ننني حالات او خلک د باباګانو د شعرونو په هينداره کې

(لومړۍ برخه)

 

• پښتانه؟

 

هر چې کښت يې په باران او په سېلاب وي

د هغو عمر به واړه په عذاب وي (رحمان بابا)

 

• د پښتنو د در بدرۍ عاملين؟

 

په بل غشي ټوپک هيڅ ويشتلى نه يم

که ويشتلى يم خو بيا په خپل ټوپک يم (خوشحال بابا)

 

• پاکستان او اسلام؟

 

چې په نام پښتون غوڅېږي پرې خوښېږي

اورنګزېب هسې باچا دى د اسلام (خوشحال بابا)

 

• د پاکستان لومړى وزير ګيلاني (وايي چې طالبان له افغانستانه پاکستان ته اوړي)؟

 

چې پتنګ په اور کې غږ نۀ کړي حميده

عندليب کاندي په ګلو ژړا پوچ (حميد بابا)

 

• عوامي نېشنل ګوند؟

 

هغه يار چې بې وفا دى څه يار ندى

هغه کار چې بې بقا دى څه کار ندى (رحمان بابا)

 

• د ګردې نړۍ ولسمشران؟

 

دا دُنيا په احمقانو ده ودانه

دانا نه کا په دنيا باندې غرض (رحمان بابا)

 

• جنګسالاران؟

 

څو به خورئ پردي مالونه په ستم

يوه ورځ به مو په نس کې شي اړم (حميد بابا)

 

• د پاکستاني پوځ او طالبانو ترمنځ جګړه؟

 

مهرويان کله خپلېږي ټول د چا

تر سپوږمۍ چاپېره کېږي شپول د چا (حميد بابا)

 

• امريکايان په افغانستان کې؟

 

نشي د ملنګو د خانانو سره کلى

چرته عزيز خان چرته ملنګ عبدالرحمان (رحمان بابا)

 

• ناټو؟

 

هسې مۀ وايه چې زۀ يم په جهان کې

پېدا کړى خداى د سر د پاسه سر دى (رحمان بابا)

 

• پنجابيان په سوات کې؟

 

د عسل خواړۀ مچۍ زده نۀ چې مچ زده

چې عسل وته نزدې شي نور تباه شي (خوشحال بابا)

 

• سوات؟

 

په هغو ځمکو چې روغې پرې ماڼۍ وې

د ايام په ګردشونو اديرې شوې (رحمان بابا)

 

• په قبايلي سيمو کې د پاکستان عمليات او تړونونه؟

 

کامراني په عشق کې مه غواړه حميده

دا ګياه نۀ زرغونېږي له دا کوه (حميد بابا)

 

• افغانستان؟

 

له يوې فتنې يې ځان په دُعا خلاص کړم

فلک بيا نوې فتنې کا رابرسېرې (خوشحال بابا)

 

• افغانان؟

 

څه مزري کړل زمانې د تماشو

ننه وځي يې په غار ګيدړ پيشو (حميد بابا)

 

• پېښور؟

 

په سبب د ظالمانو حاکمانو

اور او ګور او پېښور درې واړه يو دي (رحمان بابا)

غريب خلک مردګان پکې ورتېږي

ظالمان نکير منکر پېښور ګور شو (حميد بابا)

 

• د رحمان بابا قبر؟

 

هغه سر کړۀ زمانې د سپو د لوبو

چې يې نۀ واهۀ مزري پل په ورشو (حميد بابا)

 

• جمعيت اسلامي، حزب اسلامي، جماعت اسلامي، وحدت اسلامي، جنبش اسلامي، لشکر اسلامي.... (کوم پکې رښتينى اسلامي دى؟)

 

خپلې خپلې شلومبې ستايي

چې شلومبې پلوري ګوجرې (خوشحال بابا)

 

• د دې ګوندونو خپلمنځي جګړې؟

 

چې بنياد يې پېدا شوى په نفاق

د هغه نه تمه مه کړه اتفاق (خوشحال بابا)

 

• کمونستان؟

 

د جمله بديو سر تن اساني ده

خرڅاوۀ شي لټ غويى په قصابانو (حميد بابا)

 

• ډيک چيني؟

 

ته په اصل کې سړى يې څاروى نه يې

د چارپايو چارې مه کوه دوپايه (رحمان بابا)

 

• حامد کرزى؟

 

چې دې زړه پورې تړلى اُستوار

دا جهان دې د نيکه دى که د پلار؟ (رحمان بابا)

 

• کرزى (د جنرال دوستم په اړه)؟

 

که خپل زور باندې ښکاره کړم

خېلخانه لري خونخواره (خوشحال بابا)

 

• اسامه بن لادن؟

 

ته هم هيڅ له فرښتو زوکړى نه يې

چې چارپاې بولې دا نور بني ادم (حميد بابا)

 

• امريکا؟

 

که ته نه کړې په بل چا باندې غرض

بل به هم نه کا په تا باندې غرض (رحمان بابا)

 

• طالبان؟

 

که ګدا د بل په غولي غرض نه کا

سپى به نه کړي په ګدا باندې غرض (رحمان بابا)

 

• پروېز مشرف (اوس هم ځان ولسمشر ګڼي؟)

 

علت لاړ شي عادت نه ځي له سړي نه

خداى دې نه کاندي په بده چار عادت څوک (رحمان بابا)

 

• بې نظير بوټو؟

 

چا چې کړې و دنيا و ته اسرې دي

د همه واړو په سر خاورې ايرې دي (رحمان بابا)

 

• اسفنديار ولي؟

 

ازادي او کاروبار دي سره لرې

لاس له کاروباره اوکاږه که کار کړې (رحمان بابا)

 

• امريکا او القاعده؟

 

کر د ګلو کړه چې سيمه دې ګلزار شي

اغزي مه کره په پښو کې به دې خار شي (رحمان بابا)

 

• من موهن سينګ؟

 

چې په ما باندې تېرېږي ستا په عشق کې

خداى دې هسې حال پېښ نه کا مسلمان ته (خوشحال بابا)

 

• ايي ايس ايي؟

 

کوهى مه کنه د بل سړي په لار کې

چرې ستا به د کوهي په غاړه لار شي (رحمان بابا)

 

• مولانا فضل الرحمان؟

 

د مات لوښي اواز کله ثابت خېژي

د هر چا عمل څرګند په خپل ګفتار شي (رحمان بابا)

 

• منګل باغ؟

 

مى د خپلو لبو را، نه د انګورو

چې اول يې نوشيدن وي پسې قى (رحمان بابا)

 

• نصير الله بابر؟

 

چې بد نه کاندي خبيث

نور به څه کاندي خبيث (خوشحال بابا)

 

• د ايران ولسمشر محمود احمدي نژاد؟

 

کُل وسواس له احتياطه پېدا کېږي

زه له ډېرې هوښيارۍ نه لېونى شوم (رحمان بابا)

 

• هوګو شاوېز؟

 

مړني په کرده ډېر وييل يې لږ وي

د نامردو لږ عمل وي ډېر يې لاف (خوشحال بابا)

 

• جنرال حميد ګل؟

 

په پرده کې د اسلام بُت پرستي کړم

خداى دې نه کاندي دا ستر زما مات (حميد بابا)

 

• کنډوليزا رايس؟

 

د جهان په مخ به نه وي هسې تا غوندې دلبره

پري رويه، عنبر بويه، سنبل مويه، سمن بره (خوشحال بابا)

 

• ګل اغا شېرزى؟

 

ښايسته د کندهار د چا په ياد دي

په دا حُسن يې بنده واړه کشمير کړ (خوشحال بابا)

 

• حاجي دين محمد؟

 

زه هم چيرې فرزانه وم فرزانه يم لا تر اوسه

تل بېخوده دېوانه وم دېوانه يم لا تر اوسه (خوشحال بابا)

 

• هيلري کلنټن او ميچل اوباما؟

 

لکه کار د خوي خصلت په تفاوت دى

هسې زېږي په ښايست سره دلبرې (خوشحال بابا)

 

• اصف زرداري؟

 

مرد به نشې په ګفتار

څو پېدا نکړې کردار (خوشحال بابا)

 

• افراسياب خټک؟

 

وى مې چې په څو رنګه خوشحال په تا ميين دى

وى يې د خټک سړي د مينې څه ثناء کړې (خوشحال بابا)

 

• عمران خان؟

 

ځنې ځنې يې وليان پېغمبران کړل

نه چې هر سړى ولي او پېغمبر دى (رحمان بابا)

 

• عبدالجبار ثابت؟

 

چې هر دم راته خبرې د قصاص شي

نۀ پوهېږم بدنام شوى په کوم خُون يم (حميد بابا)

 

• استاد صديق پسرلى؟

 

په هغو لکه مچان خلک بڼېږي

چې په خوله کې غړوي نباته ژبه (حميد بابا)

 

• زلمى هيوادمل؟

 

د سپين توت چې مزه نه وي څه پکار دى

که ښه خوند لري ترې ښه ګڼه تور توت (خوشحال بابا)

 

• استاد اصف صميم؟

 

چې يې سپک کړي عاشقي لکه بڼه

هغه کس تر کوهِ قافه دروند ګڼه (حميد بابا)

 

• اسد دانش؟

 

لا هالۀ حميد کسکر په محبت و

فرښتو چې سازاوۀ په ترتيب ورو ورو (حميد بابا)

 

• عصمت قانع؟

 

ستا له زلفو، له رخساره، له سرو شونډو

پېدا شوي شام، شفق، او صبحدم دي (رحمان بابا)

 

• محمد يار؟

 

چې مجنون غوندې په مينه کې صادق وي

رحمان وايي په هغو باندې سلام (رحمان بابا)

 

• جنرال عبدالصمد مومند؟

 

ستا د حُسن د تعريف له برکته

د رحمان د شعر کُوکې په عالم دي (رحمان بابا)

 

• پير حېدري؟

 

چې د ښکليو کش مکش پرې نه تېرېږي

په دا هسې سلامته ږيره تُف (حميد بابا)

 

• باز محمد عابد؟

 

تا چې په دا تورو سترګو وکاتۀ و ماته

زړۀ دې زما تور کړو له دې نوره مخلوقاته (رحمان بابا)

 

• خواجه محمد سايل؟

 

د خوشحال شعر حلوا ده د شکرو

ستا په دا حلوا څه کار غول خوره خره! (خوشحال بابا)

 

• عبدالله بختانى خدمتګار؟

 

و سپين ږيرو و ته مۀ وايه سپين ږيري

دا همه واړه طفلان د ګوهرې دي (رحمان بابا)

 

• نجيب عامر؟

 

چې حميد غوندې سرکش يې کړ سرکوزى

طمطراق د عاشقۍ نۀ دى بې خرپه (حميد بابا)

 

• صابر شاه صابر؟

 

ناديده چې مُنيه لولي

ځان مُلا کاندي مشهور (خوشحال بابا)

 

• صادق ژړک؟

 

د خوشحال معشوقه دا ده

خوله يې ميم زلفې يې دال (خوشحال بابا)

 

• طائر ځلاند؟

 

خال او خط يې هسې چارې په مخ وکړې

لکه ګل شي تر پښو لاندې د هاتيانو (حميد بابا)