د انګورو یو وږی په ۱۱ زره ډالرو
په جاپان کې د انګورو یو وږی په ۱۱ زرو ډالرو پلورل شوی دی.
د انګورو ددغه وږي د هرې دانې بیه - چې د ټینس د توپ په اندازه ده -۳۶۰ ډالره ده. د روبي رومان دا انګور یوه سوپر مارکېټ رانیولي دي.
د دې سوپر مارکیټ مسؤول تکامارو کانیشي وویل: "موږ به دا انګور له پلور څخه مخکې نندارې ته کښېږدو او ځینو مشتریانو ته په دا موقع ورکړو چې خوند يې وګوري".
معمولاً جاپانیان د غوره مېوو ترلاسه کولو لپاره ډېرې پیسې ورکوي او ځینې وخت دغه غوره مېوه دوستانو ته د ډالۍ په توګه وروړي.
خو تر ډېره جاپانیان د خپل کاري دفتر مشر ته دا ډول قیمتي ډالۍ ورکوي.
یو وخت جاپان کې یوه مڼه په ۳ ډالرو او یوه هندواڼه تر دېر قیمته پلورل شوې ده.
تېر کال هم یوه جوړه هندواڼې په ۱۲ زره ډالرو رانیول شوې وې.
ښاغلی کانیشي وايي: "زه ډېر خوشحاله او خوښ یم".
"رښتیا هم دا قیمتي روبي رومان ډبرې دي".