د لوی، مهربان او بخښونکي خدای په نامه

پيدا نه وای

حفيظ مليار 20.05.2012 15:18

د ليکوال څو نورې لیکنې

ټول

خوب مې وای دا ستا په ليچو يا خو بې له تا نه وای
يا که ته زما نه وای نو بيا د زه پيدا نه وای

زه د وای ملنګ د مات کچکول سره دا ستا د در
ای زما وطنه خو له تا ځينی جدا نه وای

مينه ورور ولي وای محبت وای جنګ او شور نه وای
مرګ نه وای لمبی نه وای غوغا او وا ويلا نه وای

مونږ که د توپک په ځای تعليم ته مخه کړيوای
دا سې در په دره خوار او زار به په دنيا نه وای

ځاله د مرغيو غوندې ټول بچي د والوتل
کاشکې بې وطنه تيت پرکه په هر خوا نه وی

زه حفيظ مليار په محبت کې پيغور نه منم
زه به مجنون نه وای نو داته که مې ليلا نه وای

19,