د لوی، مهربان او بخښونکي خدای په نامه

په خوست کې مجاهد لوبډله اتله شوه

کرکټ څانګه 05.04.2010 06:34

کپتان نوروز منګل هم د خوست دی.

په خوست کې سيمه ييزې لوبې پای ته ورسېدې.

د پژواک خبري اژانس د خبر په اساس یوه نيمه مياشت مخکې په خوست کې د دې ولايت له بېلابېلو برخو څخه ۴۵ کرکټ لوبډلو سيالي وکړه.

پايلوبه د نيازيو او مجاهد لوبډلو ترمنځ ترسره شوه چې مجاهد لوبډلې وګټله خو د سيالۍ غوره لوبغاړی د نيازيو د لوبډلې حبيب وبلل شو. په پايلوبه کې حبيب په یو اور کې ۵ شپږيزې او ۱ څلوريزه ووهله.

د خبر په اساس د لوبو سيل ته په زرګونو سيل کونکي راغلي وو.

خوست په ځانګړي ډول او لويه پکتيا عموما د کرکټ ډېر مينه وال لري او دا لوبه په کې لومړۍ لوبه ده. دا مهال د افغانستان د ملي لوبډلې کپتان نوروز منګل هم د خوست د ولايت دی چې د دې ولايت کرکټ کونکو ته ځانګړې تشويق کونکی عامل دی.

د پژواک په خبر کې راغلي دي چې دا مهال په خوست کې د لوبغالي د جوړولو چارې روانې دي.

د خوست نوی والي عبدالجبار نعيمي هم د کرکټ سره آشنايي لري او تمه کېږي چې په دې ولايت کې به د دې لوبې ځانګړی ملاتړ وکړي.