځ د جګړو ځايونو ته اکثره خبريالان نه پرېښودل کيږي او د پېښو د ځايونو نه د مرګ ژوبلې په اړه د پوځ یا د وسله والو ډلو دعوې اکثره خپلواکه سرچينې تاييد کولی نه شي. پرون د ډېره اسماعيل خان او ټانک ضلعې ترمنځ غټه لار باندې د جنوبي وزيرستان جج/ قاضي شاکرالله مروت نامعلومو وسله والو تښتولی، وروسته د هغه يوه ويډيو خپره شوې او ويلي يې وو، طالبانو تښتولی وو، خو د دغه پېښې زمه واري چا نه وه منلې، او د شپې بيا چارواکو وي او اې ډيوه ته تاييد کړې چې جج راخوشی کړل شوی او نور تفصيل یې نه وو ويلی. د پاکستان پوځ په ټانک ضلع کې د وسله والو د وژلو خبر په داسې حال کې ورکړی چې پرون هم چارواکو ويلي، د بیټني سرکل په مغزي سیمه کې وسله والو د امنیتي ځواکونو په یو پوسته برید کړی وو خو د امنیتي ځواکونو د چټکتیا له امله کوم زيان نه وو اوښتی. چارواکي وايي امنیتي ځواکونه چمتو وو او برید ته یې سمدستي درنو او سپکو وسلو سره ځواب ورکړی او په شاه یې تمبولی وو. د سیمې خلک وايي د دوی ترمینځ د ډزو تباله تر څو ساعتو روانه وه چې پکې پوځ توپې هم کارولې وې. يو تن بین یامین وویل یو مارټر ګوله د دوی په کور غورځېدل چې پکې د کور ودانۍ زیانمنه شوې او څلور غواګانې مړې شوې دي. په ټانک ضلع کې ځایي خلک وخت په احتجاجي مظاهرې کوي او وايي علاقه یې د ناامنۍ سره مخ ده او د ناامنۍ د مخنيوي غوښتنې کوي. دوی په منتخب استازو هم نیوکې کوي او وایي د دوی د امنیت په ستونزه غلي دي. چارواکي وايي د ډېره اسماعیل خان په کلاچي سیمه کې د پوځ ګاډي ته نیزدې چاوده شوې چې پکې د پوځ یو افسر لیفټېننټ په ګډون دوه عسکر ژوبل شوي دي. د دوی په وینا بارودي توکې د سړک په غاړه ښخ کړل شوي او چاودنه کې یې د پوځ استمال لاندې بم پروف ګاډی په بشپړه توګه زیانمن شوی دی. په پېښه کې ژوبل عسکر ډیره اسماعیل خان سیمه کې پوځي روغتون ته وړل شوي دي. تر دې مهال دې پېښو زمه داري چا نه ده منلې خو په وروستيو کې د خېبرپښتونخوا په جنوبي سیمو کې د تشدد یو شمېر پېښې شوې چې ځینې په کې تحریک طالبان پاکستان منلې هم دي.
