د لوی، مهربان او بخښونکي خدای په نامه

پیښور چاودنې ولړزاوه، ۴۹ مړه او له سلو ډیر ټپیان شول

ع. ساپې 09.10.2009 14:04

یو ځانمرګي برید کوونکې خپل موټر دپیښور ښار دخیبر بازار په سیمه کې والوزاوه چې له امله یی ۴۹ تنه مړه او له سلوڅخه  ډير ټپیان شوی دي.  چاودنه دومره زوروه وه چې ترڅو کیلو مترو پورې  یی خلکو غږ اوریدلې.  دعیني شاهدانو په وینا له چاودنې سره سم د انسانانوغوښې او دبدن ټوټې یوه او بله خوا تیتی شوې  او شاوخوا دوکانونه په بشپړه توګه ونړیدل. دخیبر بازار سیمه چی دکیسه خوانۍ له بازار سره جوخته ده  تل په کې دخلکو ګڼه ګوڼه وي  او دا څووم  وار دې چې په دغه ځای کې یواځې ملکي وګړي  په نښه کیږی. ننې  بریدپه تیرو شپږو میاشتو کې ترټولو خونړې و چې په کې شاوخوا یو سل او پنځوس تنو ته مرګ ژوبله اوښتې. د برید مسولیت لا تراوسه کومې ډلې پرغاړه نه دې اخستې. باید وویل شي چې تیره اونۍ یوې بمي چاودنې په اسلام اباد کې د ملګرو ملتونو یو دفتر والوزاوه او ورته پیښه پرون په کابل کې  دهند سفارت مخې ته وشوه چې درنه مرګ ژوبله یی درلوده.