د خوږیاڼو قوم د سراسري شورا اعلامیه

په دې وروستیو کې د ننګرهار ولایت د خوږیاڼو په پچیراګام ولسوالۍ کې داعش وسله والې ډلې لسګونه ملکي وګړي،چې په کې ماشومان او مېرمنې هم شامل دي دي په شهادت رسولي،همدا راز یې د دوی څاروي هم لمنځه وړي او لسګونه کورونو ته یې اورونه اچولي دي .

د تېر اونۍ راپدیخوا د یادې ولسوالۍ په پچیر سیمه کې داعش وسله والې ډلې د ۷ او ۴ کلونو ترمنځ څلور ماشومان او درې مېرمنې په شهادت رسولي،همدا راز یې له ۱۵ برمته شویو ملکي وګړو څخه څلور تنه په ډېر بې رحمه ډول په شهادت رسولي دي .

دغه ډلې د خپل ظلم د روان بهیر په ترڅ کې اته نور ملکي وګړي په یاده سیمه کې په ډزو سره په شهادت رسولي او د دوی کورونه یې سوزولي او څاروې هم ورته لمنځه وړي .

د خوږیاڼو قوم سراسري شورا په پچیر سیمه کې د څلورو ماشومانو او درې مېرمنو په ګډون د ۱۹ ملکي وګړو وژنه په کلکو ټکو سره غندي .

په داسې حال کې چې دغه شورا شهیدانو ته د جنت الفردوس غوښتنه کوي او دغه پېښه د خوږیاڼو قوم لپاره سترغم بولي، پر داعش وسله والې او د حکومت په هرې مخالفې ډلې غږ کوي،چې په خوږیاڼو ولسوالیو کې خپل ظلمونو ته د پای ټکی کیږدي

 

دغه شورا له حکومت څخه هم په جدي ډول غواړي،چې د خوږیاڼو د نورو ولسوالیو ترڅنګ پچیر اګام په ځانګړې ډول پچیر سیمه کې د روان ظلم مخنیوی وکړي .

درنښت

د خوږیاڼو قوم سراسري شورا

په درنښت

د اړیکوشمېري: ۰۷۷۷۱۳۲۳۲۰ - ۰۷۸۴۱۴۷۴۸۳

Shahid.qayal@gmail.com بریښنالیک: