د لوی، مهربان او بخښونکي خدای په نامه

د آيرلينډدکرکټ لوبډلې له افغانستان څخه وګټله

ع.س 04.09.2009 01:02

نن د ۱۹کلونو څخه کم عمره لوبغاړو د۲۰۱۱کال د کرکټ د نړيوال کپ د غوراوي په لوبو کې دآيرلينډد ۱۹ کلونو څخه کم عمره لوبغاړو ډلې دافغانستان ۱۹ کلونو څخه کم عمره لوبغاړو ډلې ته په ۷۲ منډو ماتې ورکړه .

افغانستان پچه وګټله او آيرلينډ ته يې د لومړي بيټنګ کولو وويل. د آيرلینډ لوبډلې په مقرره ۵۰ اوورونو کې  د۷ لوبغاړو په سوځيدو ۲۸۹ منډې جوړې کړي. د آيرلينډ کپتان بيلبرين ۱۰۲، نيسلن ۵۵ او اکليڼد ۵۰ منډې جوړې کړي. د افغانستان له خوا  نورالحق، ذکي الله او جاويد دوه، دوه لوبغاړي اوټ کړل.

په ځواب کې د افغانستان ټول لوبغاړي د ۲۱۷ منډو په جوړولو اوټ شول. په دې منډو کې د اضغر حسين ۵۱، د نورالحق ۴۹ او ايمل ۴۵ منډې شاملې وي. د آيرلينډ له خوا بيلبرين او ميکډونلډ درې درې لوبغاړي اوټ کړل.

د آيرلينډ کپيتا بيلبرين دلوبې غوره لوبغاړی وګڼل شو.

 افغانستان  به خپله دوهمه لوبه د سپتمبر په ۴ د هانک کانګ سره کوي.

د يادونې وړ ده چې افغان لوبغاړو د کاناډا ويزې پرخپل وخت لاس ته رانه وړي او له همدې کبله ناوخته )پرون( دغه هيواد ته ورسيدل. د افغان لوبډلې د کپتان،شير شيرازي په وينا لوبغاړي يې ستړي او ستومانه وو او په راتلونکو لوبو کې به ښه سيالي وکړي.