ښاغلى امان الله "سيلاب" ساپی يو ملي شاعر دى، چې
د ملك او ملت د خوشحاليو او سوكاليو په آرزو د وطن
د زلميو جذبو ته د خپلو نغمو حرارت وركوي. په
آزادۍ دا مئين شاعر د ګردو پښتنو د اتحاد، يووالي
او ښې ورځې دپاره په خپلو هلو ځلو د يو روشن فكره
په حېث د خپل كردار له عمله پښتو ادب كې د خپل يو
مقام خاوند دی.
د ښاغلي سېلاب ټوله شاعري د پښتو، پښتونولۍ، وطن
سره د ننګ، پت، غيرت او محكومو ملتونو دپاره د
آّزادۍ پېغام دی.
د هغه شاعري يو داسې جام دى چې د فني خوبيو او
رنګينو محتاج نه دى. بلكې د مقصديت په درنښت د
ژوند او حيات له اوبو ډك دى. ډير كم خلق وي چې د
خپل ګفتار سره د ضرورت په وخت كې د كردار فرض هم
ترسره كړي او په هغو كې يو سيلاب صافي هم دى. چاچې
د ملك او ملت د آّزادۍ د تحفظ په خاطر د روسي
جارحيت په مقابل كې د خپل غازيانه كردار په عمل د
خپلو وينو په بدل د افغانانو او افغانستان د
خپلواكۍ دپاره خپل ملي فرض ادا كړو. او د يو نو
بهار په خاطر يې د وطن په خاوره خپله وينه باران
كړه.
هميش "خليل"
19 اكتوبر / 1999
