د لوی، مهربان او بخښونکي خدای په نامه

دکابل - جلال اباد لاره په ساعتونو ساعتونو بنده وي

خبري څانګه 22.11.2009 11:15

د جلال اباد نه راغلي مسافر وايي چې په دې ورستيو وختونو کې د کابل - جلال اباد لاره په ساعتونو ساعتونو بنده وي .عيني شاهد ټول افغان ته وويل چې له پرونه راهيسې دا لاره د موټرو د بيروبار له امله بنده شوې او مسافر يې  چې ماشومان ښځې ، بوډاګان اود  ناروغان په کې دي ، د سختو ستونزو سره مخامخ شوي دي . په داسې حال کې چې داد دلويو لارو د ټرافيکو او پوليسو دنده ده چې د مسافرو پر مخ  لاره پرانيزي خو له بده مرغه په فساد کې ککړه اداره هيڅکله د اولس ستونزو ته پام نه کوي  اويوازې هغه ځای ته ځان رسوي چې هلته ددوي د جيبونو ډکولو امکانات موجود وي . يو تن مسافر وويل چې موږ د سهار په شپږو بجو له جلال اباد نه حرکت راکړی و جې په څلورو بجو
پل جرخي ته راورسيدو . دغه حال هره ورځ وي ، هيله ده چې دې ستونزې ته پوره پاملرنه وشي .