د پيښور د افغان کډوالوپه معارف کې د بډو او رشوت بازار ښه تود دی !
01.07.2009 09:26د پيښور د افغان کډوالوپه معارف کې د بډو او رشوت بازار ښه تود دی !
څو ورځې د مخه موږ په پيښور کې د ١٣٨٧ل کال ددولسمو ټولګيو فارغانو د افغانستان د اسلامي جمهوريت د معارف د وزير په نامه يو سر خلاصی ليک د انټرنيټ په مټ وليږه . له نيکه مرغه ښه نتيجه يې ورکړه او د يو کال انتظار نه وروسته موږ د خپلو شهادت نامو په لاس ته راوړلو بريالي شو . خو دا برياليتوب مو هم د( اريانا په تجربوي عالي ليسه ) کې هغه وخت تر لاسه کړ چې د يو تن پر سر مو ( ٢١٠٠ ) کلدارې ٥٠٠ کلدارې تيرکال او ١٦٠٠ کلدارې اوس ، ددې ليسې د مديرې محترمې رحيمې ته ورکړې . محترمې مديرې صيب استدلال کاوه چې په دې پيسو کې ٣٠٠ افغانۍ چې ٤٥٠ کلدارې کيږي ما حکومت ته تحويل کړې .پاتې ١٤٥٠ کلدارې زما د لارې د تګ راتګ مصارف شوي دي
نو اوس تاسو قضاوت وکړی موږ د همدې ليسې ددولسم ټولګي ټول فارغان ٢٠ تنه وو
( 20*1450=29000) نهه ويشت زره کلدارې مديرې صيب د کابل په تګ راتګ مصرف کړي دي
بله ډير ه د اانديښنې خبره داده .هر افغان ماشوم چې وطن ته ځي نو د يوې سه پارچې په بدل کې بايد ٥٠٠ کلدارې دهغه مکتب مدير ته ورکړي . د پيښور په قونصلګری کې يو تن چې اعصاب يې ډير خراب واو د خپل نوم ښودلو څخه يې ډډه کوله ، وويل
زه د سوريا د ليسې د مدير نه چې د هرې سه پارچې په بدل کې رشوت غوښتلو د شکايت له پاره په پيښور کې افغان قونصلګری د معارف مشر ته راغلی وم خو د هغه چلند د مدير نه هم بتر و . داسې معلوميدل چې ټول يو بل سره شريک دي . ځکه د معارف مشر ته د شکايت سره سره د سوريا ليسې مدير بيا هم ددوه تنو د سه پارچې په بدل کې ١٠٠٠ کلدارې واخيستې او بيا يې سه پاچې اجرا کړې .
دريمه ستونز ه داده چې په زياتو مکتبونو کې د يو او بل نومونه په حاضرۍ کې ليکلي وي خو هيڅ وخت مکتب ته نه راځي ، د هغوي نه د هرې مياشتې فيس اخيستل کيږي او ددرسي کال په پای کې د پيسو په بدل کې هغوي ته د برياليتوب اطلاع نامه ورکول کيږي . يوه شاګرد کيسه کوله چې يوه ورځ د پيښور قونصل ګرۍ نه هيۀت راغلی و صنفونه يې کتل . کله چې يې لسم ټولګی وکتلو نو د همدې صنف شاګردان يې بوتلل په دولسم ټولګي کې کينول ، کله چې هۀت دولسم ټولګي ته لاړو نو يو تن يې وويل : دا کسان خو موږ په لسم ټولګي کې کتلي وو. مدير يوازې سترګې ځمکې ته ونيولې او نور يې غږ ونه کړه . دغه ډول ډيرې نادودې شته . د معارف محترم وزارت بايد دغه ټولې ستونزې تحقيق کړی او د کډوالو ګلالي ماشومان ددغو لوټمارانو څخه وژغوري . په درناوې
په پيښور کې ددولسمو ټولګيو فارغان
سلامونه موومنی
بس دومره وایم چی خدای دی هرمسلمان بنده ونیکی لاری ته هدایت کری که نه نو ....
سلامونه تاسو تولو درنو ته!
د پیشور لیسی خو لا پخپل زای د قونسلگری د شونی او روزنی سانگه یا اتشی معارف ترتولو زیات به اداری فساد معتاد دی.
د نظری به نامه د ریس مرستیال دیر سپک سری دی تاسی باور به خدای وکری چی نه خو به کار پوهیژی او نه په اخلاص کار کوی.
افغان وطنپال
سلامونه او نيكي پيرزوني خپلو وطنوالو ته وړاندي كوم.
زه هم ددي خبري طرفدار يم ده معارف محترم وزارت كار كونكي دي ددي خبري ته خاصه توجو وركرړي ځكه چه داده افغاني ماشومانو سره لوبي كول دي :-
اولوبي تعليم او تربيه سره نه يي پكار. ځكه زموږ نوي نسل مو خرابږي.او نو نسل چه كله خراب شوو. نوبيا 32 كاله په افغانيستان به جنكوي...... لكه اوسني حالات.............. مننه
م/ سميع الله سعودي عرب مدينه منوره.