افغان ملي لوبډلې په دوستانه لوبه کې ماته وخوړه
24.09.2011 19:26نن په عربي متحده اماراتو کې افغان ملي لوبډلې چې د افغان ای سي بي ۱۱ په نوم یادیږي د ویسټ انډیز د کرکټ د پرمختګ د دویمې درجې سره لوبه وکړه چې د ویسټ انډیز لوبډلې په ګټه تمامه شوه.
په دې لوبډلې کې د افغان ملي لوبډلې څخه پخواني ۴ لوبغاړي او نور یې زیاتره افغان کرکټ بورډ نوې د کرکټ ډګر ته غوره کړي دي.
په ننۍ لوبه کې لومړی توپوهنه د ویسټ انډیز ډي لوبډلې وکړه چې په شلو اورونو کې د ۷ لوبغاړو په سوزیدلو یې افغان ملي ته ۱۵۲ هدف وټاکه. افغا ملي لوبډلې د ویسټ انډيز ډي لوبډلې په ځواب کې ۹۵ منډې وکړي او په ۴.۱۷ اورنو کې ټول لوبغاړي وسوځیدل په دې اساس سره لوبه د ویسټ انډیز ډي لوبډلې په ګټه تمامه شوه.
همدارنګه افغان ملي لوبډله د ویسټ انډیز د ملي لوبډلې سره د اکتوبر په دریمه نېټه لري.
په دې لوبو کې د اکتوبر تر اولې نیټې پورې د افغان کرکټ پخوانی لوبغاړی دولت احمدزی د دې لوبډلې روزنه کوي چې د هغې څخه وروسته به د افغان ملي لوبډلې روزنه بل نوي روزونکي ته سپارل کیږي.
افغان ملي لوبډله په ننۍ لوبه کې:
کپتان نوروز منګل، شهزاد محمدي، اصغر ستانکزی، میرویس اشرف خروټی، جاوید احمدي، نور الحق، ناصر ناصري، حمزه همدتک، دولت ځدران، شهاب الدین، اشرف خان.
د افغان کرکټ بورډ اداري ډله د دې لوبو لپاره:
د لوبډلې مدیر: شفیق عصمت
د لوبډلې روزونکی: دولت احمدزی
د لوبډلې ډاکټر: عظیم ملک
همدارنګه د ننګرهار د غازي امان الله خان د کرکټ د نړیوال سټډیم مسؤل قرار عزیزي په دوبۍ کې د دې لوبډلې سره اداري پلاوی دی.
په اماراتو کې د افغان ملي لوبډلې د مهال ویش په اړه معلومات دلته وګورۍ