د لوی، مهربان او بخښونکي خدای په نامه

په هامبورگ کې د افغانستان شپږ ورځنی سمينار

يحيي وردک 09.08.2014 14:48

گرانو هېواد والو!
د افغانستان معلوماتي مرکز )افغانيک( او د سياسي زده کړو ټولنه په هامبورگ کی تاسو قدرمنو آغلو او ښاغلو ته په خپل سږني سيمينار کې بلنه درکوي. دغه سيمينار د اګست د يوولسمی نېټې څخه تر شپاړسمی نېټې پورې د نولسم ځل لپاره او په کال کې يو وارې په هامبورگ کې جوړېږي.
ټول هغه افغانان او آلمانان چې د افغانستان له مسايلو او په آلمان کې مېشتو افغانانو د ژوند او ستونزو څخه ځان خبرول غواړي، دلته په زړه پورې معلومات تر لاسه کولای شي.
 
د سيمينار د گډون ونډه سل يورو او د بېکارانو د پاره پنځوس يورو ده.
خپل ماشومان هم ځان سره راوستلای شئ، د گډون ونډه يې څلوېښت يورو او د بېکارانو د پاره شل يورو ده.
موږ د آلمان د حکومت په مرسته ټول د هوټل لگښت او درې وخته خوراک په غاړه اخلو.
د سيمينار ژبه آلماني ده، خو د اړتيا په مهال کې د ځينو برخو ژباړې ته چمتو يو.
د آلماني او افغاني پوهانو لخوا په لاندو مسايلو باندی مقالې وړاندی کيږي:
د ولسمشری انتخابات او د افغانستان اوسنی حالت 
په وروستیو دوولسو کلونو کی د افغانستان اقتصادی پرمختګ
په آلمان کی د افغانی ټولنو او انجو ګانو چتری ټولنی جوړول
Alumni Network Afghanistanد مسلکي افغانانو نيتورک
د افغانانو او آلمانانو تر منځ کلتوري توپيرونه
د آلمان لخوا د افغاني پوليسو مسلکي روزنه
په هامبورګ کی د زړو افغانانو پرستاری
د افغانستان روغتيا او په کابل کی د يو کلينک جوړول
په آلمان کی د افغانانو په هکله د يو ریسرچ معرفی
د افغانستان راتلونکی د مځکی لاندی پرته ده
په کابل کی د آلمانانو د ښوونځي تاريخچه
په افغانستان کی زراعت
په شلمه پېړی کی افغاني موزيک او نمونی
د دغه سيمينار پروگرام او گډون پاڼه دلته (www.afghanic.org) تر لاسه کولای شئ!
د علاقی په صورت کې فورمه ډکه او موږ ته راولېږئ.

که کومې پوښتنې ولرئ يا لا ډېر معلومات پکار وي په دغه پته راسره اړيکې ټينگې کړئ: 

په درنښت يحيی وردک او اماديس هيمپل
 
AFGHANIC/Dr Yahya Wardak 
info@afghanic.org
www.afghanic.org
Mobile: 01747417306