ټول   BBC ازادي راډیو امریکا غږ ډیوه


پاکستان کې دکرونا وایرس خوریدو کچه بیا په بره روانه شوې،45 کسان مړه

پاکستان کې د کرونا وایرس د خوریدو لړۍ یو وارې بیا چټک شوې اؤ سرکاري شمیرې ښایي چې دتیر یو شواروز دننه نور 2819 کسان په دې وایرس اخته شوي اؤ 45 پرې مړه شوي دي.

25.07.2021 ډیوه

افغان دولت:طالبانو سپین بولدک کې پاکستاني ملېشې تر صفري نقطې راتیرې کړي دي

دافغانستان د رسنیو اؤ اطلاعاتو دڅانګې مشر دواخان مینه پال په طالبانو تور لګولی چې په سپین بولد کې یې دپاکستان ملیشه ځواک له صفري نقطې رااړولی دی.

25.07.2021 ډیوه

په هند کې د موسمي طوفانونو له امله تر سلو زیات کسان مړه شوي

واشنګټن ـــ  هندي چارواکي وايي، چې د موسمي طوفانونو له امله په دغه هېواد کې تر سلو زیات کسان مړه شوي او په لسګونو زره نور بې ځایه شوي دي.‌ د هند په مهاراشترا ایالت کې د ډېرو سختو مسمي طوفانونو له امله زیات سېلابونه راوتلي او ځمکې پکې خوېدلي. لومړي وزیر نریندرا مودي وايي، دی "د خلکو په مړینه باندې خوشینی شوی او دردېدلی. چارواکي وايي، د هند پوځ د سېلابونو په ځای کې د خلکو د ژغورلو پر عملیاتو بوخت دي. هوا پېژندونکو اټکل کړی چې تمه ده بارانونه به څو ورځې نور هم دوام ولري.‌

24.07.2021 ډیوه

د امريکا دفاع وزير لويډ اسټن د سويلي ختيځې ايشيا په سفر ځي 

فير بينکس, الاسکا- د امريکا دفاع وزير لويډ اسټن د سويلي ختيځ ايشيايي ملکونو چې د کرونا د وبا سره هم مخ دي په دوره روان دی چې په سيمه کېمل هېوادونه رايو ځای کړي کوم چې د چين د ډېرېدونکي پوځي هلو ځلو نه انديښمن دي.  د جمعې په ورځ د ځان سره الاسکا ته بوتلونکو رپورټرانو ته د خپلې ايشيايي دورې نه وړاندې هغه وويل “دا به په ريښتيا چې ښه سفر وي”.  هغه وويل “مونږ د سيمې استحکام ته اهميت ورکو او زما هدف د تعلقاتو ټينګول دي”.  راروانه اوونۍ اسټن د سنګاپور, ويټنام او فيلپين په سفر ځي. دا د بايډن د حکومت د يو لوړ پوړي چارواکي سويلي ختيځې ايشيا ته وړومبۍ دورهده او د اسټن ايشيا پيسېفېک ته دويم سفر دی چې تېرو ورځو کې يې ويلي وو “دا د پينټاګان د اپريشنو د لمړيتوب تهيټر دی”.  د دورې په اړه د سنټر فار سټريټيجېک اينډ انټرنيشنل سټډيز د ساوت ايسټ ايشيا ماهر او څېړنکار مری هيبرټ وي او ای ته ويلي د سيمې دغهځانګړې برخه به د امريکا د رابطو د پاره اوليت ولري ځکه دا عام خيال و چې “د ټرمپ تېر حکومت سويلي ختيځه ايشيا له پامه غورځولې وه”. هيبرټ وايی “په ميډيا کې ځينې قهرجن خبرونه هم خواره شول او څېړونکو ليکونه وکړل چې پکې پوښتل شوي ‘عجيبه ده امريکا چرته ده؟’. دا دبايډن د حکومت اوومه مياشت ده او دوی لا تر اوسه څه نه دي کړي”. اسټن د يو لوی پلاوي سره سينګاپور ته په جون کې د انټرنيشنل انسټيټيوټ فار سټرټيجېک سټډيز لخوا د کليز دفاعي غونډې شانګريلا ډايلاګ ته دتلو پلان لرلو خو د کرونا وايرس له کبله غونډه منسوخ شوه.   هغه په 27 جولاي د اي اي ايس ايس لخوا په سنګاپور کې د راجوړې کړې غونډې مهم ويناوال دی او ښکاري د اسټن د “نغښتې دفاع دنوي ليدلارې ذکر وکړي” چې څنګه په سيمه کې د چين د زورګېرۍ مخه ونيسي.  د چين کوسټ ګارډز او د مهيانو د وسله والې ميري ټايم مليشې کښتۍ په دوامداره توګه د فيلپين په خصوصي اقتصادي برخه کې ماهيګير ځوروي.   چينايي جهازونه په سيمه کې د مليشيا او ويټنام د تيلو او ګيس د راويستلو کمپنيانې هم تنګوي چې د سوبه يې په کار کې خنډان جوړيږي.  د شورو لا چهار شنبې په ورځ اسټن په پينټاګان کې ويلي وو پلان لري چې د امريکا د ازاد سمندرونو ژمنه بيا تکرار کړي کومه چې د چين “نه کارکونکې او بې بنياده دعوو” په ضد ده چې چين يې په سويلي چاينا سمندر کې لري.  اسټن وويل “مونږ په دې باور نه کوو چې يو ملک به دومره کولی شي په خپل سر دې قوانين وروتپي”. تېره اوونۍ د نيوي د وينا تر مخه د امريکا يوايس ايس بېنفولډ ډېسټراير بېړۍ د متنازعه سيمې پراسل ايلينډ ټاپوانو چې د چين په سويل او د ويټنام په ختيځ کې دي ته نزدې ورغلې وه چې په بېضرره تګ راتګ غير قانوني بندېزونه وننګوي. دا کار د سمندري تګ راتګ ازاد ساتلو يو ګام دی.  چين دعوه کړې وه دوی دغه بېړۍ زغلولې ده خو امريکا سملاسي دا دروغ بللي وو. چين، تايوان او ويټنام درې واړه وايي دغه ټاپوان د دویملکيت دی او پکې د پوځي جهازونو د چلن د پاره به د مخکې نه د دوی اجازت اخستل کيږي خو امريکا داسې نه وو کړي.  په سويلي چاينا سمندر کې نور ټاپوان او وړې جزيرې داسې دي چې برونايي، مليشيا او فيلپين يې د ملکيت دعوه کوي خو د شتمنو ډکې ډېرېسمندري سيمې سره د دې چې د ملکيت دعوه يې نور قامونه لري، چين خپله خاوره مني. چين په سلګونو ايکړه منصوعي ټاپوګان جوړ کړي چې دخپلې دعوې ملاتړ پرې وکړي.  هيبرټ وايي “دا يو خطرناک ځای دی. دا يقيني ده چې حادثات کېدلی شي” او وي او ای ته يې زياته کړه چې دې خورو ورو ټاپوګانو چين ددې جوګه کړی چې ځورول وکړي او فشار جوړ کړي.  امريکا په سويلي چاينا سمندر کې په دوامداره توګه فريډم اف نيويګيشن اپرېشن لا د چلن د ازادۍ لارې خلاصې ساتل په مخکې وړي چې د چين دملکيت دعوې وننګوي او په نړيوالو اوبو کې ازاد تګ راتګ يقيني کړي د کوم نه چې د دنيا نيم کاروباري جهازونه تېريږي او هر کال په ټرېلينونوډالره تجارت پرې کيږي.  د فريډم اف نيويګيشن دا ورستی اپرېشن د نړيوال انصاف عدالت دي هيګ د فيصلې د پینځمې کلېزې په موقع شوی چې پکې پرېکړه شوې وهچين د سويلي چاينا سمندر د ملکيت کوم تاريخي سند نه لري چې پرېکړه يې بيجينګ په شا غورځولې ده.

24.07.2021 ډیوه

مردان کې په اته کلنه ماشومه جنسي تیری شوی

پولیس وائي دخیبر پښتونخوا په مردان سیمه کې د اتلسو کالو یو ځوان یې په اته کلنه ماشومه له جنسي تیري کولو وروسته نیولی اؤ دهغه په ضد یې مقدمه درج کړې ده.

24.07.2021 ډیوه

پاکستان دکرونا ضد ویکسین لګولو پرته په هوایي سفر بندیز ولګولو

دپاکستان حکومت دکرونا ضد ویکسین لګولو پرته دهیواد دننه دخلکو په هوایي سفر بندیز لګولی دی اؤ وایي د راتلونکې میاشتې دپیل څخه به یوازې هغه خلک هوایي سفر کولی شي چې دکرونا ضد ویکسین لګولو سند ولري.

24.07.2021 ډیوه

بلوچستان:دغر نړیدلو له امله دسکرو کان کې څلور خواریکښ وژل شوي

دبلوچستان دمعدنیاتو دڅانګې لوړ پوړي مشر ښاغلي شفقت وي او ای ډیوه ته ددې پېښې پخلی کړی اؤ ویلي یې دي پېښه د هرنایي په شاهره کې دي ایم ډسي دسکرو یو کان کې رامنځته شوې ده.

24.07.2021 ډیوه

پاکستان افغانستان سره پخپلو لګیدلو پولو دپوځ شمېره زیاته کړې ده

د افغانستان دپولې سره پیوست دخېبر پښتونخوا دقبایلي ضلعو اوسيدونکي وائي د تېرو څو ورځو راهسې ويني چې په پوله د پاکستاني پوځيانو شمېر په زياتيدو دی.

24.07.2021 ډیوه

ټانک:دنامعلومه وسله والو په ډزو پلار اؤ زوئ وژل شوي

دخیبر پښتونخوا په ټانک ضلعه کې دنامعلومه کسانو په ډزو پلار او زوئ وژل شوي، بل لوري ته ځایي خلکو دناامني پرخلاف قامي لښکرې جوړې کړې دي او وایي حکومت دوئ ته تحفظ ورکولو کې ناکامه شوی دی.

24.07.2021 ډیوه

امریکا پاکستان ته نور 30لکه موډرنا ويکسين ورکوي

د امريکې د صدر جوبايډن انتظاميې ویلي، د کرونا وايرس قابو کولو دپاره امریکا د موډرنا نور 30لکه ويکسين پاکستان ته ورکوي، او دغه ويکسين به سبا د اتوار په ورځ (25 جولايۍ) پاکستان ته رسيږی.

24.07.2021 ډیوه

محب د پاکستان پخواني وزيراعظم نوازشريف سره ليدلي

د افغانستان د ملي امنيت مشاور حمدالله محب د پاکستان د پخواني وزيراعظم نوازشریف سره په لندن کې ليدلي او په ليدنه کې په دوه اړخيزه چارو خبرې شوي دي.

24.07.2021 ډیوه

اشرف غني او جو بایډن په ټیلیفون باندې پر امنیت او سولې خبرې کړي

 د امریکا صدر جوبایډن او افغان ولسمشر اشرف غني د جمعې په ورځ د افغانستان په امنیت، د سولې په اړه په روانو هڅو او د سفارتي چارو په اړه خبرې اترې کړي دي.  صدر اشرف غني په ټوېټر لیکلي دغه خبرې یې د جمعې په ماښام  په ټیلي فون کړي دي او صدر بایډن ورته ویلي امریکا به د افغان ځواکونو سره خپلې مرستې جاري ساتي. افغان صدر لیکلي دي جو بایډن ورته د افغان قامي ځواک سره د مرستو جاري ساتلو باور ورکړی او وايي پر اعتماده دی چې دوي به د افغانستان تحفظ او دفاع کوي. صدر غني لیکلي مونږه د امنیت او سولې د پاره د افغانانو په رایو ځای کولو زور راوړی او زیاته کړې یې ده چې امریکايي صدر ورته د افغان حکومت سره په سفارتي او اقتصادي مېدانونو کې د مرستو جاري ساتلو ژمنه هم ښودلی ده. ددې ترڅنګ اشرف غني په ټوېټر دا هم لیکلي دي چې د امریکا صدر ورته ویلي چې د تېرو شلو کالو لاس ته راوړنو په ځای ساتلو او افغان ځواکونو په اهمیت هم خپله ژمنه ښودی ده. ددواړو هېوادونو مشرانو ترمنځه داخبرې په داسې شوي دي چې امریکا ویلي د رانلونکي میاشتې ۳۱ اګست  پورې ټول ځواکونه د افغانستان نه خپل ځواکونه وباسي.  په داسې حال کې چې د افغانستان نه د نړیوالو ځواکونو د وتلو لړۍ په چټکتیا سره روانه ده د امریکا دفاع وزارت یو چارواکي د زیارت پنجشنبې په ورځ ویلي دي چې دوي په تېره یوه میاشت کې د افغان ځواکونو په ملاتړ کې په طالبانو یوشمېر هوايي بریدونه کړي دي. په غبرګون کې بیا طالبانو ویلي دي چې د امریکا هوايي ځواک تېره ورځ په کندهار ، هلمند او ځینو نورو ولایتونو کې بریدونه کړي دي کوم چې په قطر  کې د شوې امن تړون سرغړونه ده. بل خوا د افغانستان دفاع وزارت د جمعې په ورځ دعوه کړې چې د هرات کرخ ولسوالي یې بېرته له طالبانو نیولې ده.  او د جنګ په وخت یې طالبانو ته مرګ ژوبله هم اړولی خو طالبانو په دې اړه څه نه دي ویلی.

23.07.2021 ډیوه

خیبر پښتونخوا کښې په وړومبي ځل ښځېنه پټواریانې بهرتي شوي

دپاکستان تاريخ کې په وړومبي ځل خیبر پښتونخوا صوبه کې دولس ښځينه پټواریانې بهرتي کړل شوې دي.

23.07.2021 ډیوه

چین ته دقریشي سفر،ایا اسلام اباد به دداسو په پېښه بیجنګ قانع کړل شي؟

د پاکستان دبهرنیو چارو وزیر شاه محمود قریشي چې د چین په دوه ورځني سفر تللی  وایې ددې سفر مقصد یې دچین چارواکو سره په دوه اړخیزه اړیکو دخبرو ترڅنګ دافغانستان په معامله یو بل په اعتماد کښې اخستل دي.

23.07.2021 ډیوه

طالبان:اشرف غني چې له واکه تېر نه شي،سوله نه راځي

طالبان وایي هغوئ په اقتدار اجاره داري نه غواړي خو ترڅو چې اشرف غني له واکمنۍ لاس پسر شوی اؤ کابل کې یو نوی حکومت رامنځته شوی نه وي ترهغې په افغانستان کې سوله نه شي راتلی.

23.07.2021 ډیوه

OK
This site uses cookies. By continuing to browse the site, you are agreeing to our use of cookies. Find out more