د لوی، مهربان او بخښونکي خدای په نامه

په بلوچستان کې دناټو شل کانټينرونه وسوځول شول

بشيرګواښ 31.08.2009 07:49

د ليکوال څو نورې لیکنې

ټول

نن سهار وختي دپاکستان په بلوچستان ايالت کې دنامعلومو وسله والو له خوا په افغانستان کې ناټو ته سامان وړونکو لاريوو لاسي بمونه وغورځول چې په پایله کې يې ۲۰ ټرکونه وسوځول او دوه تنه يې ټپيان کړل.

دپاکستانې رسنيوو په وينا دې ټرکونو کې تېل او نور لوژيستيکي سامانونه بار وو چې دکراچۍ دبندرڅخه افغانستان ته وړل کېدل.

دا پېښه په داسې وخت کې رامنځته کيږي چې دافغانستان او پاکستان ترمنځ باروړونکو لارۍ چلوونکو دپولې دواړه غاړو ته داحتجاج له امله ټرکونو ودرولي. نوموړو نن په يوه خبري ناسته کې وويل چې د پاکستا سرحدي پوليس ترې ديو ټرک پرسر ۵۰۰ روپۍ رشوت غواړي او که څوک يې ورنه کړي نو ټريلر يې خالي کيږي. ديوسف په نامه يو ډرايور وايي.))په هر ټريلر کې په ټنونو مال بار وي. دا چې خالي شي نو په بيرته ډکولو يې زهاوو روپۍ لګيږي.((

پاکستاني چارواکو بي بي سي ته ويلي چې ټرکونه له دې امله تالاشي کيږي چې دانساني قاچاق او وسله دليږد مخه ونيول شي.