په كندهار ښار كي د دوو ښوونځيو د بنسټ ډبره كېښودل شوه
02.08.2010 22:15نن له غرمې مخكي د كندهار والي ښاغلي پوهنوال ډاكټر توريالى ويسا لخوا دكندهارښار د دوو بابو ښوونځيو (تيمورشاهي او عينو ليسو) د بنسټ ډبرې كېښودل شوې.
هغه مراسم چي په همدې موخه د كندهار ښار د پخواني منزليانو سراى چي اوس همدا دوه بابه ليسې پرې جوړيږي نيول شوه وه په كې دكندهار والي ترڅنګ دلايت مقام اداري او مالي رئېس محمد آمين كمين د پوهني رئېس ، كندهار ښاروال او يو شمير نورو دولتي اوغيري دولتي كسانو ګډون كړى وو.
پر يادو شوو دوه بابو ښوونځيو نهه لكه امريكايې ډالره لګښت راځي چي د CIDAيا دكاناډا د پرمختيايې اداري لخوا وركول كيږي او د اتو مياشتو په موده كي به د دواړو ښوونځيو ټول كار بشپړاو ګټې اخستني ته به چمتو شي.
ياد شوی هر ښوونځي كي شل درسي اطاقونه ، څلور اداري اطاقونه، د لوبو ميدان جمنازيوم او کتابتون هم په پام كي نيول شويدي.
دكندهار والي پوهنوال ډاكټر توريالى ويسا د هغو دوكاندارانو څخه چي د ځاى په تخليه كولو كي يې د چارواكو سره مرسته كړې وه مننه وكړه او ویې ويل (( ددې تعميرونو په جوړيدو سره به په كندهار كي د نارينه او ښځينه زده كوونكو هغه ستونزي چي د ځاى په مورد يې پخوا درلودې تر ډيره حده حل شي.))