د لوی، مهربان او بخښونکي خدای په نامه

غزل

پوهنمل محمدوارث 24.06.2016 13:01

د ليکوال څو نورې لیکنې

ټول

چې مستي او شور ئې نشته حيران نه يم
حالات هم د زمانې دي زنګ وهلي

لا تراوسه ئې فکرونه ستړي ښکاري
دلته خيال او احساس دواړه جنګ وهلي

له خزانه نه به زه ولې ګيله مند يم
په سپرلي کې ټول ګلان دي رنګ وهلي #

زه اغيار ته په پاخه کاڼي کم راغلم
چې اوس خپل رانه تيريږي څنګ وهلي

ما وعده د اميل هسې ورته ورکړه
خبر نه وم چې ږلۍ، لونګ وهلي

چې خمار ئې نه ماتيږي پوه پرې نه شوې
ای ( وارثه ) دوې پيالو کې بنګ وهلي