امریکايي سفیر وايي په صومالیه کې داعش په شا تمبول شوی دی
د امریکې سفیر ویلي د داعش خلاف د حکومت د پوځي عملیاتو په نتیجه کې وسله واله ډله په شا تمبول شوې ده.
د صومالیه حکومت ويلي تېر کال د اګست د میاشت نه د سږ کال د جنورۍ د میاشت پورې د امنیتي ځواکونو په عملیاتو کې د زرګونو په شمېره کې د داعش وسله وال وژل شوي دي.
امریکايي سفارتکار لېري اندری د وي او ای صومالي څانګې ته د ايمېل دلارې وویل د صومالي حکومت د عملیاتو په نتیجه کې د الشباب نه په دریو کې یوه برخه علاقه بېرته نیول شوې ده.
د الشباب خلاف د عملیاتو په ملاتړ کې امریکې د جنورۍ د میاشت راهسې د صومالیه مسلح ځواکونو ته وسله ورکړې او امریکا د صومالیه د خصوصي ځواکونو یوې دستې ته چې د دناب په نامه یادېږي تربیه کوي چې د داعش خلاف د عملیاتو مشري کوي.
د صومالیه حکومت دا هفته وویل چې په تېرو شپږو میاشتو کې داعش ته سخت نقصان رسول شوی دی.
د صومالیه د اطلاعاتو وزارت د مارچ په ۲۵ نېټه ی بیان کې وویل د تېر کال د اګست د میاشت نه د سږ کال د جنورۍ د میاشت پورې د پوي عملیاتو په لومړي پړاو کې ۳۰۰۰ د داعش وسله وال وژل شوي دي او تر ۳۷۰۰ پورې نور زخمیان شوي دي. وزارت وویل حکومت د ۷۰ کلي او بانډې د الشباب نه ازادې کړي دي.
د صومالیه د حکومت د وېنا برعکس الشباب وایي د امنيتي ځواکونو عملیات ناکامه شوي دي.
د الشباب سره تړلي رېډیو سره مرکه کې د ډلې ترجمان علي محمد راج چې د علي در په نامه هم یادېږي، په امریکا الزام ولګولو چې د الشباب خلاف ځواکونه متحرک کوي.
راج وویل اصلي منصوبه دا وه چې الشباب به په شپږو میاشتو کې ختم کړی شي. هغه ویل د عملیاتو لومړی پړاو ناکامه شوی دی.
د الشباب د ترجمان د بیان په اړه وي او ای د صومالیه یو چارواکي د راج دعوه رد کړه.
د صومالیه د وزیراعظم حمزا عابدي بر مشری کمال ظاهر حسن د راج دا خبره هم رد کړه چې امریکا د صومالي پوځ د الشباب خلاف متحرک کړی دی.
د صومالیه حکومتي چارواکو ویلي وو چې د الشباب خلاف د عملیاتو دویم پړاو به د روژې په میاشت کې شروع شي خو د عملیاتو دپاره تیار د تنقید سره مخامخ شوی دی.
د صومالیه د دفاع وزیر عبدالقادر محمد نور دا تنقید رد کړی چې حکومت په عملیاتو کې د ځای خلکو د کردار ستاینه نه کوي. هغه وویل دا جنګ د صومالیه د ولس جنګ دی او دا رېښتیا خبره ده چې کامیابۍ د ولس په تعاون ترلاسه شوي دي.
یادونه: د دې خبر معلومات د هارون معروف او د محمد عبدالرحمان د رپورټ نه اخیستل شوي دي
