د لوی، مهربان او بخښونکي خدای په نامه

غزل

نجیب الله آرین 31.05.2011 19:19

د ليکوال څو نورې لیکنې

ټول

یوه لړۍ د تورو شپو او د تیارو ده راروانه
پښتنو ډیوې کړۍ بلي په پښتو ده راروانه

یم مجبوره چې مې ویر ملګری کړی
خوشالۍ نه رارسېږي په پلمو ده راروانه


زه بېوسه د سترګو جنګ کولی نشم
دا په شوخ نظر له لري په کتو ده راروانه

قتل عام به یې د زړونو بیا په لاره کې وي کړی
سترګي توري ، باڼه برند په نخرو ده راروانه

نور به څه بیان آرین د دردونو درته وکړي
دا قیصه یې وس د اوښکو په څپو ده راروانه