د ۱۶ کاله ټيټ لوبډلې مالديف ته په ۹ ويکټو ماته ورکړه

د افغانستان د ۱۶ کاله ټيټ لوبغاړو لوبډله چې دا مهال په ماليزيا کې د کرکټ د آسيايي شورا د ۱۶ کاله ټيټ چيلنچ سيالۍ کې برخه اخلي خپله لومړۍ لوبه د مالديف سره وکړه او په ۹ ويکټو یې وګټله.

مالديف پچه وګټله او توپ وهنه یې غوره کړه خو ټول لوبغاړي يې په ۱۴ اورونو کې په ۳۸ منډو وسوځېدل. قويم ځاځي ۴ ويکټې واخيستې او ۱۳ منډې یې ورکړې. شمس الرحمان کړوخېل ۴ ويکتې واخيستې او ۴ منډې یې ورکړې. د مالدیف په ۳۸ منډو کې ۲۰ منډې اضافي وې چې افغانستان وړيا ورکړې. په بل عبارت مالديف پخپله ټولې ۱۸ منډې کړې وې.

په ځواب کې افغانستان د ۳۹ منډو هدف په ۱۰ اورونو کې د یوې ويکټې په بايللو پوره کړ او لوبه یې په ۹ ويکټو وګټله.

شمس الرحمان کړوخېل د لوبې غوره لوبغاړی وبلل شو.

افغانستان په خپل ګروپ کې یوه بله لوبه لري چې له بوتان سره به یې د چارشنبې په ورځ ترسره کوي.

د هېواد د شپاړلس کلونو ټيټه لوبډلې دې سيالۍ ته تمري په  اسلام اباد کې ترسره کړی دی. په لوبډله کې ټول ۱۸ لوبغاړي دي چې څلور په کې احتياطي لوبغاړي هم شامل دي. د آسيايي شورا د ۱۶ ټيټ چيلنج کپ د جولای له ۱۲ څخه تر ۱۹م پورې دوام کوي او د افغانستان په ګډون په کې اووه هېوادونهه برخه اخلي.

په دې سفر کې به د افغان لوبډلې روزونکی اسدالله خان او مدير تواب ظفرزی وي.

د شپاړلس کاله ټيټ لوبډله په لاندې توګه ده:

لوبډلې په دوه ګروپونو ويشل شوي دي:

د لوبو مهال ويش: