افغان ملي لوبډله په اماراتو کې لوبې کوي
24.09.2011 18:46په عربي متحده اماراتو کې د افغان کرکټ مینوالو ته ضروري خبرتیا:
افغان ملي لوبډله په متحده عربي اماراتو کې د انټرکانټینټل د سیالۍ د لوبو لپاره تیاری نیسي چې لومړۍ څلور ورځینۍ لوبه به د اکتوبر په پنځمه نېټه د شارجې په لوبغالي کې د همدې هیواد د ملي لوبډلې سره ترسره کوي
دویمه رسمي لوبه به افغان ملي لوبډله د اماراتو د هیواد سره د اکتوبرپه ۱۰ نېټه د شارجې په سټډیم کې او دریمه شل اوریزه لوبه د همدې هیواد سره د اکتوبر په ۱۲ نېټه ترسره کوي.
دوستانه لوبې:
سبا افغان ملي لوبډله دویمه دوستانه لوبه د عربي متحده عربي اماراتو سره د دوبۍ په سپورټ سیټي کي لري چې د دوبۍ په وخت به ۲:۳۰ پیل کیږي.
افغان ملي لوبډله دریمه دوستانه لوبه د ویسټ انډیز د هیواد د ملي لوبډلې سره لري، دغه لوبه یوه ورځینۍ ده چي د اکتوبر د میاشتې په دریمه نېټه به د دوبۍ د سپورټ سیټي په ګلوبل کرکټ اکاډمۍ کې ترسره شي.