نوره خوښه ستاده
09.05.2012 15:41راشه خولګۍ راګړه نذرانه اشنا
جوړه به شی ښکلی یارانه اشنا
ته راته دشمی په شان کړه لمبی
زه به درته ځان کړم پروانه اشنا
ته راته مطرب شه غږوه رباب
زه به درته وایــــــــم ترانه اشنا
شونډې کړه شربت ماته یی راکانده
پری به ږدم زه نوره میخانه اشنا
راشه مازدیګرته در ګدر به لور
جوړه به دیدن ته بهــــــانه اشنا
زه به دکوربه شمــه که راغللۍ
وبه کړو دسترګو معرکه اشنا
سترګې مې دخوښی شی هغه وختی
شی چې پکی مینه مستـانه اشنا
کړی به دهارون په مینه ځان قربان
نوره خوښه ستـــــاده جانانه اشنا
جګړن محمد هارون ناصری
215 میوند قول اردوهلمند