په نيوزيلانډ کې افغانان ۳ نورې لوبې هم لري

د افغانستان له ۱۹ کاله ټيټ لوبډله په نيوزيلانډ کې د نړيوال جام په ترڅ کې درې نورې لوبې هم لري.

دا لوبې به په دې جام کې د ۹م، ۱۰م، ۱۱م، او دولسم مقام د ټاکلو په موخه ترسره کېږي. افغانستان ونشو کړای چې په لومړي پړاو کې پوره نمرې واخلي او سوپر ايټ يا د غوره اته ډلو په کتار کې ځانته ځای جر کړي.

په نړيوال جام کې له سوپر ايټ څخه د پاتې شوو اتو لوبډلو سياليو ته پليټ چمپينشپ (Plate Championship) وايي چې د افغانستان تر څنګ به ۷ نورې لوبډلې هم په کې برخه اخلي. په نړيوال جام کې ټولې ۱۶ لوبډلې وې چې اته یې سوپرايټ ته بریالۍ شوې.

تر اوسه لا په رسمي ډول اعلان نه دی شوی چې کومې لوبډلې به په پليټ چمپينشيپ کې برخه اخلي خو د نمرو څخه داسې ښکاري چې افغانستان، هانګ کانګ، امريکا، ايرلينډ، کاناډا، زيمبابوی، او پاپوانيوګيني به په دې سيالۍ کې سره لوبې کوي. اتمه لوبډله به د پاکستان، ويسټ انډيز او بنګلادېش له لوبډلو څخه وي. لا نه ده روښانه چې د دوی له منځه به کومه لوبډله د سوپر ايټ له پړاوه پاتې کېږي. دا پرېکړه به بېګا ته د پاکستان او بنګلادېش له لوبې وروسته وشي.

په پليټ چمپين شيپ کې د لوبډلو مهال ويش په لاندې ډول دی: